Перейти к разделу.
Сылысь нимсö абу вунöдöма
Кöрткерöс сиктын эм А. А. Сухановалöн улича. Бöръя дас воöн ciйö водзö сöвмис да мичаммис. Öнi А. А. Сухановалöн улича сиктын медся мича. Taнi сулалöны выльöн лэптöм кык судта керкаяс. Унаöн кöсйöны тöдны, кодi жö сэтшöм A. A. Cvxaноваыс. Мыйла сылöн нимöн шуöма тайö уличасö? Агния Андреевна Суханова медводдза коми нывбаба-гижысь, коми кыв велöдысь. Чужлiс сiйö 1884 вося январь 24 лунö Вомын сиктын, голь крестьянин Андрей Даныциковлöн семьяын. Водз ciйö тöдмалiс гöльлунлысь кöрсö, крестьянинлысь сьöкыд удж. Семьяын сыкöд тшöтш быдмисны нёль чой. Сöмын öтнаслы, Агниялы, Нёбдинса кык класса училище помалöм бöрын удайтчис велöдчыны Усть-Сысольскын. Кыдзи и уна мукöд коми нывъяслы, водзö велöдчöм вылö туй вöлi пöдса. Челядьöс велöдны кöсйöм 19 арöса нылöс вайöдö Руч сиктö, кöнi ciйö босьтчö велöдысьлöн отсасьысь уджö. Тайö лунъяссяньыс Агния Андреевналöн олöмыс топыда йитчö коми йöзлысь олöм югдöдöм кузя уджкöд. Сёрöнджык уджалö. Вотча да Нöвик сиктьясса школа ясын.
Великöй Октябрьскöй социалистическöй революция йылысь юöр суö Агния Андреевнаöс Кöрткерöс сиктса школаын велöдiгöн. Колö пасйыны, мый тайö кадас сiйö велöдö оз сöмын челядьöс, но и сетö тöдöмлунъяс верстьö йöзлы. Революциябöрся медводдза лунъясö А. А. Суханова Кöрткерöсын котыртö, культурно-просветительнöй кружок, вуджöдö коми кыв вылö А. Н. Островскийлысь «Бедность не порок» драма.
Аслас казьтылöмъясын партияса ветеран, вöвлöм учительница М. И. Иоль гижö, мый коми кыв вылын медводдза пьесаяс вöлi пук тöма волисполкомлöн керкаын (öнi сэнi районса связьлöн узел). Медводдза пьесаяс пуктöмын тöдчана пайыс вöлi велöдысьяс Сухановлöн, Сухановалöн, Жеребцовалöн да Кöрткерöс сиктса том йöзлöн. Коми кыв революцияöдз школаясын эз велöдлыны. Агния Андреевна босьтчö тайö уджас. Сьöкыд вöлi заводитнысö. Эз вöв бумага, эз вöвны учебникъяс. Сиктын важся олысьяслöн казьтылöмъясысь тыдалö, мый Агния Андреевна сьöлöмсяньыс босьтчис тайö уджас. Сёрöдз рытъяснас пукавлiс пызан сайын. Войяснас карасина лампа би улын лöсьöдлiс коми кыв вылын учебникъяс. Матысса мортöн Агния Андреевна вöлi сиктса челядьлы. Выль во водзвылын ветлiс накöд вöрö. Öтвылысь дасьтысьöны праздник кежлö. Выль во лунбö ciйöc позьö аддзыны ичöт войтырлöн гажöдчанiнысь. Танi сiйö ворсö накöд тшöтш, разöдö аслас сьöм вылö ньöбöм неыджыд «козинъяс», со татшöм кыпыд да пöсь сьö лöма мортöн кольö йöзлöн паметьö Агния Андреевна Суханова.
Кöрткерöсын олiгöн Суханова гижö челядьлы «Кöдзыд пöль» да «Кыйсьысь» пьесаяс. М. Н. Лебедевкöд öтвылысь сиктса сцена вылын пуктö медводдза коми пьесаяс серти постановкаяс. 1919 воын Агния Андреевна босьтчö коми букварь дiнö хрестоматия лöсьöдöмö. А во мысти Сыктывкарын котыртчö коми книжнöй издательство, кытчö корöны уджавны Сухановаöс. 1921 воын петö «Шондi югöр» книга, кодi и лоö коми букварь дiнö хрестоматияöн.
Издательствоын уджалiгöн А. А. Суханова уна гижö челядьöс быдтöм-велöдöм йылысь, - козьналö налы выль мойдъяс да пьесаяс. Сiйö бура вöлi тöдса В. А. Савинкöд, В. И. Лыткинкöд да мукöд коми гижысьяскöд. А. А. Суханова öс позьö шуны медводдза коми нывбаба-гижысьöн - челядьлы пьесаяс да мойдъяс лöсьöдысьöн. ...Сьöкыд челядь дыр сетiс ас йывсьыс тöдны. А. А. Суханова чорыда висьмö. 1925 вося сентябрь 13 лунö ciйö кувсьö. Тайö воас Агния Андреевналы сöмын на тырис 41 арöс.
Оз вунöдны коми йöз ассьыс медводдза коми нывбаба - гижысьöс. А. А. Сухановалöн чужан лунсянь 90 во тырöмкöд йитöдын Кöрткерöсын мунic юбилейнöй рыт. Асланыс казьтылöмъясöн сы вылын сёрнитiсны Суханова ордын вöвлом велöдчысь П. С. Попов, профессор В. И. Лыткин, писатель Иван Изъюров да мукöдъяс. Танi жö вöлi юöртöма, мый Кöрткерöсса уличаяс пиысь öтилы сетöма А. А. Сухановалысь ним.
А. Смилингис
Звезда. – 1981. – 1 января
