Перейти к разделу.
Спартак Степанович Казаков
Чужліс Кӧрткерӧс сиктын. Сыктывкарса лесотехническӧй техникум помалӧм бӧрын уджавліс Пӧдтыбокын туйвывса мастерӧн, бӧрынджык зілис
райсельхозинспекцияын техник-стрӧительӧн, а "Кӧрткерӧсскӧй" совхоз котыртчӧм бӧрын уджыштіс сэні прорабӧн.
Квайтымын нёльӧд воын пырис велӧдчыны Горьковскӧй инженерно-стрӧительнӧй институтӧ, а сійӧс помалӧм бӧрын Спартак Степановичӧс босьтісны республикаса Министръяслӧн Сӧветӧ, кӧні уджаліс сійӧ пенсия вылӧ петтӧдзыс.
Спартак Степанович оз вунӧд чужан сиктсӧ, тӧв и гожӧм волывлӧ татчӧ. Радейтӧ вӧр-ва. Сылысь медводдза сьыланкывъяссӧ вӧлі йӧзӧдӧма "Звездаын" 1997 воын. А талун ми тӧдмӧдам лыддьысьысьясӧс Спартак Степановичлӧн выль сьыланкывъясӧн.
Выль вося танго
Мусӧ еджыд лым шебраліс-вевттис,
Йи улӧ унмовсис ю и сӧдз ель.
Со и миянӧ Выль воыд локтіс!
Став лёксӧ, важ воӧй, аскӧдыд коль]
Припев:
Локтіс Выль во! Выль во!
Кӧть нин важыс кодь ло!
Лёкыс важ восьыс мед
Выляс ньӧти оз пет.
Выль во! Йӧзлы вай шуд,
Асьтӧ лекӧн эн кут,
Бурсӧ вай лунысь-лун
Сэк та некор он вуні
Вӧччӧм коз гӧгӧр бергалам-йӧктам,
Выль вося тангоыс кыпӧдӧ лов.
Тэкӧд рытывбыд йӧктыны кутам,
И коймӧд миянлы, дерт жӧ, оз ков.
Припев.
Йӧктам кытш бӧрся кытш быттьӧ руын,
Коз дорын гажӧдчӧ пӧрысь и том.
Сьӧлӧм радлунӧн тыри, кор шуин:
- Мед тайӧ рытыслы оз волы пом!
Припев.
Ме кӧсъя, мед Эжва о» косьмы,
Мед вӧртасыс вӧлі вак лӧз,
Да мед эськӧ сикт-грезд оз шочмы,
Да кыпыда олас саа Йӧз.
Мед олӧмӧс том йӧз оз падмы,
А вӧлі мед уджач да сюсь.
Мед некодлӧн лёклун оз садьмы,
Да некод мид шогӧ оз усь.
Ме кӧсъя, мед вӧр-ва оз кушмы,
Мед сиктысь оз вош сьылан гор.
Мед ныв-зонлӧн муслун оз куслы
Да сода вӧлі, кыдз парма шор.
Ме тӧда: век дзирдалас шонді,
Да бурдас на вӧр-ваыс, дерт.
А сикт-грездын олӧм оз сибды,
И сьылан гор кыптас, оа берд.
Звезда. - 2001. - 24 апреля
