Перейти к разделу.
Ог вунöдöй!
Корсянь Му вылас олӧмыс пуксьӧма,
Пыр на йӧз костын оз куслы кось.
Кодкӧ кодӧскӧ лов петтӧдз личкӧма,
Кӧть и Ен серти тадзи—оз позь.
Важсянь Роч мулы кымынысь видлісны
Чотан пуктыны, тшӧтш и кӧртвом,
Сӧмын быдӧнлысь сюрсасӧ чеглісны,
Тані вӧрӧглы волывліс вом.
Сӧвет власьт вылӧ Гитлер кор уськӧдчис,
Медым пасьвартны СССР,
Ассьыс Аймусӧ дорйыны кыпӧдчас
Дзик быд морт, весиг код вӧлі нэр.
Нёль во грымгис война, помтӧг вир киссис,
Некор вӧвлытӧм тышыс оз вун.
Ыджыд Вермӧмыс дыр би пыр матыстчис,
И со воис—Май ӧкмысӧд лун
Коли зэв уна во тайӧ лунсяньыс,
Но оз курыштлы сьӧлӧмын дой:
Мыйта кар-сиктын водз лоӧм дӧваыс,
Мыйта водзын на узьлытӧм вой.
Батьяс, вокъяс да чойяс, код усисны, —
Огӧ вунӧдӧй тіянӧс ми!
Кодьяс тыш бӧрас гортас ших кувсисны,—
Огӧ вунӧдӧй тіянӧс ми!
Коми му . – 2001. – 8 мая
