***

Мен муса гортöй,
Ыджыдвидзöй дона.
Мен муса мортыс,
Кодöс кутла ёна.

Да менам нывъяс
Мичаöсь да шаньöсь
Мед наысь лоö
Меысь бурджык аньяс.

Мен муса мамöй,
Куим чой да вокöй.
Кöть ичöт чойöс
Ог нин кутлöй, огöй.

Мен дона тьöтка
Кодi ылын олö,
Да чужан сиктас
Гежöдика волö.

Мен муса ставыс
Кöнi ола-выла,
Кöть коркö бöрда,
Но а кор и сьыла.

Мен дона сиктöй
Ыджыдвидзöй дона,
Мед олас, кытчöдз
Енмыс сетас овны.

***

О, Енмöй! Мыйла сiдзи лоö?
Бур йöзыс кулö, лекыс олö.
Но олöмыслöн аслас лад.
Быд мортлы Енмыс сетö кад.

Бур йöзыс унджык вöльнöй светас,
Мед налы дырджык овны сетас.
А лёкторсö ог нинöм кевмы,
Öд лёкыд водзöс локны вермас.

***

Ме ог нин аддзыв сэсся тэнö
Да ог нин кутлы коркö моз.
Тэ куйлан пыдын, пемыдiнын,
А орччöн быдмö мича коз.

Тэ уськöдчылан меным вöтö
Важ кодьыс мича, варов, том.
И тöлыс тэнсьыд юрси летö.
Но он нин тэнö косöд, он.

ЕДЖЫД  ЮСЬ

Еджыд бордъяссö
паськöдic юсь,
Сэсся кыпöдчис
енэжлань вылö.
Но со зэв матын
гымыштiс друг,
Енэж пасьтала
лыйöм шы кылiс.
Юсыкöд орччöн тшöтш
радейтчысь ёрт
Нинöм лёкторсö
виччысьтöг лэбис.
Эськö кужис кö
виччысьны, дерт,
Аслас борд улö
мусасö дзебис.
Сöмын кылiс сэк
горöдöм шы.
Еджыд юсь, бьттьö
лым ёкмыль, усис.
Ciйö кöтöдic вирнас
сьöд му.
Сэсся коньöрыд сэтчö
и кувсис.
Ёртыс бергалiс
юсь дорын дыр,
Вылö кыпöдчис
енэжлань бара,
Усис из моз да
кулiс дзик пыр.
Кутшöм гажтöмöн
друг лоис нюрыс!

ОЛÖМЫД ÖД ÖТИ

Мöвпала ме гусьöн:
Мыйла нö ме ола?
Мöвпала, а аслам
Мöвпъясысъ жö пола

Му вылас кö чужи,
Му вылас кö ола,
Сiдзкö, дерт жö, бара
Кодлыкö ме кола.

Танi ме зэв шуда,
Кывбуръяс со тэча.
Гашкö, уна буртор
Йöзыслы на вöча.

Олöмыд öд öти,
Енмыд оз сет мöдöс
Колö кужны овны,
Медым эз ло сьöдас.

АРСЯ

Арыс мыськö шоныд зэрöн
Муяс, видзьяс, керка дор.
Дженьыдöсь нин
арся лунъяс,
Кыдз пу пöрччö ассьыс кор.
Öшинь улысь визув кайяс
Кокалiсны дзик быд тусь.
Радласны да дзользясны на,
Кытчöдз еджыд лым
оз усь,
Коркö петкöдчылö шондi
Недыр кежлö, сэсся бöр
Дзебсьö, оз нин сiйö
шонты,
Югзъöдыштлö арся вöр.
Гажа ягö талун муна,
Вота тшак сö чуман тыр.
Кос ньывтшакыс сэнi уна,
Лунтыр вотан, оз и быр.
Менам сьöлöм вылын долыд.
Гашкö, долыд тшöтш
и тэд.
Быд поводдя кыпыд лола,
Во гöгöр чöж лоö мед.

Коми му. – 2011. – 12 апреля