Пӧжарнӧйяс корсьӧны,
Корсьӧ милиция,
Фотографъяс корсьӧны
Краснӧй столицаын,
Корсьӧны важӧн,
Но оз сюр — и пом —
Кутшӧмкӧ ӧти
Кызь арӧса зон.
Тушаыс шӧркодь
И пельпомыс крепыд,
Сы вылын еджыд
Футболка да кепка.
Знак ГТО
Сылӧн морӧсас эм.
Унджыксӧ сы йылысь
Оз тӧдны нем.
Зонъяслӧн уналӧн
Пельпомныс крепыд.
Унаӧн новлӧны
Майка да кепка.
Столицаын уна эм
Татшӧм жӧ знак —
Уджӧ да подвигӧ
Быдӧн дзик дась.
Кысь сійӧ, коді,
Мыйся нин птица —
онкаыс,
Кодӧс
Корсьӧ столица?
Гашкӧ нӧ, кодлыкӧ
Вӧчис лёктор?
Со мый том зон йылысь
Шуӧ народ:
Муніс
Москваті
Том гражданин, —
Кепкаыс еджыд,
Лӧз енэж кодь син.
Карӧд трамвайын
Сэзь тувсовъя лунӧ
Ньӧжйӧник сьылігтыр
Водзӧ пыр муніс.
Друг сійӧ казяліс —
Паныдӧн дзик
Ӧшинь пыр пуркнитіс
Тшын сора би.
Йӧзыс —панель вылын-
Помыс оз тыдав!
Вевтдорса ӧшиньӧ
Дзоргӧны быдӧн:
Ӧшинь пыр, кытӧні
Ыпъяліс би,
Ичӧтик нйвка
Чургӧдіс ки.
Эз коль минута,
Кыдз том зонмыс тайӧ»
Уськӧдчис пыр жӧ
Мунысь трамвайысь —
Автомобильӧс
Ордйӧдігтыр —
И ва лэччан трубаӧд
Каттьысис пыр.
Коймӧд этаж —
И со нёльӧд —
И витӧд...
Со и медбӧръяыс,
Кытӧні бикӧд
Ӧтлаын гартчӧ
Син курӧдан тшын.
А зонлӧн пыр чинӧ,
Пыр этшаммӧ вын. |
Неуна колӧ на
Кыссьыштны вывлань-
Кыссис кызь арӧса,
Ӧшиньӧдз воис.
Сувтіс
Карниз вылӧ,
Лолыс оз шед.
Нывкаӧс босьтіс
И лэччӧ нин сэсь.
Сотчӧм да сімӧм
Труба кузя мӧдіс,
Лэччӧ И катласьӧ
Ӧтар И мӧдар.
Нуантор ассьыс
Киысь оз лэдз —
Кагаӧс ас бердас
Топӧдіг век.
Со и колоннаӧ
Кутчысис зонмыс.
Со и карниз кузя
Тувччис
Балконлань.
Муртса
Карниз вылын
Сулалӧ сэн,
Кӧть и балконӧдз —
Нёль воськов и эм.
Эз этша йӧз
Сійӧс улысянь видзӧд,
Кыдз сійӧ видзчысиг
Муніс карнизӧд.
Со и джын туйсӧ нин
Прӧйдитіс зон.
Дженьыд,
Но сьӧкыд
Сылӧн туйпом.
Воськовтлас, сувтлас.
Тувччас да бара.
Со и балкон вылӧ
Пелька да яра
Вуджис
Барьер вомӧн;
Тайӧ жӧ здук
Ӧдзӧссӧ восьтіс —
И саяліс друг.
Туйвывса бусыс
Сьӧд тшыныскӧд гартчӧ.
Пӧжарнӧй машинаяс
Тӧвзьӧны татчӧ,
Тутсӧны найӧ Т
ревожнӧя зэв,
Ыргӧн, выль каскаяс
Югыдӧсь сэн.
Эз тай дыр
Нюжмасьны
Каскаа войтыр —
Кузь посъяс кыптісны
Ӧдйӧ, кыдз мойдын.
Пос кузя кайӧны
Морт бӧрся морт,
Сюйсьӧны би пытшкӧ
Оз повны войт. |
- Ӧдйӧ нин, ӧдйӧ,
Товарищ пӧжарнӧй!
Нэм кежлӧ лоа
Ме тэд благодарнӧй!
Спаситны нылӧс
Менсьым тэд колӧ —
Ӧтнасӧн сійӧ
Квартираӧ коли.
Эгӧ, —
Пӧжарнӧйяс
Шуисны Сэки, —
Нывтӧ
Кварта расьыд
Эг аддзӧй некысь.
Квайтнан этажсьыс нин,
Быдлаысь дзик
Корсим,
Но некодӧс
Эг аддзӧй ми!
Друг сэк
Воротаӧд
Квайт судта домысь
Петіс
Да йӧз дінӧ
Матыстчис том морт.
Доймалӧм лӧзӧдз,
Но дойсӧ оз кыв —
Ки вылас зон ордын
Ичӧтик ныв.
Нывбаба,
Бӧрдігтыр,
Кагасӧ босьтіс.
Зонмыд трамвайӧ
Бӧр пуксис сэк кості,
Вомулас мыйкӧ
Сьыліс здук-мӧд,
Муніс, а кытчӧ —
Некод оз тӧд...
Пӧжарнӧйяс корсьӧны,
Корсьӧ милиция,
Фотографъяс корсьӧны
Краснӧй столицаын,
Корсьӧны важӧн
Но оз сюр — и пом —
Кутшӧмкӧ ӧти
Кызь арӧса зон.
Тушаыс шӧркодь,
И пельпомыс крепыд,
Сы вылын еджыд
Футболка да кепка.
Знак ГТО
Сылӧн морӧсас эм.
Унджыксӧ сы йылысь
Оз тӧдны нем.
Зонъяслӧн уналӧн'
Пельпомныс крепыд,
Унаӧн новлӧны
Майка да кепка.
Столицаын уна эм
Татшӧм жӧ знак —
Уджӧ да подвигӧ
Быдӧн дзик дась! |
