Cюзь
(Челядълы висът)
1
Вöралысьяс висьталöны, сюзьыд пö шоча овлö йöз оланiнын. Сы вöсна и он унаысь аддзыв да кывлы ciйöc. Но öти пöраö сiйö кыдзкö овмöдчис миян сикт дорö. Сиктсаяс тшöкыда сёрнитлiсны сюзь йылысь. Кодсюрö висьтавлiс, пон моз пö увтчö либö нерö кодöскö сiйö, а мукöддырйи сэтшöм мисьтöм шы лэдзас, мый весьöпöрны позьö.
Торъя нин тшöкыда казьтывлiм сюзьöс ми, челядь. Öтчыд школаын Сеня Вавилов шуис:
- Ёна жö тöрыт менö да батьööс сюзьыд повзьöдiс!
-
Кыдзи нö?- юалiм ми.
-
Мунам батькöд пемдöм бöрас мельничаö. Нинöм ог мöвпалöй... Друг тай вöрас кыдзи заводитiс горзыны: «бу-уй, бу-уй, бу-уй!» А сэсся вак-вакöн серöктас. - Сюзьыд öмöй серавлö жö?- юалiс кодкö миян пöвстысь.
-
Дерт, серавлö. Батьö шуö, сюзьыд пö быд ног шыавны кужö: пон моз тявзö, кага моз авзö...
-
Гашкö, морт вблi вöрас да нарошнö повзьöдчис?
-
Кутшом морт!-дöзмис Сеня.- Кысь нö сэнi мортыс? Кывлiм öд, кыдз сэсся лэбзис миян юр весьттi.
А мöдысь сö мый вöлi. Локтi рытгорув Петров Мишаясö, но сiйö эз вов гортас, мунöма пув вотны да бöрсö абу на воöма. Me кöсйи нин бöр мунны, но Миша буретш воис. Повзьöма, синмыс гöгрöс, кывйыс оз артмы.
- Мый но лои?- юалiс батьыс.
-
Повзим...
-
Мыйысь? Код нö повзьбдiс?
-
Me да Öндрей локтам нин вблi гортö вотчанiнысь,- вочавидзис Миша.- Воим Тод шор дорö. Кылам: шор бокас, вöрас пон увтчö. Чайтiм, Öндрейлöн Лыскоыс урöс аддзис. Матыстчим. Дiнас нин мбдiм воны, а сэн кодкö заводитiс серавны. Сералö и сералö... Дзик морт моз... Миян юрсиным cyвтic... Уськöдчим пышйыны... Пышйиганым конъяси да став пувйöс кисьтi,- Миша петкбдлiс тыртöм дозсö, сэнi пыдöсас шарöдчис кымынкö пув тусь.
-
Мишалöн батьыс вашмунiс да шуис:
-
Сюзь тай, пиукъяс, повзьöдöма тiянöс!
2
- Но водзö лоис виччысьтöмтор.
-
Öтчыд шойччан лунö водз асылын ми Гриша- кöд босьтiм тшак дозъяс да кайим вöрö. Чукöстiм тшöтш Белькоöс. Тайо вблi миян ар кыка пон.
-
Вöрад поннад гажаджык, - шуис Гриша.
-
Воим вöрö. Cэнi тöдчис нин арлöн лолалöмыс.
-
Пуяс вылын коръясыс вижöдöмаöсь, косьмöны, гылалöны му выло, таляссьöны кок улын. Сöмын пелысь да пипу абу на воштöмаöсь ассьыныс би кодь арся рöмсö, найö мичмöдöны на росмöм вöрсö.
-
Вöрö пыригöн Белько миян дiнысь кытчöкö торйöдчис. Ми вуджим яг да кежим давйö. Тшакыс вблi уна. Ми вотчим Гришакöд да котралiм мö- да-мöд вежмöмысь, быд тшак сюригöн нимкодя чикттылiм:
-
Со бара! Со бара!..
-
Тадзи миян дозъясным регыд и тырис. Гортö мöдöдчытöдз керöс пöкатö пуксим шойччыштны. Перйим зептысь нянь да пондiм пажнайтны. Вöлöга пыдди бктiм пув.
-
А Белько сёйыштнысö эз лок. Тыдалö, мыйкö сюрис нин сылы нуръясьыштны либö воштiс миянöс. Me чукбстi:
-
Белько-о!
-
Сэки зэв матын, кылö, увтыштiс ciйö, сэсся лявкöдны мбдiс.
-
Виччысь,- шуи ме,- Белькоыд кöч борся вöтчö.
-
Муртса на шуи, кыдз улысянь, нёдзсянь, дзик миян дiнöдз вирскöбтiс кöч. Вблi ешö пöшти НИН еджыд. Сы бöрся - Белько. Сöмын и мыччысьлiсны, сэсся саялiсны матысса лыс лапъяс сайö.
-
Муртса тайö серпасыс вöши син водзысь, кылiм, кыдзи Белько зэв лёкысь горöдiс, сэсся ойзыны Kyтic да пыр ылысмис.
-
Ми усим шемöсö. Гришакöд сöмын мöда-мöд выло видзбдлiм. Юрын кыкнаннымлöн чужис öти мöвп: ош! Ми повзим да öдйöнджык гортö котöртiм.
3
Кашкигтыр Гришакöд воим сиктö да пырим миянö. Гортын некод эз вöв. Ми шензьöмöн тöлкуйтiм вöрын лоöмтор йылысь, но сёрнинымöс торкис посводзын нораа никеöм. Восьтiм - Белько. Ставыс вир, а вылас мыйкö вирöсь жö чурвидзö.
- Ув кö пырöма-а?- чайтi ме.
-
Кутшöм ув,- шуис Гриша,- Видзбдлы сюсьджыка. Абу ув, а кок... пöтка кок. Сатшкысьöма яяс да сэтчö и кольöма.
-
Ме матысяньджык видзöдлi.: збыль пöтка кок. Кыкнаннымлы зэв ыджыд диво лои. Сулалам пон дiнын да шензям.
-
Сы шöрö буретш бать локтiс;. Гораа cepoктic да перйис пбтка коксö Белько сьылiысь.
-
Сюзьлöн кокыс,- висьталiс миянлы.
-
Ми синнымöс паськыда восьтöмöн видзбдiм гона да кузь гыжъя кок вылас.
-
А код но ешöе Белькоыслы сьылiас пысалiс?- юалiм ми.
-
Сюзьыс ачыс сатшкис,- вочавидзис бать.- Со, аддзан, Белькоыд еджыд гона, а сюзьыд, буракö, кöчöн сiйöс чайтiс.
-
А кокыс мыйла кольöма сьылiас?
-
Мыйла кольöма? Тайö, чайта, со кыдзи артмис. Сюзьыд став вынсьыс сатшкис пон яйö гыжъяссö да вермис, буракö, бöрсö перйыны сöмын отар коксö. Сыöн кутчысис мый бердö кö, а мод кокыс некыдз оз мын. Белькоыд чепöсйис водзö да орöдiс; коксö, гортö вайис.
-
Кöчьяссö öмöй сюзьыд сёйö жö?- юалiс Гриша.
-
Миян местаын сы вылын ёнджыкасö и олö. Сёйö и лэбачьясöс да шыръясöс. Синмыс öд сылöн зэв ыджыд да каньысь на югыд: ставсö аддзö, кöть кутшöм пемыдын. Сы вöсна кыйсьö пырджык войын. Ог тöд, мыйла талун югыдöн петöма. Луныс кымöра да сы вöена, чайта. А шондiа лунъясö сюзьтö он аддзывлы; сэки дзебасын кöнiкö, вöр чащаын, вугралö лунтыр, а рытнас петö да шыавны мöдö зэв мисьтöма. Повзьöдчö. Тадз ешö кыйсьыны заводитö.
4
Сiйö жö тöвнас бать лунтыр кöчьяслы капкан пукталiс. Менö тшöтш босьтiс да велбдiс, кыдзи капканнас вöдитчыны. А каникул дырйи ме ачым нин ветлывлi видлавны капканъяссö да унаысь бöр кокöдыс пельпом вомöн öшöдöмöн нимкодь- пырысь вайлi гортö шедöм кöчьяссö.
Отчыд мунi капканъяс дорö. Видзöда: öти пезьдöма, а капканас сöмын кöчлöн кокыс. Коксö вайи гортö да петкбдлi батьöлы.
- Сюзьлон уджыс,- шуис меным бать.
-
Аскинас сiйö ачыс мунiс капканъяссö видлавны. Петiс ёна водз да сьöрсьыс ружье тшöтш босьтiс.
-
Рытладорыс бöр гортö воис да сьöрсьыс вайис кутшöмкö руд гона ыджыд ёкмыль. Тайö вблi зэв мисьтöм, кольча кодь тупкысьтöм синма да чукля ныра пöтка. Голяыс эз и тöдчы, юрыс быттьö помся тушаыскöд.
-
Со тiянлы сюзь.- Джоджö лэбачсö чöвтагмоз шуис бать.
-
Белько куйлö волi джоджын, бать пыригöн заводитлiс шенасьны бöжнас, но аддзис сюзьсö да повзьöм синмöн видзбдлiс сы выло, лэптiс тшöтьсö да уськöдчис ывлаö.
-
Белько! Белько!- чуксалi ме, но Белько ме выло эз и видзöдлы, тöвзис кытчöкö улич кузя.
-
Он босьт сiйöс öнi,- сералiс бать.- Тöдö, небось, кодi страсьтитлöма. Тайö сюзьыс öд и кабыртлöма сiйöс.
-
Кыдзи тайö?
-
Со видзöдлы: кок пöла сюзьыс,- индiс бать, лэбачыслöн и зöыль öти кокыс эз вöв.
-
Та бöрын Белько вежонысь дыр эз весиг пыравлы керкаö. А сюзьöс ми батькöд кулим да вöчим чучела. Ме нуи сiйöс школаö. Сэнi буретш том натуралистъяслöн кружок котыртчис да лэбачлöн чучелаыс зэв на и лöсялiс.
