Дзоридз кодь мича да авъя
Вомынысь нывбаба-ань
Ыпъялысь шондi моз пöся
Велöдö радейтны ас кыв и нянь.
Визув Эжва моз збоя
Лэбачöн дзользьö лун-лун:
Чеччы жö, нывбаба, зiля,
Пальöд жö ассьыд кыз ун!
Восьтöй жö синъястö, мамъяс,
Сьöд уджлысь мурталöй от!
Мöвпыштлöй, донъялöй, нывъяс,
Югыдö, муасöй, кöн олан горт!
Велöдö ныв-пиöс, верстьööс велöдö,
Ас кывйöн пырö, кытчö он письт.
Сьöлöмыс долыда радлывлö, тiпкывлö,
Газетын, книгаын кор сылöн висьт!
Асывся лысваöн, ломзьöдчысь кыаöн,
Мыссьöдiн-югдöдiн муяс и вöр!
Ыпъялысь шондiöн, дзирдалысь кодзувöн,
Войтырлöн сьöлöмын олан тэ пыр! |
