Перейти к разделу.
Иван Изъюровлы чужöмсяньыс - 100 во
ог вунöдöй
Кольöм нэмса комынöд вояссянь сизимдасöдзыс кымын коми литература сöвмöдысьяс пьшын вöлi Иван Васильевич Изъюров. Войнаöдз «Войвыв кодзувлбн» быд номерын петлic сылöн висьт, очерк либо повесьт. Торйöн нин кыптic гижан сямыс квайтымынöд воясö. Сэкся челядь зэв окотапырысь лыддьылiсны «Миян грездса нывъяс» повесьтсö.
Тайö снимок вылас Иван Изъюров, тыдалö, литератураö босьтчигас на. Вайисны сiйöс Куратов музейса уджалысьяс. Улынджык сетам очеркысь юкöн, кöнi нималана гижысь казьтылö челядьдырсö, чужанiнсö.
ЫРКЫД ЛЫСВАА АСЫВЪЯС
(Очеркысь юкон)
Чужсьылöма менам Лöкчим ю бокын 1910 воын Позты сиктын февраль тöлысь помын, в важ календарь серти ко. Онiя календарь серти ко - март 6 лунö Матвей Микайло Иван Васька семьяын. Меысь ыджыдджык вöлöма нин чой - Поля.
Миян сиктлöн нимыс кузь: Позтыкерöс, йöзкост сёрннын пырджык Позты. Бöрынджык тодмалi: Позтыкерöсыд зэв важся коми сикт. Медводдзаысь документъясын миян сиктным вайöдсьö 1719 -1720 воясся перепись нуöдан писцовöй книгаын. Сэки Локчим ю пöлöн нюжöдчöм кузь ты бокын вöлöма öти олысь. Овлöма кутшöмкö Изъюров. Код тöдас, гашкö, буретш да миянлы род пуктысьыс - Матвейыс ли сылöн батьыс на ешö. Со öд миян рöдыс кутшöм важся вермас лоны. Шуны ко менö тыр нимöн - лоö тадзи: Матвей Микайло Иван Васька Иван. Быттьö кутшöмкö асыввывса сатрап! Либо хан пи. Дерт, миян родын ханъясыд öдвакö вöлiны, кöть эськö комиясыдлöн вöвлöмаöсь жö кутшöмкö öксыяс.
1743 воын ты бокад вöлöма нин куим овмöс, овлöмаöсь 14 мужик лов, а ешö нелямын во мысти - овмöс лыдыс лоöма 25, олысьыс - 107 морт.
Позтыкерöс! Тайö и збыльысь тадзи. Öнiя Позты бокын эм ты, эм и тысяньыс неылын керöс. Буретш керöс бокас и овмöдчылöмаöсь медводдза олысьяс. Керöс вылас абу кайöмаöсь. Войвывсянь сиктсö оз видз некутшöм керöс. Паськöдчöма вель паськыд нюр, кодöс мелиораторъяс косьтiсны бöръя воясö. Öнi сэн быдмö мича турун.
Ичöтдырйи миянлы бабъяс мойдлiсны кутшöмкö ыджыд кос пу йылын вына лэбачлöн (дерт, кöнкö варышлöн) поз йылысь, код! вöлöма не то ты бокас, не то ты шöрас.
Помнита дедöс - батьлысь батьсö. Матвей Микайлö Иванöс, бабöс. Баб, кыдзи помнита, вöлi неыджыд тушаа, зэв мелi варов. Öтчыд Рöштво асывводзö менам мунсьöма баб ордö асъя пемыднас на. Дерт, кöнкö, менам кöсйыссис баблысь чöскыд пирбг-шаньгасö сёйыштны, кодъясöс пöжавны ciйo вöлi зэв мастер. Но абу вермысьöма восьтыны кильчö öдзöссö да сэтчö кильчö помас и унмовссьöма. Менö аддзöмаöсь вичко служба вылысь локтысьяс дым пиысь, югыднас нин. Öдва и садьмöдасны. Гöгöрвоасны ешö не пыртны шоныд керкаö, а первой лымйöн зыртасны кöдзыд посводзын.
Me ачымöс помнита, кор очми да синмöс восьтi Куйла гöбöч вылын. Меным зэв шоныд и лбсьыд.
- Садьмин, зарни тугйöй, муса пиöй? - кылi баблысь мелi гöлöссö.
Тайö кынмылöмыслысь грузсö - сьöлöм висьöм - нуи олöм чöж. Помнита, менö лечитöм могысь мам ичöтдырйи нулiс Важкуаса вичкоö, святой Пантелеймонлöн образ увтi мунны, мед ешö отсалас меным мездöдчыны висьöмсьыс. Дерт, некутшöм мездмöм меным эз ло.
Мамлöн рöдыс - Павел Öльöшлöн. Бур вöралысь вöлöма менам дед, уна ош кыйлöма нэм чöжнас. Шыöн на ешö. Гашкö, нелямынöс, абу ко унджык. Весиг Эжва бокса сиктъясын тöдлiсны Павел Öльöшöс. Карын велöдчигöн гожcя каникулъяс кежлö гортлань подöн локтигьясöн Визябожын ли Доддзын висьтала волi дед йылысь да быд керкаö узьны лэдзасны, ешö паренчанад ли ид няньнад гöститöдасны, йöвнад юктöдасны и. Ыджыд ай и нывъяссö котрöдлöма вöръясöдыд, велöдöма найöс вöрын сюсьöн лоны пув-тшак вотiгъясöн. Батьлöн батьыс вöралысь жö вöлöма, дай бать менам сьöла-тартö да дозмöртö эз этша кыскав гортö. Öтчыд и менö нубдлiс Певк ю бокö аслас вöралан банькаö, лэч туйяссö кытшовтны, но меысь воралысь сiдзи эз и артмы.
