Перейти к разделу.
Шеньзьöдiс енбиöн да сямöн
Дас кыкöдысь таво районса велöдысьяс вермасисны «Вося велöдысь – 2004» ним вöсна.
Кыдз висьталiс жюриса председатель, РОО-ысь методкабинетöн веськöдлысь Н. И. Ветошкина, тавося конкурсын меддводзаысь сям – кужанлунсö петкöдлiсны Висерса Керöсса школаясысь велöдысьяс. Та кындзи, выльторйöн пö лоö и «Мастер-класс» конкурслöн коймöд тшупöдыс.
Танi ордйысьысьяс петкöдлiсны уджъёртъяслы, кутшöм методъясöн да приёмъясöн найö вöдитчöны велöдiгöн.
Сiдз, «Вося велöдысь – 2004» конкурсын вермысьöн лоиМордiнса школаысь история велöдысь Т. П. Радищевская, кодi медъёна шензьöдiс жюриса членъясöс аслас енбиöн да творчествоöн. Татьяна Прокопьевна вылыс образованиеа, 1995 воö помавлöма Сыктывкарса госуниверситетлысь история факультет. Сiджö аньöс пасйисны и кыдз урокö пыр выльтор пыртысьöс.
Кыдз медбур педагог – воспитательöс пасйисны и Кöрткерöсса школаысь ичöт классъяс велöдысь Э. А. Стахиеваöс. Аслыспöлöслунысь пасйисны Корткерöсса «Ёлочка» челядь садйысь воспитатель Е. И. Шевелёваöс. Аслас предметлы сьöлöмсöсетысьöн шуисны Висерса велöдысь Р. Е. Ивашоваöс. Шойнатыса школаысь музыка урок нуöдысь Г. П. Латкинаöс шуисны челядьöс бурö велöдысьöн.
А ыджыд вермöмъяс, тöдчöдiсны, кутасны виччысьны Керöсса школаысь коми кыв да литература велöдысь Г. Н. Петренкосянь.
Татьяна Деменко
Звезда, 2004, 2 марта
