1
Нёлъ дасöн
эновтiн “бур мусö”.
Öд висьöм жалиттöм,
и кусiн.
И век жö
йöз паметъö колин,
кыдз югыд ваыс
сöстöм ёльын.
Мед сэтысь нöшта
кодкö юиc.
И аттъöалан
кыв на шуис.
Ас рöдвужыдлы
любö, долыд —
Бур нимтö колин
му выв олiг.
А ме, дерт, абу
ордпу вылас.
Но рöдвуж пастö
лолöн кыла.
|
2
А кыдз нö мöдарöсö,
абу тадз кö.
Со, тавö тöлыс
кöдзыдъясöн трачкö.
Сё дас вит во саяс нö
кутшöм ылi тöлыс?
Кор вичколаньö
рöдтiс доддя вöлыс.
И кага пыртны
вайöдiсны сэтчö.
А олöм мортлы
сöмын öтчыд сетсьö.
И жыннян кыпыда,
дерт, мыйкö съылiс.
Мый Онъö Агни
воис бур му выло.
И выль чужысьöс
чолöмавны колö.
А водзö сэсся
киас босьтас олöм. |
3
Коми аньыд
вывтi этша сюрö,
код сэк вöлi
грамотаа юра.
Мойвиис тай.
Вомын сиктса нывлы.
Карын вежöраджык
йöзöс кывны.
Велöдчыны,
велöдысъöн лоны.
Перо-ручка
видлымöнöдз воны.
Поспи дзолюкъяслы
гижны мойдьяс.
Мед кö тайö
сöмын ичöт воитъяс.
Коми кывйöн
ворсанторъяс, висьтъяс
челядь сьöлöмъясö
ёль моз письтас.
Бурыс, шанъыс
уналы на коляс.
Сылöн пайыс —
ыджыд юас-ёляс. |
4
Мыла, мича
коми кывйöн
öнi шуам
ставлы кывмöн:
“Абу простö олöма,
Радейтлöма
Коми мусö.
Чужан кывеö,
олöм русö!
Пасибö, мый волöма!”
|
5
IIIань коми нывъяс
мичаöсъ да томöсъ,
Со, гижан уджö
кутчысъöны помысъ.
Мед быдöн ассьыс кывсö
ас моз шуас.
М коляс пайсö
паськалöм нин юас.
Мед вылöджык на
качöдасны бордъяс.
Выль съыланкывныс
важъяссö мед ордъяс.
И му весьтac кö
коляс менам лолöй.
Ме тайö нывсö
чолöмавны вола.
Бан боксö окышта
и мольöдышта юрсö.
И сиа сылы
став югыдсö, бурсö.
Мед тöвру пыдди
чайтас, йöюк, лолöс.
Выль кодзув, тэ дорö
ме бытъысъ вола. |
