Перейти к разделу.

Прошка

(висьт)

Катыдпомса челядь Иван Иванöс, латшкö- сiник тушаа пöрнöй мужикöс, некутшöма оз вöлi радейтны. Öтарö пакöститчисны сылы. Медся наяннас вильыш чукöрас ставöн шуöны коймöд классын велöдчысь Прошкаöс. Сiйö и нырщикалiс посниуловнас.
Иван Иванлöн пыж мотор будкаыс йöршитчöма Эжва ю берег дорын, векньыдiнын Öтарсяньыс юыс, мöдарсяньыс кыддза рас топöдöма. А неуна муныштан да паськыдiнö веськалан. Мый эськö-й челядьыслы будка дорсьыс корсьнысö. Но öд локтöны сэтчö! Быттьö маöн чöсмöдлöны. Оз вешйыны паськыдiнас, кöнi, майбыр, вöляыс тырмö. Мыйта колö мачтö чужъяв. Но оз, будка дорас жмитчöны. Та понда зонпоснитö Иван Иваныд ёна чиршöдлö.
А öтчыд локтiс сiйö будка дорас. Заводитiс öдзöссьыс игансö восьтыны да некыдз оз вермы. Ключ розяс тырыс вадорсьыс лöз сёйсö сюялöмаöсь.               Мöдысь локтiс, буд­ка пыранiнас вильсмунi кокыс, да ачыс гатшöн уси. Слабог, эз доймав. Чеччис, видзöдлiс кок увсö, а сэнi нальк вöлöмкö вöчöмаöсь. Кизьöр сёйсö сувтан пöв улас кисьтöмаöсь, да сiйöн и вильснитöдiс. Тадзи зонпосни чиршöдлöмысь водзöс босьтiсны. Ок, и ёна жö дöзмис Иван Иваныд! Весиг ветлiс участкöвöй дорö Прошка вылö норасьны
Рытнас мам-батьыс Прошкаöс пöттöдз видiсны. Батьыс коссьыс тасмасö пöрччылiс. Но Прошка, мыйöн аддзис тайöс, пыр и кевмысьны кутic.

1. Ой, батьö, доймас öд, вачкан кö! Ог сэсся пакöститчыны мöд. Мый эськö Иван дядьыс миян вылö öтарö горзö.
2. Батьыс скöрысь видзöдлiс Прошка вылö, но тасмасö бöр коскас пысалiс.
3. Веськыда кö шуны, сiдз и эм, - бергöдчис батьыс мамыслань. - Иван Иваныдкöд бурджык не паныдасьны. Видзöдлас тэ вылö сiдз, быттьö сё шайт уджйöза да он сет.
4. Но пакöститчыны- сö оз жö позь, - вочаасис мамыс. - А то кутузкаö вермасны йöртны.
5. Кылiн, Прошка? Прошка довкнитiс юрнас: кылi пö. Кылic эськö, но сылöн выль бала нин юр вежöрас бергалiс.

   Выльлунö, мыйöн помасисны урокъяс, зонкаяс бара ю дорö лэччисны. Котралыштiсны мач бöрся. Сэсся Прошка босьтiс мачсö киас да гораа шутёвтiс.
- Полундра! - горöдic ciйö. - Матыстчöй ме дорö! Челядь кытшовтiсны  Прошкаöс. Прошка гöгöрбок кыйкнитлiс, оз-ö бокöвой морт лок, да мыйкö шöпкöмöн другъясыслы висьталiс. Та бöрын зонкаяс пыр жö котöртiсны колхозса мöс картаяслань.
Асывнас локтiс Иван Иваныд пыж мотор буд­ка дорад да чуймис. Син- мыс плешкöдзыс кайлiс. Будка öдзöссö улыссянь вылöдз мавтöма, быттьö штукатуритöма, кизьöр мöс куйöдöн.
Пуксис Иван Иван будка дорö да дыр мый­кö думайтiс. Мöд лунас сiйö лэччис ю дорö сэк, кор сэнi челядьпияныд вopcicны. Прошка аддзис да лöсьöдчис нин пышйыны, но Иван Иваныд чукöстiс.
- Эн разöдчöй, волöй ме дорö. Сёрни эм.
Зонкаяс полiгтырйи матыстчисны. А Иван Иваныд перйис сумка- сьыс ыджыд кулёк. Сэнi тырыс вöлi сöвтöма шо­колада кампет.                                -Гöститöда, - шыасис сiйö зонкаяс дорö да мыччис кулёксö. - Эн полöй, босьталöй.
Прошка первойöн кватитiс коръя кампетсö. Сы бöрын и другъясыс босьталiсны. Пöт­тöдз номсасисны юмовторнас.
Та бöрын кодкö ветлысь-мунысьяс пиысь сиктса лавкаын сёрни кыпöдас: Эжва ю дорысь пö диво аддзылi - зонпосни Иван Иванлысь будка öдзöссö мыськалöны. Медся зiля пö вöрöдчö Прошка - босьтöма ыджыд ветьöк да öтарö зыралö öдзöс­сö. Нöшта кесйöдлö мукöдсö: бура пö мыськалöй.

Чушканзi. – 2014. - № 1. – С. 11.

Корткеросская Центральная библиотека им. М.Н. Лебедева. 2014 год.
Республика Коми, Корткеросский район, с. Корткерос, ул. Советская дом 187, lebedevlib@mail,ru
8(82136) 9-24-80. 9-98-16.