Перейти к разделу.
Выльсö тöамавны олöмсö кыпöаны
Февраль 21 лунö Кöрткерöс районса Вомынын волi «Выльсö тöдмавны, олöмсö кыпöдны» рыт. Сiйöс сиисны Агния Андреевна Сухановалöн чужöмсяньыс 130 во тырöмлы. И эз прöста рытсö нуöдны буретш тайö лунö, öд февраль 21 лунö пасйöны чужан нывлысь войтыркостса лун.
Агния Суханова ассьыс творчествоа да велöдана олöмсö зiльöма сины чужан кывлы, сетны сылы выль юргöм, ышöдны верстьööс да посниöс радейтны коми кыв. Агния Суханова зiлис ышöдны челядьöс лыддьысьны, матыстiс найöс литература дорö. Сiйö уна вуджöдчис, ачыс гижис челядьлы пьесаяс.
Культура керкалöн фойеын котыртлiсны А.Сухановалöн гижöдъяс серти челядьлöн творчествоа уджъясысь выставка. Гаж выло воысь гöсьтъясöс няньöн-солöн да сьыланкывъясöн вочаалiс «Пöлöзнича» котыр. Öти сиктын олысьяс абу вунöдöмаöсь да пыдди пуктöны нималана землячкаöс. Рыт дырйи юргисны А. Панюковлöн да А. Мишариналöн кывбуръяс. Рыт вылö волысьяс видзбдiсны А. Сухановалöн гижöдъяс серти спектакль. Вомын школаса велöдчысьяс дасьтисны «Меддонатор» петкöдчöм, а театральной котыр - «Кöдзыл пöль» спектакль. Ветеранъяслöн «Йöлöга шы» клуб петкбдлiс видзöдысьлы «Ме немтор» инсценировка. Г. Успенскийлысь гижöдсö вуджöдлöма А. Суханова, а театральной сцена выло дасьтöма Надежда Митюшова, кодi туялö Сухановалысь олöмсö да творчествосö. Кöть и пьесалöн артмöмсянь коли нин 80-ысь унджык во, но öнöдз на сылöн коланлуныс эз вош.
Рыт помын Лия Ивановна Каракчиева, А.А. Суханова нима Вомынса библиотека юкöнöн веськöдлысь, аттьöалiс вомынсаöс, мый оз вунöдны енбиа землячкаöс, культура керкаын уджалысьяс Ольга Анатольевна Каневаöс да Елена Владимировна Нестероваöс водзмöстчöмысь, а артистъясöс – рыт кежлö бура дасьтысьöмысь.
Валентина ШЕСТАКОВА
