Перейти к разделу.

Сувтны эськö пелысьöн Сувтны эськö пелысьöн Тэнад öшинь улö. Дзоридзавны син водзад, Гажöдны быд тулыс. Лоны эськö шондiöн, Суны узянiнад. Шоныд, мелi югöрöн Инмöдчыны дiнад. Петны эськö тöлысьöн, Югдöдны мед войсö. Висьö кö том сьöлöмыд, Юкны öтмоз дойсö. Лэбны эськö лун тöлöн, Тэнö туйысь корсьны. Тöдлытöгыд сывйыштны, Шöвк юрсинад ворсны. Сьывны эськö колипöн. Гажöдны мед тэнö. Сöмын, муса мортанöй, Абу тай тэ менам.	* * * Коми муöй менам дженьыд  гожöмъяса Но и сiйö менам сöстöм пожöмъяса, Коми муöй менам веж морозъяса, Но и сiйö менам мича козъяса. Коми муöй менам зарни аръяса. Но и сiйö менам байдöг-таръяса. Коми муöй менам зыбуч нюръяса, Но и сiйö менам сьöла-уръяса.     Коми муöй менам кöдзыд вой тöла, Шуда да быд уджысь повтöм войтыра.
Войвыв кодзув. – Сыктывкар, 1980.
Мамлöн чужан лун Лöзъюгыд на Сöмын тöдчö. А ме пелькöдча Нин, вöчча. Талун мамлöн Чужан лун. Гортысь некытчö Ог мун. Кöтöм няньсö Рачö тэча. Чöскыд пирöг, Шаньга вöча. Ломта пач И васö пырта. Öшинь улысь Лымсö зырта. Сэсся-й мамö Менö кыліс: Мый нö Татшöм водз пö, нылö? Эз öд, мися, Мамук, вун – Талун тэнад Чужан лун. Мамö шуис Мем та вылö: - Быд лун кö тадз, Муса нылöй!	Локтö тöв Мича еджыд бисерöн Парма ордым визирö Лымйыс пуксьö чöв. Кынмöм гöпъяс, шоръясö, Ыб вылö и боръясö… Локтö еджыд тöв. Бöръя дзодзöг-юсьяслöн Быттьö гöныс усьласьö, Клуксöм налöн нор. Шолякылысь наридзöн Кывтö юыс саридзö Йизьö берег дор. Регыд гажöн шызясны Кыръяс. Даддьöн -лызьясöн Волькмöдамöй чой. Мед нö шоныд вольпасьöн Кынмöм мусö вольсалö Лымйыс лун и вой.
(Коми челядьлы антология : Мöд небöг. – Сыктывкар, 2010. – С. 163-164, 176.)
Зарниöй менам Зарниöй менам, Донаöй менам, Меным тэ помасьтöм бур. Муна кöть ылö, Сьöлöмöй кылö, Бурджыкыс тэысь оз сюр. Этшаысь шаньöн Овлан кöть, аньöй, Лёкöн ме некор ог шу. Мичаöй менам, Сьöлöмшöр менам, Муса тэ мен, Коми му. * * * Лöддза-номъя тöлысь Ода-кора, майöс, Мöд во кежлöдз вöтліс, Енэж шöрас кайис. Сійö – югыд шонді, Шоныд гыма зэрыс. Троица лун коръяс, Вежöдöм видз, керöс. Вижъюр дзоридзыс нин Шонді мозыс öзйö. Школа помалысьлöн – Туйö петны кöсйöм. Медся ыджыд радлун Велöдчысьлы вичмис. Мыніс парта сайысь, Весиг чужöм мичмис. Шонді берин чутъяс Зонкаяслы кöдзис. Гожся чиркъяс кодьöн Нывкаясöс вöчис. Классысь классö вуджöм – Ыджыд тшупöд кайöм. Таысь дзоридз - козин Гожöмыс и вайö.	* * * Ловзьöд, тулыс, шоръяссö, Ловзьöд парма-вöр. Ловзьöд сöстöм коръяссö, Ловзьöд енэж шöр. Ловзьöд шуда мунымöс, Нюмъялас пыр мед. Видза олан, тулысöй, Муöдз копыр тэд. Сиктса челядьлы Сиктса челядь котырöй, Пармаса ныв-пиянöй. Видзвывса яр дзоридзьяс, Радейта ме тіянöс. Кöмтöм кока войтырöй, Зорöд дорö верзьöмöн Турун юръяс ваялад Панласьöмöн, вензьöмöн. Пажын кадö лöзöдтöдз Ваысь онö петалöй. Сёйны пуксяд - вöвъяслы Няньсö джынсö сеталад. Урлысь сиктöд вуджöмсö Ті жö медводз казялад, Вöтлысяд да вöтлысяд, Дöрöмныд тшöтш вазьылас. Öти здук он весь олöй, Век нин мыйкö керанныд. Дышöдас кö ворснытö, Йöлöгаöс неранныд. Сэтшöм ті мен мусаöсь, Пармаса ныв-пиянöй. Сійöн гажöй бырлывлö Медся ёна тіянысь.
Коми челядьлы антология : Коймöд небöг. – Сыктывкар, 2010. – С. 184-185,188-189.
Машук «Кокöй, кокöй, котöрт Чöдъя-пувъя ягö, Мырпома нюрö...» Фольклорысь Ичöт кинас кутчысьöма Лабич дорö. Новлöдлыштны джодж кузяла ёна корö. Пиньтöм вомыс шешмунöма, Оз куж шуны. Дзоля кокиньясыс сылöн Оз на нуны. Кöсйöмыс да окотаыс Сідз и петö! Котравны пö чужи, войтыр, Вöльнöй светö. Вöрöд-ягöд ветлöдлыны Видзьяс вывті. Сöстöм, югыд ваа юöд Пыжöн кывтны. Лэбачьяслысь гажа дзользьöм Медым кывны. Мыла коми сьыланкывъяс Ті моз сьывны. Аслам челядь вöсна тöждысьны Да повны. Тайö бур му вылас медым Зэв дыр овны. Май Турун мыччыны со нырсö оз на лысьт. Мöскыд Коми муад йирсьö тöлысь мысьт. Унаысь на енэжсяньыс усьö лым. Шонді коркö дзоргö шаня, коркö кын. Май тöлысьыд, челядь котыр, медся бур. Шорысь сюмöд пыжöс котöр кыска гур.	Мый и зэрö Мый и зэрö, менö нерö Ывла вылыс пыр? Ло пö мортöн, Пукав гортын, Керкаö пö пыр – Мамö видчö. Пет кöть кытчö, Быдлаын тай няйт. Паськöм вазис, Эг и казяв, Кöтасьны эг чайт, Ме мöй мыжа, Дзибрöс пыжöс Гöп шöрысь эг судз. Сэсся подöн Локті гортö. Со и ставыс «рудз». Мурка Кöмтöм кокнас Лым вылас и бöрдö. Ичöт нырыс Кынмöма нин гöрдöдз. Ыджыд дядьö муніс, Шуис: «Кысань! Код нин тэнö Шыбитöма кысянь?» Тöдтöм тьöтö Мыйöн аддзис каньсö: Рöдмöмныд пö!.. Дöзмöдіс мöй аньсö? А ме босьті да И вайи гортö. Дерт жö, мамлысь Юасьтöг ни кортöг. Миян Мурка Водзöстö эз вунöд: Кыйö шыр И каньпи вайö уна!..
(Коми челядьлы антология : Медводдза небöг. – Сыктывкар, 2009. – С. 100-101, 109-110)

 

Корткеросская Центральная библиотека им. М.Н. Лебедева. 2014 год.
Республика Коми, Корткеросский район, с. Корткерос, ул. Советская дом 187, lebedevlib@mail,ru
8(82136) 9-24-80. 9-98-16.