Перейти к разделу.

Коми книгалы

Бур лун, бур шуд тэд, коми книга!
Нэм джын нин другъяс тэкöд ми.
Тэ пасьйин пемыдлунлысь иган,
Выль кадлысь пестiн югыд би.
Ми тэкöд олöм тэчны петiм,
Эз мыышмунлы зумыд сой,
И ыджыд уджын сьöлöм сетiс
Тэ ордö овмöдчöм герой.
Быд пöльлысь внукöс, батьлысь пиöс,
Кор налы тырö сизим ар,
Мам моз жö кутö мелi киöн,
Кузь туйö петкöдö «Букварь»
А сэсся кыпыда ас кывйöн
Тэ налы восьтан паськыд мир,
Мед кодзувъясöс босьтны сывйö,
Мед океанлысь венны йир.
Тэ вайан татчö «Шондi югöр»,
И пышйис Комиысь сьöд вой.
Век кежлö сэксянь лоин другöн,
Роч книгаяслöн ичöт чой.
Тэд таысь копыр, медпöсь чолöм
Быд лыддьысьысьсянь аттьö кыв.
Нэм бöрся нэм пыр югдöд олöм,
Йöз шудлун вылö ов да выв!

Иван Вавилин

Корткеросская Центральная библиотека им. М.Н. Лебедева. 2014 год.
Республика Коми, Корткеросский район, с. Корткерос, ул. Советская дом 187, lebedevlib@mail,ru
8(82136) 9-24-80. 9-98-16.