Перейти к разделу.
Гожöм
Гожӧмӧ тулысыс вуджӧма,
Шондіыс ӧдъяджык лоӧма.
Вӧр-ваыс ичмонь моз вӧччӧма,
Уналӧн шоглуныс вунӧма.
Припев:
Майбырӧй - гожӧмӧй,
Став бурсӧ сетысьӧй.
Радлунӧй - гожӧмӧй,
Олӧмсӧ шонтысьӧй.
Татшӧмыс гожӧмнад овлывлӧ:
Чардавлӧ, гымавлӧ, зэрлывлӧ.
Бӧрыннас ставыс бӧр нюмъялӧ,
Шондіыс ёнджыка дзирдалӧ.
Припев:
Сынӧдыс жарысла вералӧ,
Быттьӧкӧ вӧр-ваыс сералӧ.
Кысянькӧ «Шондібан» шыалӧ.
Паськалӧ - йӧлӧга отсалӧ.
Припев:
Гожӧмыс дырджык мед гажӧдас,
Шоглунсӧ олӧмсьыс пальӧдас,
Муслунсӧ ныв-зонлысь мичмӧдас,
Бурлунӧн ставнымӧс овмӧдас.
Припев.
Звезда. - 2002 - 9 июля
