Кӧть тэ кодлысь эн юав,
Быдӧн тӧдӧны сійӧс...
Любӧй бать тэныд шуас:
— Кыдз ог тӧд ассьым пиӧс!
Тайӧ кудриа зонмыс
Мыйла быдӧнлы муса?
Сійӧ удж вылын ёнмис,
Тышын дорйис ас мусӧ.
Сійӧ ассьыс анкета
Гижис аслас пӧсь вирӧн,
Медым йӧзыс став светас
Водзӧ олісны мирӧн.
Паськыд пельпомъяс вылысь
Сійӧ пӧрччис погонъяс,
А винтовкасӧ сылысь
Бара босьтісны зонъяс,
Сы кодь кудриа зонъяс,
Смелъяс, удалъяс, ёнъяс.
Найӧс вежны кӧ ковмас—
Сувталасны милльонъяс.
Победитель-салдатлӧн,
Коді ыджыд туй вуджис,
Ӧні сьӧлӧмыс радлӧ
Мирнӧй быд лунъя уджын. |
Сійӧ ветлӧ ас муті,
Став сӧветскӧй странаті,
Коммунизмӧ маршрутыс
Мунӧ веськыда таті.
Му колхознӧйӧс гӧриг
Либӧ вӧр вӧчиг ягын,
Подвиг ветлӧ сы сьӧрысь,
Орччӧн мунӧ отвага.
Сійӧ помнитӧ ставсӧ...
Со осколокысь вурыс,
А морт виан металлсӧ
Бӧр нин сывдӧны Рурын.
Врагъяс эмӧсь на, эмӧсь...
Океансайса муын
Уолл-стритвывса сэмъяс
Бара петӧны куысь.
Врагъяс эмӧсь на, эмӧсь...
Океансайса муын
Уолл-стритвывса сэмъяс
Бара петӧны куысь.
Со нашивкаяс сылӧн—
Гырысь дойяслӧн список.
А войналысь нин выльысь
Сэмъяс пӧльтӧны бисӧ. |
Зонмыс тӧдӧ, мый некор
Миян изшомысь, нефтьысь
НаЛӧн долларӧн оз тыр
Помтӧм, пыдӧстӧм зепныс.
Джуджыд слудалысь нӧрыс
Кӧн колхознӧй просторъяс,
Враглӧн бомба оз гӧрышт.
Оз, оз ло татшӧмторйыс!
Зонлӧн рӧднӧй веж расӧ
Вӧрӧг некор оз волы,
И не пежавны васӧ
Сылы сӧдз югыд ёльысь.
Оз, оз пемдыв нин енэж
Миян Рӧдина весьтысь:
Повтӧм соколъяс сэні
Сійӧс видзӧны честьӧн.
Эмӧсь уна том зонъяс,
Смелъяс, удалъяс, ёнъяс.
Ас му дорйыны ковмас—
Сувталасны милльонъяс.
Кӧть тэ кодлысь эн юав,
Быдӧн тӧдӧны найӧс.
Быд сӧветскӧй морт шуӧ:
—Миян Армия тайӧ! |
Гӧрд обозъясӧн талун быд край
Ӧта-мӧдыскӧд ордйысьны петіс.
- Примит, Рӧдина, выль урожай!
Тэд пӧдарок колхознӧйӧс сетам.
Кысь нӧ лыддьыны, кымын обоз
Став туй вожъясӧд быдласянь мунӧ!
Талун, на вылӧ видзӧдігмоз,
Кыкпӧв гажаджык, югыдджык луныс. |
Сэн жӧ восьлалӧ миян колхоз,
Воддза радъяскӧд кутӧ равненье.
- Стройын кольччыны некор оз позь,—
Тадз колкозаным шуисны членъяс.
Став отчизнаті мӧдӧдчис нянь,
Сійӧс быдтім ми Рӧдина-мамлы.
Коммунизм — миян югыд мечта,
Кодӧс удж вылын збыльмӧдам ставным. |
Гӧрд обозъяслӧн помтӧм поток
Элеваторъяс зарниӧн тыртӧ.
Миян му вылын волӧн итог
Ыджыд радлун быд сьӧлӧмӧ пыртӧ. |
Тэ человечестволӧн радейтана друг,
Свободаӧ народӧс чуксавлін пӧсь кылӧн,
Мед ассьыс сьӧкыд унсӧ пыркнитіс ён Русь
Да вӧчис грознӧй суд сьӧд самовластье вылын.
И сыысь тэнӧ пӧся радейтам, поэт,
Мый аслад стихъясӧн тэ медбур мӧвпъяс чужтін.
Ас шуштӧм, пемыд нэмад кӧсйыссис пыр тэд
Му вылысь аддзыны свободнӧй мортлысь уджсӧ. |
Во пластъяс сайӧ колис тэнад шуштӧм нэм.
Эз петкӧдчывлы шуд ни вӧльнӧй олӧм тэныд,
А талун тан, колхознӧй рӧднӧй сиктын, мем
Свободнӧй уджыс быд лун сетӧ вдохновенье.
Не Ёежестволӧн кӧні вӧвліс сьӧд позор,
Кӧн бӧрӧздаті быд здук ветліс тоіцӧй рабство,
Сӧветскӧй власть сэн налы смертнӧй приговор
Век кежлӧ вӧчис. И шонді петіс татчӧ. |
Отчизна весьтын талун миян вӧльнӧй труд
Чудеснӧй зданье коммунизмлысь лэптӧ.
И мездмӧм йӧзлӧн радлун, ыджыд, югыд шуд
Тшӧтш кисьмӧ-быдмӧ зарниа быд шептын. |
Яр шонді, кытчӧ кӧть он мун,
Лым шебрас пешкылялӧ мулысь,
А сыкӧд тшӧтш збой, вильыш тулыс
Старт сетӧ панласьны быд юлы.
И юяслӧн быд час, быд лун
Пыр ыдждӧ-содӧ тэрыблун.
Крут берег вывсянь асъядор
Кыр горув котӧртісны керъяс.
- Тэ, визув ю, вай тэрмась, тэрмась!
Выль стройка вӧртӧг сувтны вермас...
Тэ виччысь, вӧчан кӧ затор!—
Крут берег вылын нюмдіс морт.
Да кыдз нӧ мортлӧн нюм оз пет,
Кор сымда зарни лэччӧ ягысь!
Кор кылӧдчысьлӧн ворсӧ багыр,
А мортлӧн смеллун да отвага
Вӧр пыртны полойӧ оз сет —
Сэн комсомольскӧй эм пикет!
И, кадкӧд панласигтыр, морт
Кык ӧдйӧ тыртӧ уджлысь норма.
А вӧрлы шуӧ:—Кывт, эн сёрмы!
Тэд важӧн дасьтӧма платформа.
Странаным миян пом ни дор —
Быд край тэд восьтас семафор,
Тэ кымын регыд мунан тась
Выль сикт, выль кар стрӧитанінӧ,
Победалань пыр туйным чинӧ,
И коммунизмлӧн миян дінӧ
Сэк водзджык воас югыд час —
Вай тэрмась, тэрмась мунны тась!
Кор петіс туйӧ бӧръя бунт
И кыліс сьӧлӧмыс быд мортлӧн,
Мый талун праздникыс на ордын,
Ми горӧдім:—Тэ миян гордость!
Народлӧн озырлун и шуд.
Мун кывт — выль каръяс стройӧ сувт!
Мед тшӧтш и гордитчас веж яг
И вӧрлэдзысь, код тэнӧ дасьтіс.
Кор тэысь вӧчасны выль мачта,
Сэк океанъясті мир пасьта
Тэ нуан Рӧдиналысь флаг.
Мед тэӧй гӧрдитчӧ веж яг!
Войвыв кодзув. - 1949. - № 5 |
Тӧдса мем том машинистлӧн нюмыс,
Тӧдӧ сійӧс видзьяслӧн простор,
Быд колхозник сы машина шумысь
Кылӧ ыджыд нимкодясянтор.
Первенствосӧ сійӧ кутӧ уджын,
Ордйысьӧмлысь знамя нуигтыр.
Став колхознӧй видзьяс вомӧн вуджны
Ыджыд кӧсйӧм сыкӧд ветлӧ пыр.
Партиялӧн вӧляыс сы пытшкын,
Синъяс водзас — будущӧйлӧн лун.
Кыдз нӧ талун сыкӧд тшӧтш он ытшкы,
Кыдз нӧ сыкӧд радын тшӧтш он мун!
Шудлӧн ключ пыр лоас миян ордын.
Кадсӧ панъям уна-унапӧв,
Кыдзи талун миян покос-ордым
Дженьдӧдӧ тась кузь да кӧдзыд тӧв.
Кыдзи помтӧм валйӧн миян татӧн
Нюжӧдчӧма лыдтӧм турун лёдз,
Нюжӧдчас колхознӧй скӧтлӧн стада,
Кодлысь помсӧ аддзыны оз позь.
Партиялӧн воля миян пытшкын,
Синъяс водзын — будущӧйлӧн лун.
Кыдз нӧ талун, ёртӧй, тшӧтш он ытшкы,
Кыдз нӧ талун видз вылӧ он мун!
Войвыв кодзув. - 1949. - № 8
|
Тулыссянь, кор сувтіс запань,
Зонкӧд орччӧн, быттьӧ акань,
Уджалӧ том ныв.
Сортируйтӧ лэдзӧм керсӧ,
А зон сьӧлӧмын мый керсьӧ,
Тыдалӧ, оз кыв.
Уджын найӧс оз вен мудзӧм,
Сӧмын мыйлакӧ зэв кузя
Ышлолыштлӧ зон...
Быттьӧ нывлы шуӧ:
„Войдӧр Сьӧлӧм некод тадз эз дойдлы...
Гӧгӧрвоан он?"
Зон, дерт, тӧдӧ: шудыс — налӧн,
Кодъяс сетӧны страналы
Татшӧм мича вӧр.
Рад, мый вывлань кайӧ график,
Сӧмын жаль, мый ковмас татысь
Регыд мунны бӧр.
Коли тӧлысь. Со и мӧд нин...
Зонлысь сьӧлӧм тіпкӧм тӧдны
Удитіс-ӧ ныв?
Мыйта зарни вӧр тат кывтіс —
Талун запаньӧ ю вывті
Ӧти кер оз кывт.
Зонлӧн сьӧлӧм уджын пуис,
Но буксир кор татысь нуис
Медся бӧръя пур,
Нывкӧд прӧщайтчигӧн сылӧн
Медся колана пӧсь кылыс
Сідзи эз и сюр.
Зонлӧн мӧд кыв петіс сэки:
- Молодцы! Ӧд кутшӧм регыд.
Уджным эштіс тан...
Дерт на эськӧ, вӧр кӧ вӧлі,
Позис пуръясьны кык тӧлысь,
Тыртны содтӧд план.
- Вот чудакыд!—артмис нывлӧн.—
Первойысь удайтчис кывны
Татшӧмторсӧ мен.
Вай ог кутӧй косны бӧрӧ.
Кӧсъян — каям мекӧд вӧрӧ,
Мыйтӧм уджыс сэн!
- Аттьӧ!.. И эн сёрнит уна,
Ӧдйӧджык вай сэтчӧ мунам!
Мунам да и пом.
Ӧтвылысь код тыртӧ плансӧ,
Найӧс некор нин он янсӧд,—
Нюммуніс том зон. |
