Турун пуктöм, тыла вöчöм (Сенокос, работа на подсеках)
Ичöт дырйи ылi видз вылö турун пуктыны ветлöмыд, бытьö cаридз сайö ветлöм.
Öти гожöмö ыджыд мамным босьтiс миянöс дас квайт верст сайö турун пуктыны. Меным - квайт, чойлы - вит арöс. Дерт жö сы вöсна, мый детсад миян грездын эз вöв.
Пуксьöдiс пыжö и ньöжйöник катiм ю кузя. Видзьясыс мичаöсь, уна сикас дзоридз да быдмöг быдмöны. Да и пуыд быдсикас. Со пöрысь коз: видзöдан да быттьö ыджыд еджöм тошка дед кутшöмкö мойдысь, бокас сылöн пияныс да колльöдысь. Юыс кытi - джуджыд, кытi - векни, а кöнi паськыд - позьö кевны. Татшöм местаясас ыджыд мам чеччылiс пыжысь да йöткис сiйöс. А ми пукалам да любуйтчам ванас. Ваыс югыд: тыдалö быд изтор. Шондiыс пöртмасьö ва вылын. Ки нюжöдам ваö.
Лунтыр катiм да катiм. «Öнi сэсся пырам нöшта ичöт юö. Юыс ёна векни, но и ёна джуджыд. Пыжтö эн легöдöй и китö ваад эн сюйöй!», - висьталiс ыджыд
мамным. И збыль юыс векньысис векни. Уналаын пуясыс пöрласьöмаöсь и ковмис копыртлыны юр, мед не пысасьны-люкасьны. Вöсньыдик пуяссö вештывлiм пелысöн. «Воим», - шуис ыджыд мам. Но вöлöмкö эг на воöй, а тадзи шусьö тайö пелькиник юыс. «Татшöм джуджыд юас олö ком нима чери», - висьталic миян муса мортным.
Коркö-некоркö син улö уси вöр керка. Пыжысь чеччим. Лöсьöдiм öтвылысь пес да ломтiм ывлаын сулалысь пач. Пузьöдiм тшай. Пырим вöр керкаö. Татчöдз некор на сiйöс эг аддзылöй. Узьмöдчим нар вылын. Чойкöд зэв топыда кватитчим öта-мöд бердö, мыйыськö полiм. Коркö тай ланьтсьöма. Садьмим. Шондiа. Ыджыд мам пуöма шыд. Тайö керкаыс Öльöш дядьлöн и весиг эм неыджыд град, кöнi быдмис лук. Ми чöсмасим кымынкö лук турунöн.
Мöдöдчим видз вылö. Ыджыд мамлöн тасма костас чер. Киас коса (гартыштöма дöраöн, а вывтiыс кöвйöн). «Öбедöдз ме кута ытшкыны, а бöрас весавны тыла. Тi мунöй чöсмасьöй талун гöрд сэтöрöн», - шуис Мамукным.
Миянлы регыд ставыс дышöдiс, сы понда мый вöлi жар. Кулим кыдз пу да вöчим чибльöг. Юыштiм ва да заводитiм сiйöн кутавны чери. Но чериыд öд абу йöй пырны чибльöгад. Ыджыд мам мöдöдiс миянöс вöр керка\. Ми ломтiм пач да пузьöдiм тшайник, кытчö шыблалiм сэтöр тусьяс да сэтöр кор. Думыштiм пуны тшака шыд. Матi вöрсьыс öктiм уртшаклысь посньыдик юръяссö. И со кодкö равöстiс. Миянлы юрö воис, мый тайö ош. Котöртiм вöр керкаö да игнасим. Восьтiм сöмын ыджыд мамлы.
Öбед бöрын мам пысалiс кöвйöн миян голяö чуманъяс да сувтöдiс вотны сьöд сэтöр. Сэтöрыс помтöм-дортöм. Первойсö сёйим, а час мысти сы вылö эг нин весиг вермöй видзöдны.
Бара узьмöдчим. Аскинас мунiм куртны. Куран, дерт, вöчöма верстьö вылö и ми куртiм кыдзи вермим. Кылам да Светлана мыйкö сьылö. А сьылö сiйö вöлöмкö «Дождик, дождик, дождик лей, нам с тобою веселей!». Ыджыд мам шуö: «Вот трустыд, ми кос турун босьтны локтiм, а тэ нö мый сьылан?». Ог нин стöча помним кымын лун ми олiм. Но тайö кад коластнас ми вотöм уна тусь - кык пестер тыр, перйим сюмöд, босьтiм кос турун. Пыжным лои сьöкыд, но век жö ю кывтаснад лэччыны вöлi кокни.
Ветымын сайö во нин коли. Ме век мöвпала, лысьтi эськö эг кык посни дзолюккöд мунны пуктыны турун, кöнi гöгöр тайга и абу прамöй туй. Ок и повтöм да бур сьöлöма вöлi менам Ыджыд Мам!
Тайö висьтсö ме сии сиктын чужöм аньлы, муса мортлы, аслам ыджыд мам Александра Яковлевна ТУРЬЕВАЛЫ, кодлы кос му (апрель) 8-öд лунö тыри эськö 110 арöс.
Звезда. – 2018. – 6 апреля.
Мишуклöн вöт (Сон Миши)
Бабуш, тöдан мый, кывзы, со кутшöм тешкодя ме талун вöтаси. Аддза, сулалö баля нёнь куст. Вотöсыс сы вылын лöзлöз, гырысьсыс гырысь. Виччысьтöг лöз тусьясыд заводитiсны потласьны. Ме водзын лои мича да лöз ю. Ваыс сэнi пырыс тыдалана. Югъялöны-кывтöны зэв посни черияс, кыдзи извыв арга, гурина да ёс пиян. Быттьö кыскася ва пыдöсас кынöм вылын. Видзöда да ва пыдöсыс вольсалöма миян кухняса линолеумöн. Заводитi ворсны да повзьöдлыны чери пиянсö, но найö мыйлакö пышйöны сöмын öтарö - ва кывтаслань. А местаыс берегыслöн зэв тöдса. Кутi мöвпавны, мый коркö ёна ичöт дырйи батьö нулiс менö мöд районö шойччыны. Тайö местаас овлöмаöсь староверъяс. Вöчлöмаöсь пызь. Дзик ю шöрас медводдза мельничалöн колясъяс, бокынджык сулалö на важиник мельнича. Танi гожöмнас челядь ворсöны дзебсясьöмысь. Улынджык ю кывтасас паськыд лыа кöса: кöнi челядь лöзöдтöдз купайтчöм бöрын шонтысьöны мича лыа вылын. Сэсся мунöны гортö нуръясьны. Ме тшöтш мöдöдчывлi Анна вежань дорö. Сёя
озъя йöв небыд кöвдумöн. Отсала налы Вовакöд катлыны карнанöн ю дорсянь ва. Рытнас кисьталам ваöн уна лыда том капуста да лук. Сiдзжö рытгорув том йöз да челядь ворсiсны став чурысь да каръясисны (городки). Ветлiм и кикимеритчыны сьöд рынышö: öта-мöдöс повзьöдлiм. Сэтысь петлiм кодi уска, кодi тошка, кодкö и дзик сьöд чужöма да няйт паськöма. Мыйысь ёна видлiсны бать-мам. Видзöда да батьö петшöрöн локтö, кватитiс да ёна петшöралiс. Полöмла ёна горзi: «Батьö, ог кут, ог кут рынöшад ветлыны!».
Садьми да чужöмöй дзик ва. Весиг вöтöн бöрдсьöма.
- Бабö, а мый водзöнö татшöм вöтыс?
- Ме думысь Мишук, тэ быдман, а век на окота кöть неуна лоны кагаöн.
Звезда. – 2018. – 6 апреля.
Другие рассказы:
Кирушева, Л. Енлы моз копыртча тэныд, коми ань! : [о бабушке Александре Яковлевне Турьевой] // 2008. – 8 апр. – Пер. загл.: Коми женщина, поклонюсь тебе, как богу.
Кирушева, Л. Олiс восьса сьöлöмöн : [о бабушке Александре Яковлевне Турьевой] // Коми му. – 2008. – 19 апр. – Пер. загл.: Жила с открытым сердцем.
Лодыгина, Л. Гашкö экстрасенсъяс вöлiны?.. : Вовломтор // Звезда. – 2018. – 26 янв. – С. 10. – Пер. загл.: Может были экстрасенсы.
Лодыгина, Л. Турун пуктöм, тыла вöчöм; «Извыв арга» либö «Колысь син»; Ичöт дырся кад; Пинь кыскöм; Кольквиж син; Мишуклöн вöт; Сьöд ош; Рака, Варполом Роза; Ичöт дырся казьтылöмъяс : [Висьтъяс] // Звезда. – 2019. – 6 апр. – С. 4. – Пер. загл.: Сенокос, работа на подсеках; «Каменная арга» или «Жадный глаз»; Детство; Как вырывали зуб; Желтый глаз; Сон Миши; Черный медведь; Ворона; Варполом Роза; Воспоминания детства.
Лодыгина, Л. Пывсян; Кач кöвдум; Шедi, шедi дзик чери; Чужан лун; Гу яг : Висьтъяс // Звезда. – 2018. – 11 мая. – С. 9. – Пер. загл.: Баня; Колобок из коры, Поймал, поймал рыбу, День рождения; Лесная яма.
Лодыгина, Л. Гастролёръяс; «Пывсим-корöсям»; Шедi, шедi сир!..; Зырымöсь налим; Юмов гöснеч; Война кадся грек : [Висьтъяс] // Коми му. – 2018. – 24 мая. – С. 25. – Пер. загл.: Гастролеры, Парились веником, Поймал, поймал щуку, Сопливый налим, Сладкий подарок, Грех со времен войны : [Рассказы].
Лодыгина, Л. Öтик турун тор; Нёбдiнса Витторлы : Висьтъяс // Звезда. – 2018. – 13 июля. – С. 9. – Пер. загл.: Одна травинка; Виктору Савину : Рассказы.
Лодыгина, Л. Иван дядь; Риза; Налим; Пöч : Висьтъяс // Звезда. – 2018. – 17 авг. – С. 10. – Пер. загл.: Дядя Ваня, Риза, Налим, Бабушка, Рассказы.
Лодыгина, Л. Варламув : Висьт // Звезда. – 2018. – 14 сент. – С. 10. – Пер. загл.: Местечко Варламув : Рассказ.
Лодыгина, Л. Дзолюк нывкаяс; Юмов картупель; Шышъяс; Пöкрöв; Мельнича шор // Звезда. – 2018. – 26 окт. – С. 4. – Пер. загл.: Маленькие девочки, Сладкая картошка, Воры, Покров, Ручей возле мельницы.
Лодыгина, Л. Балюкъяс : Висьт // Звезда. – 2018. – 23 нояб. – С. 11. – Пер. загл.: Овечки : Рассказ.
Лодыгина, Л. Сизим пищаль; Сьöдук; Майтöг; Чипукъяс; Варламув; Амбар; Пионер лагерын; Кушмана ма; Мöвпъяс : [Висьтъяс] // Звезда. – 2019. – 4 янв. – С. 9. – Пер. загл.: Семь ружьев, Сьодук, Мыло, Цыплята, Варламув, Амбар, В пионерском лагере, Мед с редькой, Мысли : [Рассказы].
Лодыгина, Л. Балюкъяс; Бать вожса; Визув ичöтдыр; Кань син. Акань; Мырпом; «Свинка» либö öтвылысь висьöм : [Висьтъяс] // Звезда. – 2019. – 1 февр. – С. 10. – Пер. загл.: Овечки, С отцовской стороны, Быстрое детство, Глаз кота, Кукла, Морошка, Свинка или совместная болезнь : [Рассказы].
Лодыгина, Л. Сиктса аньлы; Радио : [висьтъяс] // Коми му. – 2019. – 14 марта. – С. 22. – Пер. загл.: Сельской женщине, Радио : [рассказы].
Лодыгина, Л. Весь пуктавнытö он эшты… : [Пывсян; Самöвар; Юмов гöснеч: Рассказы] // Коми му. – 2019. – 11 апр. – С. 22. – Пер. загл.: Некогда бездельничать… : [Баня; Самовар; Сладкий подарок: Рассказы]
Лодыгина, Л. Бöрд кöть серав сэсся… : [Висьтъяс] // Коми му. – 2019. – 6 июня. – С. 22. – Пер. загл: Хоть плачь, хоть смейся… : [Рассказы].
Лодыгина, Л. Енсьыс на Ен; Бать; Öсип; Олöм вайöдлiс уналаö, но гортад медбура лолавсьö; Петшöр детинка; Пöлать : [Висьтъяс] // Звезда. – 2019. – 21 июня. – С. 10. – Пер. загл.: Выше Бога, Отец, Осип, Жизнь заставила поездить, но дома дышится легче, Мальчик-крапива : [Рассказы].
Лодыгина, Л. Зосим баб ; Парикмахер : Олöмысь пасйöдъяс // Звезда. – 2019. – 18 окт. – С. – Пер. загл.: Бабушка Зосим; Парикмахер : Жизненные заметки. |
Родилась 25 апреля 1960 года в деревне Габово Усть-Куломского района Коми АССР. Закончила Пермский институт искусства и культуры по специальности библиотекарь, библиограф высшей квалификации (1993г.), Коми республиканскую академию государственной службы и управления по специальности – управление (2003 г.). Более десяти лет является руководителем Представительства МОД «Коми войтыр» в Корткеросском районе. Писать начала с января 2008 года. Это воспоминания о своём детстве, о своих родителях, о взаимоотношениях людей, о семейном быте, юмористические рассказы на коми языке. Является общественным корреспондентом районной газеты. Печатается в газетах: «Коми му» и районной газете «Звезда». В настоящее время проживает в селе Корткерос.