Перейти к разделу.
«Кöрт Айка» йылысь
Коми лыддьысьысьлы, медся нин налы, кодi радейтö Михаил Лебедевлысь гижöдъяссö, бура тöдса сылöн кывбурöн гижöм «Кöрт айка» мойдыс. Уськöдöй тöд выланыд:
Корö важöн Коми муын
Лыдтöм-помтöм вöлi вöрыс.
Ciйöc некод на эз керав,
Эз на водзсась сыкöд черыс.
Эжва юыс вöлi джуджыд,
Ваыс ямöмсö эз тöдлы,
Гожся кадын коми мортлы
Уна чери сэтысь шедлi.
Тадзи пансьö мойд-поэмаыс. Тайö панассö тöд выланыд кöсъя вöлi уськöдны содтöд и сы вöсна, мый тшöкыда кывлан, ыштö Михаил Николаевич Лебедевлöн коми парма вылас и дзоньнас вöр-ва вылас видзöдласыс петкöдчис сöмын «Коми му» кывбурын. Ciйöc быдöн тöдö:
Коми му кузя ме муна,
Гöгöр сулалö сьöд вöр.
Вöрыс вывтi-вывтi уна,
Сыысь унаыс оз тор.
И со тайö кывъяс сертиыс кодсюрö шуöны, быттьöкö Лебедев муртса абу чуксавлöма бырöдны коми вöрсö, вывтi-вывтi уна сiйö да. Кыдзи аддзам «Кöрт айка» мойдлöн медводдза строкаяс серти, дзик весьшöрö шуасьöмыс. Гöгöрвоана, «Коми мутö» Лебедевыдлысь быдöн тöдöны, сiйö и сьывсьö кокниа йöз костын чужöм-артмöм сьыланкыв моз. Та вöсна некытчö тöртöм уна вöр йывсьыс строкаясыс быдöнлöн пыр кыв йылас бергалöны.
Да öд и «Кöрт айкаыс» эз жö нин öтчыд петав, тайö мойдыс быдöнысь, кодi кöсйис тöдны, эз жö дзебасын вöв некор. Бöръяысьсö сiйö петавлiс, буракö, «Мед дзирдалас шондi» сборникын, кодöс 1990 воö на лэдзис Коми книжнöй издательство.
Лебедев п
шти творчество чöжыс эз лэдзчысьлы Кöрт айка йылысь сюжетсьыс. Сiйö быттьö оз лэдз поэтöс ас дiнсьыс. 1928—1929 гöгöр воясö Михаил Николаевич гижöма зэв уна поэма, кодъяслöн сюрöсö пуктöма кутшöмкö важ коми мойд, легенда либö предание. Тайö «Яг морт», «Кöрт айка», «Юрка», «Бур ань». Колöкö, и мукöд на. «Корт айка» петк 1928 воб, гижысьыс шуöма мойдöн. Сылысь сюрöссö Михаил Лебедев, вöлöмкö, тöдö нин важöн. Гашкö, сэксянь, кор бöр локтiс чужан муас Пермскöй губернияса Чердын уездысь. 22 арöса том мортöн на локтiс сэтысь, кöнi писаралiс, гöтрасис да поводнöя нин версттяммис гижан сямнас. Воис XIX да XX нэмъяс костын, 1899 вося нач медбöръя лунъясас, да овмöдчис Нёбдiнын. Бöрыннас нин сэсся вуджис Кöрткерöсö. А вермас лоны, Лебедев тöдiс Кöрт айка йылысь преданиесö да войдöрджык на: коми фольклор дiнö сылöн интересыс вöлi челядьдырсяньыс.
И. А. Куратов нима литературно-мемориальной музейын меным ки улö эз на ёна важöн сюр рудыник коркаа вöсньыдик брошюра. И зэв нимкодь лои, сы вöсна мый корка вывсьыс лыдди: «М. Н. Лебедев. Кöрт айка. Железный свекорь. Зырянское предание. Усть-Сысольск. 1910». Тайö, вöлöмкö, Сыктывдiнкарын збыльысь 1910 воö Слепцовлöн типографияын Андрей Цемберöн лэдзöмтор (öнi тайö вöсньыдик небöгыс Коми республикалöн национальнöй музей библиотекаын). А. А. Цембер (налы, кодi оз тöд) — паськыда кывсьысь краевед, Коми муын музейнöй уджлы подув пуктысь, учитель, поляк-реврлюционер рöдысь петалöм морт. XX нэм пуксигас на, дасöд воясö, Усть-Сысольскын панic издательской делö, лэдзис некымын книга.
Но а М. Лебедев бара на босьтчылiс Кöрт айка йылысь предание дiнаc и 1910, 1928 вояс бöрын. Мыйлакö тайö мойдыс сiйöс торъя нин ёна кыскöма. Нач выльысь мöдö уджавны аслас кывбура мойд вылын 1939—1949 воясö и йöзöдö выль гижöдсö «Ударник» журналын. Нимыс — «Кык тун. Пьеса важ коми олöмысь». Висьталанторйыс воддза вариантъяс сертиыс ёна вежсьöма, кöть ставыс вöчсьö XIV нэмö жö да Эжва ковтысын жö. Персонажъясыс абу жö нин найö, абу важъясыс. Кöрт айка лыдди лоöма Пама коми тун, а пыжнас Эжватi катö да сыкöд зыкö воö Степан ма- нак. Танi вичко вылö и быдсяма эскöм вылö авторыслöн дзик выль видзöдлас. Таладорсянь кö видзöдлыны, то танi Пама ни Степан, öтиныс ни мöдныс оз вайны йöзыслы шудсö, некоднаныс оз ковны налы. Авторыс кыкнан дорас быттьö öтмоза кöдзалöма да петкöдлö, мый некоднаныс коми войтырыслы абу матынöсь.
Мыйла тадзи лоис, стöча шуны сьöкыд. Гашкö, тадзи тöдчис быдсяма енъяс вылö аслас Лебедевлöн вочасöн вежсьысь видзöдласыс. Me думысь, вермас лоны, мый авторскöй позициясö «веськöдiс» и Иван Куратовлöн атеист сяма видзöдласыс. Кыдзи да мыйла? Делöыс сыын, мый буретш 1939 во помас — 1940 во пуксигöн кык гомын петiсны Иван Алексеевичлöн гижöдъясыс. Гöг
рвоана, кутшöм ыджыд интерес вöлi на дiнö республика пасьта, а гижысь котыр йылысь и сёрнитнысö нинöм. Колö чайтны, и Михаил Лебедев ловсö кутöмöн лыддялiс Куратовлысь став гижöдсö да эз вермы не казявны со мый. Кор И. Куратов мöвпалö туналöм (шаманство) да христианство йылысь, то шуö, йöзыслы по найö «оба —темна вода, и всякая религия темна для исповедующих её», кöть и тунъяслысь велöданногсö, тыдалö, артавлöма бöрö кольöмаджыкöн, сы вöсна, мый Пама йылысь гижöма: «Умные почитатели падающего культа самый вредный народ». И со на: «Шаманство для нас темнее всех известных религий». Me чайта, тайö мöвпъясыс вöлiны и М. Лебедевлöн вежöрын «Кык тунсö» гижигöн. И та вöсна сэтшöма вежсьöма, тыдалö, Пама тун вылö видзöдласыс. Танi со лоöмаöсь прöстö нин кык тун, кыкнаныс öткодьöсь пöшти, коми йöзыслы öткодя веськодьöсь, нинöм бурсö налы оз вайны, оз вöчны. А öд 1928 вося «Кöрт айка» мойд-поэмаас Эжва юöд пыжнас катö оз Стефан, а Еджыд Пама. Тайö «еджыд» кывсö абу весьшöрö пуктöма, сiйöн тöдчöдсьö, мый тайö бур дор сулалысь, югыд да сöстöм вын.
Вöчны кö кывкöртöд кодь, то артмö со мый.
1910 воын йöзöдöм преданиеас воча сулалöны сöмьн Вежа Стефан да Кöрт айка, кöть и эмöсь налöн нимтöм отсасьысьяс, налысь велöдчысьяс. Сэнi Стефан выналö да виö Кöрт айкасö оз шыöн-пуртöн, а сöмын аслас эскöмöн — пернаа вичко нимöн — кутшöмкö «тыдавтöм вынöн».
Сэсся 1928 воын петöм мойд-поэмаас Еджыд Пама кöть и Кöрт айкалы паныда жö, но тайö лёк вына лолыслы водзсасьöны да венöны-чергöдöны коми зонъяс Изъюр Эбöс — оз Пома. И оз перна вын, а коми войтыр, «народ».
Содтöд на вежсьöм вежöра авторлöн перö улысь петöма 1940 вося «Кык туные». Танi абу нин вежа Стефан, а манак Степан. Чинсö-вынсö быттьö чинтöма-уськöдöма тöдчымöнъя. Да и Памаыслысь, сылы воча сулалысь тунлысь, честьсö быттьö лайкöдыштöма жö. Но тайö вариантас (позьö нин и, чайта, «Кык тун» пьесасö шуны выль, асшöр гижöдöн, а оз зариантöн) виччысьтöг петкöдчö швач выль персонаж — Юсь нима том морт!
Ми тöдам, мый «Юсь» — Михаил Лебедевлöн литературнöй псевдонимыс. Сiдзкö, либö мыйла нö сiйö жö нимсö, ассьыс нимсö сетiс пьесаса геройыслы? Гашкö, мед тöдчöдны висьталантор дiнас ассьыс матыслунсö (тöдчöдны личностнöй восприятиесö)?.. Тадз чайтан и сы вöсна, мый авторыс моз жö Юсь видзöдö кыдзи Пама вылö, сiдзи и Степан-манак вылö. Сылы некоднаныс оз кажитчыны, ciйö кыкнаныскöд чорыд венö пырö.
Помас кöсйи шуны, мый «Кöрт айка» преданиелöн сюрöсыс уна ногöн паськыда гöдса коми фольклор да литературнöй обработкаяс серти. Но М. Лебедевлысь 1910 вося вариаитсö, кыдзи коми литература историяын вöвлöмтор, колö стöчджыка тöдны. Öд сiйö со 84 во нин некöнi эз петав! Сы вöсна и вöзъя «Войвыв кодзув» журналö.
Геннадий БЕЛЯЕВ
Войвыв кодзув. - 1994. - № 7
