|
 |
Перейти к разделу.
Пионерскöй походнöй |
Сöдз енэж улын куйлö
Ас чужан му.
Вай миянкöд, том другöй,
Походö мун.
Мед ягын и ю дорын
Оз лöньлы горн,
Том гöлöсъясöн юргас
Быд пом, быд дор.
Туйын и уджын
Смела вен мудзöм,
Ленинскöй пионер!
Дзоляджык ёртъяс,
Миян жö вокъяс,
Босьтасны мед пример.
Странаным мичмö, ёнмö
Пыр лунысь-лун,
Ми тöдмаламöй сылысь
Став озырлун. |
Совхознöй видзьяс вомöн,
Выль каръяс пыр
Походö мунам талун
Ми, сьылігтыр.
Гöрд галстук коді новлö,
Оз бöрйöм туйысь кеж,
Походын сьöкыд овлö,
Но сетöм кыв оз веж.
Выль сменалысь ог прöстö
Ми новлöй ним,
Бур ныв-пиöн страналы
Пыр лоам ми.
Туйын и уджын
Смела вен мудзöм,
Ленинскöй пионер!
Дзоляджык ёртъяс,
Миян жö вокъяс,
Босьтасны мед пример. |
Аддзысьлытöдз, школа! |
Классын, коридорын
Весиг шы оз кыв.
Школьникъясöс корис
Гожся ывла выв.
Юргö асывводзын
Пионерскöй горн.
Чуксалöны видзьяс,
Корö лыа дор. |
Миянлы яр шонді
Нюжöдöма сыв.
Майбыр, пöттöдз гожъяв,
Котрав, серав, сьыв.
И тэ, муса школа,
Таысь он ло скöр.
Первой арся лунö
Аддзысям ми бöр. |
Шефъяс |
Кыр йылын местаыс
Гажа да кос,
Сэтчö выль картаяс
Тшупис совхоз.
Öні тась челядьöс
Аддзан быд здук.
Картаын шефъяслöн
Кöкъямыс кук:
Визюк, Купальнича,
Пöлудь да Öмидз,
Калюш да Умнича,
Сьöдпель да Рöмидз.
Фермаö школьникъяс
Локтöны кор,
Вайöны кукъяслы
Чöсмасянтор.
Щöткаöн, пöсь ваöн
Мыськöны век,
Мичаöн, сöстöмöн
Вöліны мед
Визюк, Купальнича,
Пöлудь да Öмидз,
Калюш да Умнича,
Сьöдпель да Рöмидз. |
Тулысын вежöдас
Шорсайса видз,
Кукъясöс вежöсын
Он нин сэк видз.
Луд вылö петкöдлам
Найос ми сэк,
Пöттöдзыс ветлöны,
Йирсьöны мед
Визюк, Купальнича,
Пöлудь да Öмидз,
Калюш да Умнича,
Сьöдпель да Рöмидз.
Гожöмыс ылыстчас,
Матыстчас мöд,
Миянлысь быдтасъяс
Сэки он тöд.
Шуасны: дивöыс
Татшöм эз вöв,
Лысьтöны, видзöдтö,
Медуна йöв
Визюк, Купальнича,
Пöлудь да Öмидз,
Калюш да Умнича,
Сьöдпель да Рöмидз. |
Öшкамöшка. Репертуарно-тематическöй гижöд чукöр. – Сыктывкар: Коми кн. изд. 1986 – С.30-32, 35. |
|
| |
 |
Корткеросская Центральная библиотека им. М.Н. Лебедева. 2014 год.
Республика Коми, Корткеросский район, с. Корткерос, ул. Советская дом 187, lebedevlib@mail,ru
8(82136) 9-24-80. 9-98-16. |
|
|