Перейти к разделу.
Александр Фадеевлöн кык телеграмма
Йитчöмаöсь найö, кыкнан телеграммаыс, Михаил Лебедевлöн нимкöд.
Коми сöветскöй литература чужигкежлö М. Н. Лебедев вöлi пин вель тöдчана мастер-писательöн. Сэтшöмторъяс, кыдзи «В волостном омуте». «Фома Лёкмортов» да öткымын мукöд повестьяс да висьтъяс серти позьö шуны, мый сiйö кызьöд нэм заводитчигöн лоöма нин сöвмöм критическöй реалистöн. Прозаиклöн гижöдъясын бура тöдчö уджалысь йöзлöн сьöкыд олöм вылö сюсь, мöдлысь дойсö кылана видзöдлас, сэкся общественнöй стройлы народнöй протест.1909—1911воясся реакция бöрын, кор Россияын выльысь кутiс паськыда кыптыны революционнöй гыыс, сiйö вöрзьöдiс тшöтш и Лебедевöс. Михаил Нкколаевич заводитö ешö бурджыка гöгöрвоны обществоын писательлысь местасö, литературалысь рольсö. Гöгöрвоö, мый писательлы колö служитны и ас гöгöрса, грамотатöм йöзыслы да на дiнö налöн жö кызвылын шыасьны. И 1913 воын видлö вынъяссö (оз нин дзик медводдзаысь) комиöн. мед кöть государственнöй коми письменностьыс эз вöв. Та йылысь висьталöны сэтшöм чуксалана кывбуръяс либö сьыланкывъяс, кыдзи «Коми збойлун», «Тажа тулыс», «Ыджыд чери да ичöт чери», «Гöльлöн сьыланкыв» да мукöдьяс.
Ставыс тайö олöмыскöд тшöтш ёна дасьтic М. И. Лебедевöс, медым радпырысь примитны Октябрьскöй революция зiля босьтчыны и перöнас и служба уджнас (комбедын секретаралö) отсавны сылы: Лебедев эз виччысьтöг ло коми сöветскöй литературалы медся активнöя, зiля подув» пуктысьяс лыдын. Та вылö сiйö мунiс тöдöмöн, медводдза воськовъяссяньыс зумыда.
И вöчис коми литература сöвмöм рад зэв уна. Нэмсö тöдлiс мудзлытöм гижан удж. Эз весьшöрö 1939 воын Михаил. Николаевичöс коми гижысьяс пöвстысь медводдзаöн наградитны. Сылы сетiсны «Знак Почёта» орден.
Та кузя и лоис А. А. Фадеевсянь, сöветскöй писательяс союзса правлениеöн веськöдлыссянь первой телеграммаыс. Мöдöдöма а сiйöс 1939 вося февраль 5 лунö. Правлениеса первой секретарь гижö:
«Чолöмалам ыджыд наградаöн тчк колö Тiянлы локны Москваö дас квайтöд числöö орден пöлучитöм могысь», и водзö юöртö кутшöм документъяс колöны да кодi туйсö мынтö. Кырымалöма дженьыдика — «Фадеев».
Ачыс Лебедев пырджык и быдлаын тöдчöдлiс, мый гижны босьтчис 1900 воын кöть гижис дай печатайтчис ёна водджык. Медводдза произведениеыс пö менам вöлi «Иван Голой» висьт (петалöма «Досуг и дело» журналлöн 1900 вося первой номерын). Тасянь арталöмöн, 1940 во- ын республикаын пасйисны Михаил Николаевичлысь 40 вося литературнöй удж. Тайö воыс коми литератураын вöлi, позьö шуны, Лебедевлöн воöн: сэтшöм паськыда пасйисны сылысь юбилейсö республикаса общественность, печать да радио. А «Ударник» журнал пöшти вобыд сеталiс либö статьяясын донъялiс писательлысь гижöдъяссö, печатайтiсны и революцияöдзса некымын произведение.
Ичöтик национальнöй литературалы тöчанаторсö бара казялiс да аддзис кад шыасьны СССР-са писательяс союзлöн правлениеса первой секретарь. Москвасянь Лбедевлы 1940 вося октябрь 4 лунö—чуж лун кежлас (октябрь 10 лунö) — воис татшöм телеграмма:
«Чолöмала литературнöй уджныдлы нелямын во тырöмöн сиам дыр кежлö плодотворнöй творческöй удж. Фадеев»
Удж кузя ёртъясыс вöсна Александр Фадеевлö тöждлуныс вöлöма быд лунся.
Г. Беляев
Югыд туй. – 1981. – 24 декабря
