Просмотр кода страницы Елфимова, А. Куим пöвста керöсись петöм морт


Коркö, ассьыс чужан лунсö матыссаясыскöд пасйигас, Иван Вавилин шуас: «2011 воö меным тырас сё арöс, и тэ, Рита, чукöстан йöзсö да казьтыштанныд мено...»

Быттьö сэк нин тöдiс, мый буретш тадзи и лоас. Ыззьöдiс нылыс, Маргарита Ивановна, родвужсö, коми гижысьясöс, Куратов музейын зьльысьясöс, да и пасйим öтвылысь батьыслысь сёöд чужан лунсö.

Кöрткерöс да Сыктывдiн районсаяс Иван Вавилинöс öта-мöднысö ордйöмöн шуöны аслас гижысьöн. Öд чужлiс Иван Михайлович, кыдз ачыс ёртъясыслы висьтавлiс, куим пöвста керöсын - Кöрткерöс районса Позтыкерöс сиктсöветувса Баяркерöсын. А музаыс сылöн, Мария Александровна, вöлi Выльгортса Давйысь. Taнi и лöсьöдiсны сыкöд семья, быдтiсны кык нылöс да тaнi жö гижысь аддзис аслыс бöръя шойччанiн.

Ноябрь 21 лунö ми пасйим Нёбдiнса Витторлысь да Баярса Иванлысь чужан лунъяс. Но, збыльвылас кö, öнöдз на абу стöча тöдса, кор чужлiс Иван Вавилин. Öти гижöдын, кодöс кырымалö 1945 вося ноябрь 10 лунö, сiйö ас кинас пасйö, чужлi пö ноябрь 25 лунö. А сёрöнджык нин, 1952 вося май 23 лунö, бара жö аслас киöн, гижö, мый чужан луныс сылöн ноябрь 21 лунö. Мыйла тадзи, öнi, дерт, некод нин висьтавнысö оз вермы. Гашкö, томджыкъяс- сьыс кутшöмкö литературовед ырыштчас туявны Иван Михайловичлысь олан туйвизьсö, да миян коми литература историяын еджыд чутыс лоас этшаджык.

Аслас олöм йылысь да поэтическöй мастерство босьтöм йылысь Иван Вавилин висьталö:

«Начальнöй школаын велöдчигöн на кутi радейтны кывбуръяс. Но гижны босьтчöм йылысь думыштчылi сёрöнджык нин. 1927- 28 воясын батькöд да ыджыд воккöд ме уджалi вöрын. Первой воас Чöдъю дорын акционернöй общество «Руссголландлеслы» вöлöн кыскалi шпалъяс, а мöд вонас ачым нин велöдчи лöсны шпалъяссö. Олiм öтувъя баракын. Тöвся рытъясыд кузьöсь. Ме вöлi гораа лыддя коми книгаяс: Нёбдiнса Витторлысь, Тима Веньлысь, Илля Васьлысь, Михаил Лебедевлысь да мукöдъяслысь гижöдъяссö. Вöрын уджалысьяс менсьым лыддьöмторъ- яссö кывзылiсны сьöлöмсяньыс. Тайö тöвся рытъясас и чужи мöвп да кöсйöм -  босьтчыны аслым кывбуръяс гижалöмö.

Сэки, дерт, ме эг на гöгöрволы, мый сэтшöм поэзияыс да поэтикаыс. Зiльлi гижны ритм да рифма вылö подуласьöмöн, и ставыс. Гижа вöлi сы йылысь, мый аддза, мый кывла. Öтчыд висьталiсны: миян сиктö Пиля гöтыр ордö волöма сватыс, Конша сиктса Тима Семö, ыждалыштöма. Ме та йылысь гижи зэв ичöтик висьт «Ыджыд сват».  blcmi «Ордым» журнал редакцияö. И лэдзöмаöсь. Та бöрын Тима Семö кymic нимавны став Лöкчим вожын. Неважöн тайö висьтсö аддзылi «Ордым» жур- наллöн 1928 вося öти номерысь, и серамöй nemic - сэтшöм нин сiйö вöлöма жеб, а комын öти во сайын менсьым кыпöдлывлiс нимкодьлун.»

  1929 воын Иван Вавилин пырис велöдчыны Помöсдiнса IIIКМ-ö, тадз вöлi шусьö колхозса том йöзлöн школа. Аддзысьöма Тима Венькöд, кодi ciйо кадас велöдöма Помöсдiнса школаын коми кыв да литература.

- Тэ и лоан Баярса Иваныс, — шыасяс том морт дорö нималана гижысь. - Сiдзкö, тэнö гижам асланым литературнöй кружокö.

Дерт, дзик пыр кывбуралысьöн Иван Вавилин эз ло, колiс мырсьыны-велöдчыны на. Сыктывкарын вузъясö да втузъясö дасьтан öти вося курсъяс помалöм бöрын, 1933 воын арнас, мунiс армияö. И сэтысь воöм бöрын том поэтлöн заводитчис зумыдджык литература творчествоыс.

Сöмын Великöй Отечественной война водзвылын, 1939-40-öд воясö, «Ударник» журналын выльысь петкöдчöны сылöн кывбуръясыс, кодъясöс поэт ёнджыкасö гижис челядьлы лыддьöм вылö.

1941 вося июль 9 лунö (мöдлаын гижысь пасйöма, мый 1942 вося ноябрь 15 лунö) чужан му дорйыны мунö тшöтш и Иван Вавилин.

Война воясö поэтлысь лэдзисны кык ичöтик кывбур чукöр: «Ни öти шаг бöрö!» да «Сöветскöй воин», кытчö пырисны салдат-фронтöвикъяс йылысь кывбуръяс.

Фронт вылын олöм йылысь Иван Вавилин ачыс висьталö тадзи:

'''''«1943 вося февраль 25 лунö Штеровка дорын, Донбассö матысмигöн нин, ме ранитчи. Куйлi госпитальын Балашов карын. Бypдi тайö вося майын. «Май бурдöдiс менö» - юрын чужис мöвп. Кöсйи гижны кывбур, но сiйöс гижöм вылö мыйкö эз на тырмы. Колис во. Матысмис 1944 вося май. Тайö май водзвывса лунъясас миян частьяс врагöс вöтлiсны Днестр ю сайö. Миян «катюшаяс» уна фашистöс купайтiсны Днестрын. Та бöрын миян фронтса частьяс бойясöн прöйдитiсны ыджыд да сьöкыд туй. Бöрö колины Румыния, Болгария, Югославия, Венгрия, и вот Австрия. Ми ичöтик Грабен сиктынöсь. Taнi кылiм сьöлöм радуйтана юöр: «Победа!». И ме тайö сиктас пыр жö пукси''''' да гижи бöрö кольöм став майяс йылысь стихотворение «Вит май», кöнi некымын кывйöн пасйи ассьым да ме кодь жö уна сöветскöй воинлысь боевöй туйсö.»

Фронт вылысь воöм бöрын Иван Вавилин нöшта на матынджык лоо коми литература дорö - медводз уджалö гижысь котырын, а 1947 восянь ответсекалö «Войвыв кодзув» журналын, чуйдöдö да ышöдö том кывбуралысьясöс. Да и ачыс мудзлытöг гижö. Сылöн перö улысь петö книга бöрся книга: «Менам парма», «Тарас дед», «Зу», «Му выв кодзувъяс», «Кыаысь кыаö», роч кывбур чукöр. Челядьлы гижöдъяс: «Вельмöм Сан», «Дружнöй котыр», «Миша вöчö йöв», «Миян пароход» да мукöд.

1976 воын Коми небöг лэдзанiнын neтic сылöн «Сьöлöм сьылöм» сборник. Рукописьсö Иван Вавилин ас кокнас на вайлöма Владимир Поповлы, кодi вöлöма редакторнас, да кутшöмсюрö пасйöдъяс бöрын нулöма на гортас'''''.   А кор Владимир Александрович сдайтiс типографияö поэтöн тэчöм-öтлаöдöм кывбуръяса рукописьтö, авторыс эз нин вöв ловъя: 1975 вося октябрь 5 лунö сiйö виччысьтöг кувсис...'''''

Казьтывлö Яков Рочев:

'''''«Пукала Ухтаса аэропортын, Сыктывкарлань самолёт виччыся. Восьтi сöмын на ньöбöм «Красное знамя» газет и... ыркмунiс сьöлöмöй, быттьö вылiö койыштiсны йиа ва. Шармöм синьясöс тiльыштi, выльысь видзöдлi... Сьöд рамка пиас збыльысь сiйö, Иван Михайлович Вавилин…'''''

'''''  Кыдз нö тайö лоис! Ми тай нö кольöм вежонас на сыкöд паныдасьлiм «Войвыв кодзув» журналын, миян томджык друг Иван Торопов ордын.'''''

'''''  Ме дырйи пырис сэтчö Иван Вавилин, чолöмасис да редактор ныр улö пызан вылас пуктiс выль кывбуръяс:'''''

'''''  - Видзöдлöй…'''''

'''''  «Век на важ кодьыс», - думыштi ме. Редакцияад уна вояс уджалiгöн быдторсö сюрлi кывзыны. Вöлывлi и тадзи: томджык ёртыд ваяс гижöдсö, зургас ныр улад да грöзöн моз шуас - йöзöдöй, он кö пö йöзöдöй, мöдлаын да мöд ног ку- там сёрнитны. А''''' сiйö '''''кутшöм вöлi, сэтшöмöн и кольöм: видзöдлöй пö…'''''

'''''  Эз, сiйö некор некодлысь нинöм эз дзайгыв, некор некод вылö эз горöдлыв, век волi öткодь лабутнöй, рам; некод водзын эз копрасьлыв и некодсянь эз виччысь копыр.»'''''

'''''… А ми вок бырам –'''''

'''''дас во мысьт'''''

'''''Оз кутны тöдны,'''''

'''''вöвлiм эг…'''''

Коли эз дас, а комын квайт во нин, а ми со казьтылам кывбуралысьöс и ку- там казьтывны, кытчöдз коляс Коми муын кöть öти коми морт.


Анжелика ЕЛФИМОВА

Коми му. – 2011. – 8 декабря