Меддонатор
Ю дорын, джуджыд слуда бокын, лыа вылын куйлö пöтка. Коньöрöс кодкö лыйöма. Морöссьыс войталö еджыд лыа выло вир. Регыд нин коньöрлöн овсяс - кöдзавны нин кутбма. Локтiс сэтчö орт дай шуис: «Сетан ко тэ меным меддонатортö, бурдöда пырысь-пыр!»
«Меддонатор, дерт, сiйö олöмыд, - мöвпалö пöтка. - Мыйла но эськöн бöр босьтöм вылас сетны? Оз ко олöмöс менсьым кор, татшöм бурыд кöнкö шмонитö...»
Пöтка муртса вермис шыасьны: «Бурдöд но, сета меддонаторйöс».
Орт сöмын инмöдчылiс чуньяснас пöтка дорöдз. Пöтка пырысь-пыр бурдiс, нимкодьпырысь пыркнитчис дай cyвтic кок йылас.
- Онi сэсся вай меным бордъястö, - шуис орт.
-
Бордъясöс? Чöв! - быдöн шай-паймунс пöтка. - Ог, бара, нинöм выло ог сет!
-
Абу öмöй сiйö тэнад меддонаторйыс?
-
Дерт, меддонатор, сiйöн и ог вермы тэныд сетны, - зэв шога шуис пöтка. - Босьт олöмöс менсьым. Бурджык кувны меным лэбавтöг олöм дорысь!
-
Мун, мун, - шуис орт, - меным оз ков тэнад кулöмыд! Сöмын эн вунöд некор - меддонаторйыд донаджык олöмсьыд вöлöма!
Агния Суханова
