Перейти к разделу.

 

Зыряна

Менам пöч А.А. Сухановалы
Важ ылiысь ми, панас,
Древляна, лыдтöм тшöт.
Сьöд вöръясысь зыряна,
Ва вордны сяммысь рöд.
Ми весьтын синтö дойдан
Лöз сынöд — син кодь лöз.
Сöдз маысь ми, сир войтысь,
Вöр тусьысь чужöм йоз.
Кор шома, кор и веждöг,
Кор зэлыд, быттьö ньöв,
Но эзысь черань вез кодь
Тöв ньылыд лэбысь мöвп.
Ми идзасысь, ми кырсьысь,
Кын му и öтув би —
Ми асъя кадсянь мырсьысь,
Вöр-валöн вокъяс ми!
...Ог вежöрт, мыйся зелля
Пыр пестö меын дой,
Мед парма чуркйысь пельöс
Тадз кыскис лун и вой.
Ог родöй — но эн панъёвт,
Чер козъянын — кöть кор.
Ми сьöд вöрысь чиганъяс,
Ми эмöсь, но эн корсь.
Со верстяммысь пи-нывлысь
Син пöртмалöма дзар,
Дась шедöдчыны тывйö,
Мед босьтас мусмöм кар.
Ми ылысь воöм паметь,
Му гöрам, кутам чöс.
Ми вöрса соборяна,
Ми кыа видзысь йöз.

 

Глеб Горбовский

Вуджöдiс Евгений Козлов

 

Корткеросская Центральная библиотека им. М.Н. Лебедева. 2014 год.
Республика Коми, Корткеросский район, с. Корткерос, ул. Советская дом 187, lebedevlib@mail,ru
8(82136) 9-24-80. 9-98-16.