Перейти к разделу.
Усть-Сысольсксянь Лебедевлы письмöяс
Октябрь 10 лунö тырис 114 во М.Н. Лебедевлöн чужан лунсянь
А. А. Суханова, кодi 1915—20 воясö велöдiс Кöрткерöсса школаын, тшöкыда волысис поэт Лебедевкöд. 1920 воö, Усть-Сысольскö мунöм бöрын, йитöдъяссö Михаил Николаевичкöд оз вошты. Да н Лебедев ачыс тшöкыда гижö Агния Андреевналы. Шор госархивысь, Лебедевлöн 950 номера фондысь, сюрисиы письмöяс, кодъясöс Суханова гижлöма Лебедевлы. Тайö письмöясас Михаил Николаевич да Агния Андреевны кутшöмакö донъялöны Виктор Савинöс, Илля Васьöс, Алексей Чеусовöс, Василий Молодцовöс, Шаховöс. Медводдза письмöыс 1920 во декабрь 30 лунся. (Письмöяссö сетам комиöн, дженьдöдöмöн).
«Ёна пыдди пуктана Михаил Николаевич! Öнi Наркомнац бердын воссис зырянскöй подотдел. Уджыс голяöдз: йöзыс унасьыс-уна колö. Та могысь шуöма чукöртны найöс мобилизация кузя. Тiянöс Сiдзжö мобилизуйтiсны сэтчö. Зырянскöй подотделнас веськöдлысь Василий Александрович Молодцов тшöктiс менö йитчыны Тiянкöд да корны, медым Ti кык тöлысь кежлö кöть нин уджавны волiнныд татчö. А сэнi Ti лоанныд öтнаныдöсь. Taнi жö Тiян уджныд лоис эськö ёна верманаöн. Танi олöмыс пуö. Быд лун пошта да телеграф вайöны миян зырянскöй край йылысь выльторъяс. Зырянскöй республика öнi абу нин ылысса мöвп, а матысса лунъясö лоöмтор. Заводитöны инны, лоны збыльторйöн вöтъяс да мойдъяс. Во куим-нёль сайын на öдвакö кодкö эскис татшöм туналöмыслы. Михаил Николаевич, зырянскöй подотдел матысса лунъясö виччысьö Тiянлысь кöсйысяна воча кыв. Энöй полöй, энöй шогсьöй: Ti тшöкыда мöданныд ветлывлыны гортаныд, Кöрткерöсад, ветлыны сэки, кор кöсъянныд. Öд Ti жö сiйö кадас, кор салдаталiнныд, энöй ропкöй-пинясьöй. (М. Н. Лебедевöс босьтлiсны ратникьяслöн ополчениеö 1917 воын).
Став бурсö сиöмöн, Агния Суханова».
Михаил Николаевич кöсйысьöма отсасьны зырянскöй подотделлы, но Кöрткерöсысь Сыктывкарö абулэччöма. АгнияАндреевна Суханова 1921 вося февраль 12 лунö гижö:
«Михаил Николаевич! Тiян сöглас вылö мыджсьöмöн кори эськö вудж- öдны коми кыв вылö некымын кывбур. Книгаяссö, кытысь колö вуджöд- нысö, аддзанныд Мария Ивановна пыр (М. И. Йоль). Школаас сылöн эм став тайö кывбурыс: «Рыбка», «Первая борозда», «Песня пахаря», «Сенокос», «Нива», «Заинька у ёлки подпрыгивает». Мария Ивановна медым видлас вуджöдны пемöсъяс йылысь мойдъяс, ичöтик ворсанторъяс. Медым велöдчысьяскöд öтлаын уджалас-вуджöдас. Ичöтик войтыр, ныв- пиян, асьныс вайöдасны йöзкостса сёрни: кывъяс, вежöртасъяс. Öнi дасьтысьö челядьлы лыддьöм вылö мöд книга, кывбуръяслöн мöд чукöр. Регыд найö петасны. И сэки жö миян уджным мунö вывтi надзöн. Бур уджалысьяс оз тырмыны. Буръясыс ставныс институтöн занимайтчöны. Ми жö асланым вуджöдöмöн унасö огö вöчöй. Öнiя миян уджалысьяс пöвстысь сбöмын Чисталёв öтнас пыр уджалысь. Молодцов жö уджалö сöмын кадысь кадö. Öд сылы став пыддиыс колö уджавны, сылöн редакциятöг ни öти статья огö лэдзöй. И нöшта öнiся газетъясын усьласьöмыс ставнымöс шöйöвоштö. Став сьöд ракаыс заводитöны кыпöдны юръяссö да кравзыны-горзыны. И ставыс тайö öта-мöд вылö лöгалöм вöсна.
1921 вося февраль 12 лун, Суханова».
Лебедев водзö гижö кывбуръяс, басняяс. Ысталö Сыктывкарö. Но найö дыр оз петны. Михаил Николаевич майшасьö. Суханова сылы во- чавидзö:
«Миянын уджадысьяслысь лыдсö öнi сiдзи жö чинтiсны. Иöз колины этшаöн. НЭП (текстас— новая политическая экономия) чорыда личкис и миянöс. Ковмö асланым кошт-тшöт вылö овны и уджавны. Вузалам кни- гаяс и сы отöгöн мынталам гонораръяс. Ti, Михаил Николаевич, энöй вывтiсö издательство вылö элясьöй. Öнi тaнi ставыс выль йöз. Воддза уджалысьяс пöвстысь колины сöмын куимöн: ме, Чеусов да Шахов. Шöр уджалысьясыс öнi Лыткин да Надеев. Кыкнанныс томöсь, став сьöлöмнысö, кужöмлуннысö сетöны зырянскöй литература лöсьöдöмлы. Важ столпъяс (Чисталёв да Молодцов) колисны миянöс медся сьöкыд кадас. А Тiянлысь хрестоматиятö торйöн лэдзны эз шуны. Сэки жö онi лэдзöны нёль-сизим арöсаяслы вылö уна серпасъяса хрестоматия «Чöстуй», кытчö лоö пыртöма унатор и Тiян хрестоматияысь. Öнi из- дательствоын печатайтöны «Парма ёль» литературнöй журнал, верстьö- яслы Чисталёвлысь «Коми шыпас» букварь, Митюшовлысь «Природоведение» учебник. Петiсны и посньыд войтырлы мойдкывъяс, коми вылын сьыланкывъяс. Дасьтысьö печатьö хрестоматия «Чöстуй». Тiянлысь
уджтö оз кö öнi донъявны, oнi татшöм ужаснöй вуджан кадас, донъялас- ны, кор Коми издательство зумыда сувтас ас кокъяс вылас. И некор оз вунöд Тiянöс коми морт!»
Медбöръя письмöыс 1925 во январь 26 лунся:
«Михаил Николаевич, Тiянлысь басняяснытö лэдзасны «Коми му» журналын. Шахов кöсйысьö мынтыны дас урöн быд строчкаысь. Бас- няясыд, тыдалö, воисны сьöлöм выланыс. Сöмын Ti «Сьылысь меж» бас- няад нем жалиттöг миянöс «оконфузитiнныд». Öткодяланныд миянöс «порсьяскöд» да «йöй межъяскöд». Савинлöн тырмытöмторъяс вылö видзöдтöг, Ti подулавтöг думайтанныд, мый ми сiйö быдтор кужысь- вермысьöн лыддям. (За совершенство считаем). И сэки жö оз ков ciйöc сэтшöм ёна увтыртны. Öд коми литературалöн сöвмöмö ciйö ыджыд пай пуктic. Me, шуам, зэв бура тöда сылысь став пöлöс тырмытöмторъяссö. Но уна помка вöсна ciйöс колö прöститны и пыдди пуктыны. Кольöм во Тiян йылысь шензьöдана нетактичнöй, несправедливöй заметкаысь мыжа А. Л. Чеусов. Миян коми литераторъяс пöвстын эмöсь Tiян дор сулалысьяс. В. И. Лыткин — Илля Вась. Öнi ciйö Москваын велöдчö. Во мысти помалас, и ме эска, мый Тi öтувйö чорыда босьтчанныд коми литературнöй уджö. Литературнöй уджад быдся- маторйыс овлывлö. Пöсь чолöм Лизавета Ивановналы. Иван Александрович ыстö и Тiялы тшöтш поклон. Агния Суханова».
А. ПАНЮКОВ
Звезда. – 1991. - 22 октября
