|
 |
Перейти к разделу.
Öтнас лягуша ваксис
Кымöр сайöдіс шондісö.
Ывла пемдыны пондысьö.
- Кот-кот, код сэні дурö? –
Пыр жö шыасис курöг.
- Рук-рук,- рукöстіс чошö,
Кытчö шондіыс воши?
Öтнас лягуша дыр
Ваксис, радлунöн тыр.
Ваксис, ваксис и вот
Муртса шöри эз пот. |
Эн дзебсясь, шонді
Эн тэ дзебсясь, шонді.
Бурджык лымсö шонты.
Медым керка дорын
Сяльгас визув шорыс.
Пыжыс ичöт Васьлöн
Туйö петны дась нин. |
(Коми челядьлы антология : Медводдза небöг. – Сыктывкар, 2009. – С. 99.) |
Каникул кад |
Урокъяс бöрö колисны.
Пöсь чолöм, гожся лун!
Каникул лунъяс воисны,
Он вермы дзебны нюм!
Каникул кад, каникул кад —
Медмуса миян кад.
Каникул кад, каникул кад,
Ми быдöн сылы рад.
Пыр кыскö ывла миянöс,
Ю дорын гажыс тыр. |
Сэн рытöдз чери вугралам
Да купайтчам вель дыр.
Чöд вотны мунам унаöн,
И пыр жö шызяс вöр.
Лöз вомъясöн, тыр чуманöн
Ми гортö воам бöр.
Эм казьтыштны мый миянлы,
Кор воас сентябрь лун.
Öд пармаса ныв-пиянлöн
Бур гожöмыд оз вун! |
Öшкамöшка. Репертуарно-тематическöй гижöд чукöр. – Сыктывкар: Коми кн. изд - во. - 1986. – С.32 |
|
| |
 |
Корткеросская Центральная библиотека им. М.Н. Лебедева. 2014 год.
Республика Коми, Корткеросский район, с. Корткерос, ул. Советская дом 187, lebedevlib@mail,ru
8(82136) 9-24-80. 9-98-16. |
|
|