А.А. Сухановалон гижöдъяс
Кывбуръяс
Ар
Асывводз рынышын чепсасьö тшын,
Югдiгöн вартан шы кылö,
Тырöма жугъясöн, идзасöн стын.
Тöв вылын тыра сю кыпöдчö выло.
Кöдзыдын шочиник буситö зэр,
Зарниа, шондiа кольöма гожöм,
Жугыля видзöдö чирсасьöм вор,
Коръя пу куш нин, вежов коз да пожбм.
Лунвылö, саридзö лэбзьöны юсьяс,
Кольöны миянöс кузь кöдзыд тöвлы.
Шырпи
Шыр зэв гажа олбма,
Небыд вылын узьлöма,
Сёйö шырпи рысь да гос,
Век оз тырлы сылöн горш.
Тра-ла-ла, тра-ла-ла,
Тшыг буракö волöма.
Шырпи кринчаö пырас
Сэт шливкисö куртас,
Шырöс регыд казяласны,
Сылысь бöжсö кераласны,
i-i-i, i-i-i,
Бöжтöм шырлы воис пом.
Вера пыр ноксьö понъяскöд да каньяскöд. Чеччö-водö — кань сылöн моздорас. Школаö мунiгöн быд лун мамыслысь нянь корö. Гортысь мöдас öтнас. Школаö воигöн гöгöрыс нин понъяс. Оти кисö нюлыштö, мод чужöмсö, коймöд пельпом вылае кыкнан кокнас сувтöма. Быд лун Вера ачыс канькöд школаын пукало. Öтчыд Вера мамыскöд локтасны чожысъяссянь.
Оти керка дiнысь уськöдчис зэв ыджыд пон. Лёкысь увтö, кöсйö пурны. Мамыс повзис — пурас пö. Нывсö сайöдö. Вера бара оз повзьы. Кисö чургöдiс. Чукöстiс сöмын: «Серко! Серко!» Пон увтöмысь тшöк ланьтiс дай кутiс никсы ны, нюклясьны. Мамыслöн серамыс пето: «Тöдчö тай няньторнад школаад ветлöмыд».
Челядълы висътъяс
Шабдi
Му вылын волi быдмö шабдi Зэв мича лöз дзоридзьяса быдмöг. Дзоридзьясыс дзик бобувъяс кодьöсь. Шондi шонтö шабдiöс, кымöр киськалö зэрöн. Шабдiлы сiйö и колö. Быдöн менö ошкöны,— шуö шабдi,— кутшöм пö ме мича шабдiыс. Таысь на пö кузя быдма. Сэсся по мича дöра кыасны меысь. Аттö, кутшöм ме шуда. Меысь шудаыс некод абу. Югыд шондшс менö гажöдö, шонтö, зэрыс вердö-юкталö! Кутшöм меным долыд. Меысь шудаыс некод абу.
Со матыстчö кымöр. Енэжöдыс кывтiгтыр öтарö матысмис. Кымöр тырыс сöвтчöмаöсь зэр войтъяс. Асьныс зэв вельмöмаöсь. Кымöрлы ёна лоö мырсьыны вильшасьысьяскöд. Оз вермы виччысьны му выло лэччöм. Кымöр оз тэрмась: колö пö öд быдöнлы удж сетны. Быд войтлöн му вылын аслас удж. Он пö öд тi му вылад лэччöй весь овны-гажöдчыны. Сэсся коркö кымöр cyвтic. Öдзöссö восьтiс да шуис: «Мунöй, петой надзöникöн. Энöй ставныд тшöтш, энöй виль шасьöй».
