Перейти к разделу.
КОМИ НАЦИОНАЛЬНӦЙ ДРАМАТУРГИЯ ЙЫЛЫСЬ
Великӧй Октябрьскӧй социалистическӧй революция мездіс нартитӧм национальностьясӧс, возродитіс народнӧй искусство, вайӧдіс дзоридзалӧ став национальнӧй культураяс. Сӧветскӧй культура чужис, быдмис да водзӧ развивайтчӧ кыдзи унанациональнӧй культураяслӧн великӧй содружество, и ставыс найӧ быдмӧны ӧтамӧд костаныс взаимодействиеын. Но национальнӧй культураяс развивайтчӧм вылӧ медся ыджыд влияние сетіс великӧй русскӧй культура. Театрлӧн да драматургиялӧн история та боксянь являйтчӧ яръюгыд примерӧн: армянскӧй народлӧн драматург Сундукян, грузияса драматург Эристави, миян современник поэт М. Н. Лебедев да уна мукӧдъяс ставныс найӧ ас выланыс испытайтлісны русскӧй литературалысь, русскӧй реалистическӧй искусстволысь могучӧй да благотворнӧй влияниесӧ. Дзик орччӧн русскӧй культуракӧд развивайтчис и коми национальнӧй культура да драматургия. Правда, кутшӧмкӧ кадколаст чӧж коми литература да драматургия испытывайтлісны ас выланыс буржуазнӧй националистъяслысь чуждӧй влияниесӧ, но найӧс вӧлі разгромитӧма. Ленинско-сталинскӧй партиялӧн мудрӧй национальнӧй политика индіс сійӧ туйсӧ, кутшӧмӧд ӧні водзӧ мунӧ став сӧветскӧй культура да искусство, сы лыдын тшӧтш и коми литература да коми национальнӧй искусство.
Тайӧ статьяын ми сувтӧдам могӧн тӧдмӧдны лыддьысьысьясӧс,
кутшӧм состояниеын находитчӧ коми драматургия идеологическӧй вопросъяс кузя ВКП(б) ЦК-лӧн историческӧй постановлениеяс бӧрын. Та могысь сувтлам первой дженьыдика сы вылӧ, мый вӧлі вӧчӧма коми драматургъясӧн 1946 вося август 26-ӧд лунӧдз.
Национальнӧй пьесаяс создайтӧ- мын первойя опытӧн вӧліны М. Н. Лебедевлӧн „Пӧрысь тун“ да .Мича ныв“ произведениеяс. Тайӧ произведениеясыс служитісны репертуарӧн самодеятельностьлӧн уна кружокъяслы весиг 1936—1937 воясӧдз, и ас кадӧ найӧ ворсісны положительнӧй роль.
Но народлӧн требованиеяс содісны. Сійӧс эз нин удовлетворяйт драматургия, кӧні петкӧдлыссьӧ коми народлӧн ылысса прошлӧй, нравственность да мораль йылысь отжившӧй понятиеяс; колӧны вӧлі пьесаяс, кодъяс разрешайтісны талунъя актуальнӧй проблемаяс да волнуйтісны зрительӧс. …
«Войвыв кодзув» № 2 1949 год, стр. 54
