Перейти к разделу.
Коми литература Лунъяс
Кольöм лунъясö районын мунiсны коми литература Лунъяс. Мероприятие котыртны да нуöдны водзмöстчис М.Н. Лебедев нима шöр библиотека. Колö тöдчöдны, коми литература Лунъяс миян районын нуöдсьöны коймöдысь нин. Медводдзаысь сiйö мунiс 2003 воын, сэсся - 2008 воын, а таво со коймöдысь нин лои нуöдöма. И быд пöрйö сiйöс сиöны Виктор Савинлöн чужан лунсянь тшупöда пас тыригкежлö. Кыдзи и воддза воясö, таво тшöтш, мероприятие подувын районса войтыр - челядь да верстьö - аддзысьлiсны Коми Республикаса гижысьяскöд да кывбуралысьяскöд. Коми литература Лунъяс районын мунiсны вöльгым 15-20 лунъясö. Медводдза творческöй аддзысьлöмъяс котыртсьылiсны Кöрткерöсын да Пезмöгын. Тайö лунö районö волiсны кывбур тэчысьяс - Андрей Попов да Анжелика Елфимова, а тшöтш и прозаик Пётр Столповский. Вит лунöн нималана гижысьяс - Е. Афанасьева, Л. Ануфриева, А. Старцева, А. Шомысова, С. Новиков, А. Суворов, Л. Втюрина, И. Белых - волiсны районса 10 сикт-грездö. Кöрткерöс да Пезмöг кындзи творческöй аддзысьлöмъяс мунiсны Нёбдiнын, Шойнатыын, Ыджыдвиддзын, Висерын, Пöддельнöйын, Вомынын, Мордiнын, Намскын.
Звезда. – 2013. – 20 ноября
