|
 |
Перейти к разделу.
Куликов Сергей Лукич
 Родился в 1921 г. в селе Межадор Сыктывдинского района. Фронтовик, прошел Финскую и Великую Отечественную войну. Более 30 лет работал директором Сторожевской средней школы.
Стихи пишет с 1939 г., основная тема его произведений – военно-патриотическая, пишет так же лирические стихи. Его произведения печатались в республиканских изданиях: «Войвыв кодзув», «Север», «Красное знамя», «Коми му», в районной газете «Звезда». Вошли в поэтические сборники самодеятельных авторов Корткеросского района «Сьöлoм кудйысь» (1996 г.), «Край родной, ты дорог мне» (2004 г.), выпущенный к 65-летию Корткеросского района. Особое место в поэтическом творчестве занимает переводы текстов песен и стихов о Великой Отечественной войне на коми язык. Сергей Лукич своим творчеством призывает нас любить свой родной край, коми язык, богатство которого он и раскрывает в своих стихах.
Куликов С. Василей (вмсьт) // Звезда. – 1997. - 18, 20, 23 декабря.
Куликов С. Тайö лунсö ставöн матыстiм ми дыр... // Звезда. - 2006. - май. - Пер. загл: Этот день мы долго приближали.
Отдельные издания:
Во гöгöр (Круглый год) 1989 г. (PDF), (3D)
Во гöгöр (Круглый год) 1973 г. (PDF), (3D)
1919-20 вояс коми мулöн
Асывсянь, рытывсянь, луксянь и войсянь
Том Сöвет му вылö волiс буржуй,
Дурмöм пон чукöр моз би зэрöн койсис,
Кытчöдз эг нндöй ми бöр мунан туй.
Белогвардейщина Сöвет му сайын
Чукöртiс вражескöй войска - зэв ён,
И Коми му вылö пон чукöрсб ваис.
Артмис сiдз миянын „Войвывса фронт».
Враг сэки чайтiс, мый том Сöвет мулöн
Вынйöрыс ичöт да вывтi на том,
Сы вöсна сiйö зэв збоя сэк шулiс,
Силы пö регыдöн вöчам ми пом.
Войвыв пыр кöсйисны лунвылö муяны
Уджалысь йöзъяслысь кисьтны пöсь вир.
Кöсйисны - кисьтiсны пежъяс. Оз вунны!
Кöсйисны ловзьöдны кулöм важ мир.
Сöмын тай чорыда ылалiд, гадъяс!
Эх, господа! Эз тай тiян ног ло!
Казьтыштам, кыдзи ми пасьйимö врагöс,
Казьтыштам войналысь бöръя кык во.
Локтiс сэк белöйлöн банда - пон стая,
Комилы вайис выль сир курыд шог.
Но коми йöз ньöти эз дрöгнитны. Найö
Шуисны: «Вöтлам бöр граница сайö,
Пасьвартам бандаöс! Вот миян мог!
Öтвылысь сувтам став уджалысь йöзкöд.
Дорйысьны врагъясысь кужам нин ми.
Зэв ыджыд кöсйöмлун быдöнлöн вöлiс,
Быдöнлöн морöсас öзъялiс би.
Тöдам ми, кутшöма царь дырйи овсис:
Олöмыс няйт вöлi, сьöд, пемыд гу.
Сувтiсны, враг водзын некод эз повзьы,
Петiсны дорйыны том Сöвет му.
Войтöлыс шутлялiс, омлялiс, сьылiс,
Скöралiс, врагöс эз радейт. Вот тан,
Коми сьöд вöр шöрын, врагкöд тыш вылö
Чужис сэк уна сё гöрд партизан.
Паныдöн сюрсъяслы мунiсны сёяс.
Кось вылын кулöмысь некод эз пов.
Быдöнлöн синъясыс би киньöн койис.
Некод эз жалитны ассьыныс лов.
Бандалöн вир вылö горшлуныс пуис.
Думыштан: мый найö вöчисны— ой!
Йи увтi кодзыд ва визулыс нуис
Прорубö шыблалöм уна мор шой.
Уна том сокол геройскöя кулiс:
Пи кö оз сюр вöлi, сюрлiс бать-мам.
Мукöдсö кынтiсны кöдзыд лым вылын.
Тырмис тай бандалöн тешитчан сям.
Коммуннист партия веськöдлöм улын
Кось вылö сувтiс став уджалысь йöз.
Быдмис сэк паныдöн Сöвет му вылын
Буржуйяс грöз вылö сöветскöй грöз.
Пышйисны, код кытчö кужис, став гадыс"
Öдйöн зав, вöтчис кö, лэбач аз су.
Тöдлiс сэк ас пайсьыс быд пöлöс врагыс
Кокни-ö жугöдны Сöветскöй му.
Кымöръяс улысь бöр мыччысис шондi,
Небыда пöльтны бöр кутiс лунтöв.
Зарниöн енэжыс лöстасьны пондiс,
Ывлаыс югдис. Но аз на ло чöв.
Врагыд и öнi на пиньсö век йирö.
Фашистьяс пестöны выль ён война.
Тöдöй тi, гадъяс, мый Сöвет му мирын,
Быдöнысь медшуда, медъён страна!
1939 год |
öзьялысь би
(Огонек)
Кывъясыс М. Исаковскийлöн
Чорыд тыш вылö вöрöгкöд
Зонмöс коллялiс ныв,
Кильчö пос вылын шуалiс
Уна радейтчан кыв.
Зонмыс туйö кор мöдöдчис,
Нывлысь кутыштлiс ки,
Öшинь вывсяньыс колльöдiс
Шога öзъялысь би.
Зэв бур ёртъяскöд аддзысис
Война вылын том зов.
А салдатъяслöн ёртасьöм
Медея сöстöм да ён.
Сöмын горт йывсьыс думъяссö
Весиг война эз ви.
Кöнi тэ, менам донаöй -
Менам муслунлöн би?
Нылыс фронт вылö ылiсянь
Ыстö пöсь гижöдтор:
Сылöн том зонмöс радейтöм
Эз пö личав, эз ор.
Ставсö, мый вöлi кöсйöма,
Асьным збыльмöдам ми.
Кадысь водз нывлöн сьöлöмын
Оз на кус зарни би.
Зонлöн личалiс морöсыс,
Шудöн лолыс дзик тыр.
Татшöм мелi, бур кывъясысь
Сылöн шоналiс вир.
Помöдз пасьвартны вöрöгöс
Мед оз дрöгнитлы ки,
Сылы отсалас Рöдина –
Некор куслытöм би.
Звезда. - 2006
|
Миян дедъяс
Менам дедöй вöлі збой,
Повтöм пограничник,
Рöдиналысь лун и вой
Границасö видзис.
- Менам дедöй - смел танкист, -
Игорь шуö збоя.
- Менам дед - артиллерист, -
Ошйысьыштіс Зоя.
Сашлöн дедыс дзик нин дзор,
Сійö - вöвлöм лётчик.
Кодкö-й вöвлöм сюсь сапёр,
Снайпер, пулемётчик.
Кодöс мыйöн кöть эн шу,
Коді кутшöм грездысь,
Быдöн дорйис Совет му,
Рöдинаöс мездіс.
Быдöн пуктіс ассьыс пай
Врагöс вермöм вылö.
Нэм оз вун победнöй май, -
Сылöн юргöм кылö.
(Вильышпоз. Ичöт челядьлы лыддьöм вылö книга. – Сыктывкар: Коми небöг лэдзанін, 2000. – С.139.) |
| |
|
|
Мам сьöлöм
Висьт
Миян эм Марка нима еджыд вöв. Гöныс сылöн шондi водзын лöсталö да уна рöмöн дзирдалö. Сэтшöм еджыд, мый лым тола весьтын ачыс оз тыдав, сöмын рудов бурысьыс да бöжыс неуна и торъялыштöны.
Маркаöс ёна радейтöны челядь, торъя нин зонпосни. Сылы вайöны моздор тырыс веж турун, нянь торъяс, тöвнас ведраысь юкталöны ваöн, а гожöмнас нуöдлöны шор дорö. Тулыснас, кор гöныс кутас усьны, сiйöс весалöны кöрт щöткаöн, бурысьсö да бöжсö мичаа тшöтшöдöны ножичöн. Муртса на кылас челядьлысь кок шысö, вöв радпырысь гажаа гöрöктас: «И-го-го!..»
Конюк ошкылiс вöв радейтысьясöс да сетлiс вöля гуляйтыштны верзьöмöн. Мыш вылас вöвлöн сэтшöм шыльыд, мый весиг седлö оз ков.
Марка вöлi тöлка да рам вöв. Мыйöн пуксян мыш вылас да вöрзьöдан дом поводнас, сiйö пырысь-пыр мöдöдчö восьлавны. Кокъяснад кö пöвмöдысь тапнитан бокас - кутас ньöжйöник рöдтыны. Тöдö, буракö, мый верзьöмаыс ичöтик на, вермас усьны...
Коркö-й Маркалöн чужис ичöтик чань. Челядь, конюккöд öтсöгласöн, сылы сетiсны Чалко ним. Сiйö гажаа гöрдлiс да котралiс мам гöгöрыс. Челядь унаысь ворслiсны Чалкокöд, и тайö сылы ёна кажитчис. Ок и гажа вöлi Чалколы мамыс да челядь дорын! Нимкодь и мамыслы: радлöмöн видзöдö, кыдзи чибöыс гажаа ризъялö челядькöд.
Чалко öдйö быдмис. Луд вылын мамыскöд орччöн зэв нин зiля йирсис, велалiс еёйны кос турун. Сiдзкö, шуисны, позьö нин торйöдны мам дорсьыс.
Тадзи эня-пиалы воис нем виччысьтöм шог. Маркаöс бокисаяс нуисны поводöдыс орчча сиктö. Вöв эськö петитчис жö конюшняысь петiгöн, эз кöсйы торйöдчыны пиыскöд да шöйöвошöмöн гораа чуксалiс: «И-го-го!» Но нинöм тай он вöч мортлы паныд. Чалкоöс, медым эз вöтчы мамыс бöрся, йöртiсны торъя жырйö. Чань шыбласис стенысь стенö да кöсйис вöтчыны мамыс бöрся, но эз вермы петнысö: öдзöс вöлi пыкöма. Зэв шога, вöсни гöлöсöн гöрдлiс-бöрдлiс аслысногöн.
Мамыслöн кок шыыс ылыстчис и ылыстчис, недыр мысти сэсся эз нин кут кывны. Ыджыд шог кырлöдлiс эня-пиалысь став сьöлöмъяссö. Тадзи торйöдiсны. Чалкоöс мамыс дорысь.
Марка тöвйис выль шоныд конюшняын, но сiйö унаысь пыдiсянь ышлолавлiс да шога гöрöктывлiс: тöдöмысь, шогсис пиыс вöсна.
Воис тулыс. Воссисны юяс. Найö öйдiсны сэтшöм паськыда, мый орччöн визувтысь юяс öтлаасисны да быттьö артмис море. Мир туй и видзьяс дзебсисны ва улö. Лунö бана боръясын чепöсйисны медводдза турун петасъяс.
Микулай дядь, Маркалöн выль конюкыс, вöвсö вой кежлас гез йылö домавлiс йирсьыны. Öти асылö сiйö мунiс вöвла, но Марка местаас эз вöв. Эз вöв весиг майöгыс ни гезйыс. Микулай дядь шогö усис: öтилаö ветлас, мöдлаö. Лунтыр корсис, сикт пасьтала ветлöдлiс, но Марка некöн эз вöв.
Тулыснад шондiыд петö водз. Сылöн медводдза югöръясыс ыльöбтiсны сэтшöм гажаа, мый гез йылö кöрталöм Маркалöн сьöлöмыс кутiс дугдывтöг пессьыны, тшöкыда тiпкыны.
Юрсö вылö лэптöмöн вöв гораа гöрöктiс да мый вынсьыс нетшыштчис... и майöгыс шедiс. Муяс да боръяс вомöн сiйö чепöсйис мир туйлань и гöнечöн кутiс скачитны важ конюшнялань: орчча сиктö, пиыс дорö.
Но регыд сiйöс паныдалiс синмöн судзтöм, паськыда ойдöм ва. Ылын, ва саяс, доввидзис Чомва нöрыс, кытi арнас Маркаöс вайисны тайö сиктас.
Дыр виччысьтöг вöв бузнитчис ва пиö. Кытi варччöмöн, кытi келöмöн Марка век писькöдчис водзлань. Ляпкыдджыкинъясын сувтыштлас, муртса шойччыштлас, и бара водзö. Медбöрын ковмис вель кузя варччыны-уйны, ыджыд юыс ойдöма паськыда, ёна мудзис, но Чомва нöрыс сiйöс, магнитöн моз, кыскис ас бердас.
Тувсов ва öдйö кылöдiс увлань, и вöвлы ковмис варччыны ёнджыкасö визулыслы паныд.
Друг голя гöгöр кöрталöм гезйыс зэлалiс, кутiс джагöдны, и Маркаöс кутiс нуны визулыс. Тайö, вöлöм, дзугсьöма гез помас кöрталöм майöгыс ва пиысь мыччысьысь бадь куст пиö.
Вöв пессис визув ва вылын, но мездöдчыны другысьöн эз вермы: кокъясыс ва пыдöсöдзыс эз судзны. Сöмын увлань унакодь кылалöм бöрын мынi паличыс да Марка веськöдiс нырвизьсö сылы колана береглань.
Со и берег. Вöв петiс ваысь, пыркнитчис, недыр шойччыштiс и бара мöдöдчис водзö.
Кор Микулай дядь корсис вошöм вöвсö, сэки Марка вöлi вин важ конюшня бердас да гораа гöрдлöмöн чуксалiс ассьыс писö. Чалко, мыйöн кылiс мамыслысь гöлöссö, пыр жö уськöдчис воча.
Тадзи Марка бöр аддзысис аслас Чалкокöд. Сiйö вель нин ыджыда быдмöма. Шондi водзын, мамыслöн моз жö, гöныс лöсталiс.
Ёна и шензисны конюшня дорö чукöртчöм йöз, ошкисны Маркаöс, тапкöдiсны мышку вывтiыс.
- Мортлöн кöть вöвлöн мам сьöлöмыд öткодь вöлöма, - шуынштiс Дарья тьöт.
- Кыдзкö тай корсьöма туйтö, - дивуйтчисны мукöдъяс, - сы пасьта ойдöм ва вуджöма и.
Кор та йылысь юöртiсны Микулай дядьлы, сiйö пырысь-пыр корсис мотора пыж да модöдчис орчча сиктö.
Кор аддзис Маркаöс чаньыскöд орччöн, сылы сэтшöм лов нимкодь. И сэк жö кыкнанныс лоины вывтi жальöсь, мый эня-пиаöс дыр кежлö торйöдлöмаöсь.
Сiйö сёрнитчис татчöс йöзкöд, и öтсöгласöн шуисны Чалкоöс лэччöдны мамыскöд.
- Во кык мысти таысь лоас прамöй вöв нии, мамсö вежас, - эскöдiсны мужикъяс.
Маркаöс пиыскöд сöлöдiсны ыджыд пыжö, - сэтчö жö пуксис Микулай дядь, - и öнi нин куимöн паськыда ойдöм Эжва кузя кывтiсны увлань, выль оланiнö. |
|
| |
 |
Корткеросская Центральная библиотека им. М.Н. Лебедева. 2013 год.
Республика Коми, Корткеросский район, с. Корткерос, ул. Советская дом 187, lebedevlib@mail,ru
8(82136) 9-24-80. 9-98-16. |
|
|