Тулыс
Тулыс воис – лоис гажа,
Сьöлöм вылын шоныджык.
Шондi лымсö ёна сёйö.
Ывла вылын гажаджык.
Шоръяс вызувтöны öдйö.
Шондi шонтö шоныда,
Ва дор дорын ваыс содö
Йи кылалöм видзöда.
Челядь котралöны пасьтöг.
Висьöм найöс оз и босьт.
Кузь тöв бöрын сьöкыд паськöм
Шыблалöны гöгöр бок.
Йиыс кывтас, ваыс чинас
Лудъяс вылын вежöдас,
Видзöд, шойччы, радейт ставсö-
Медся сöстöм дона кад. |
Маджа сиктын
Маджа сиктын аминь гажа
Кыр йылын и ва дорын.
Вöрыс матын, аминь озыр
Пöткаöн, тшак-вотöсöн.
Гажа кыр йылö кор лэччан,
Видзöдан пыр ва вылö.
Катеръясыс уна лэтчö
Любуйтчам ми на вылö |
Гожöмлань
Талун зэрö, лым сывдöдö
Ывла вылын гажтöм кодь
Петны некытчö он вермы
Кöтасяс и мыш и бок.
Зэрö ёна, лымйыс сылö,
Петö мича веж турун,
Кольквиж рöмöн тырас муыс
Ловзьö гажа, сöстöм му.
Ваöн ойдас видзъяс вылын
Веж турунöн вежöдас,
Кольквиж дзоридз тыртас муяс
Войыс лунлань бергöдчас |
Родилась 2 июня 1964 года в селе Маджа Корткеросского района Республики Коми. Образование средне-специальное. Заочно закончила Сыктывкарское культпросветучилище по специальности режиссёр массовых мероприятий. Работала в Доме культуры села Маджа. С 1994 года начала работать в библиотеке. Пользуется уважением односельчан, руководителей села. Евгения Анатольевна незаменимый участник общественной жизни села. Организовывает досуг детей, подростков, пенсионеров. 