Перейти к разделу.
Макарова Елизавета Тимофеевна
«Родилась 18 марта 1949 года в селе Пезмег Корткеросского района. Окончила Аджеромскую среднюю школу в 1967 году. Работала в библиотеке поселка Аджером, собственным корреспондентом редакции районной газеты «Звезда», директором Домов культуры села Пезмег, села Небдино.
Пишу сценки, стихи (белые для себя и друзей экспромты). Написала небольшие пьесы: «Лямур», которую поставили на сцене Дома культуры села Усть-Нем Усть-Куломского района, села Грива Койгородского района, в селах Пезмог, Небдино, Сторожевск Корткеросского района. Эту пьесу «Мый ми кутам казьтывны?» («Что мы будем вспоминать?») поставили на сцене Дома культуры села Большелуг. Перевела с болгарского комедию «Ошибка святого Петра» Г. Иванова, пьесу «Свадебный подарок» Н. Парыгиной.
Свое первое стихотворение написала в 10 классе, отправила в редакцию журнала «Войвыв кодзув». Была просто счастлива получить отзыв, почти сразу же, от тогдашнего редактора Серафима Попова. Очень доброжелательное, с разбором. Мои стихи, пьесы, публицистика печатаются в районной газете «Звезда», в республиканской газете «Коми му».
Из автобиографии.
Рöдня // Звезда. – 2010. – 9 февраля
Лямур
ВОРСЫСЬЯС:
СЕМЁНОВНА - вывті варов нывбаба, ар 60.
НИНА - сылӧн ныв, ар 35.
МИША - сылӧн зять.
МИШУК - внукыс.
ПАНТЕ - суседныс, ар 65.
ВАСЬ - Мишлӧн ӧттшӧтшъя.
Спектакль заводитчытӧдз став ворсысьыс петалӧ авансцена вылӧ висьтасьны ас йывсьыс:
СЕМЁНОВНА: Лӧсьыд жӧ нин, кор нылыд ӧшинь улад керкатӧ стрӧитас. Кор окота - сэк и петалан, мыйкӧ отсыштан. Кор зятьыд удж вылас...
НИНА: Мича зон саяд верӧс сайӧ петан да нэмыд лоӧ повны мырддьӧмысь. Синмыд век сувтса...
МИША: Вот чуймӧда ме гӧтырӧс 8 мартанад да! Сюрприз вӧча.
МИШУК: Школаад ничево, позьӧ ветлӧдлыныд, сӧмын велӧдысьясыс пыр мыйкӧ юасьӧны-дӧзмӧдчӧны...
ПАНТЕ: ӧти пензия быри нин, а мӧдӧс дыр на виччысьны. Кытчӧ и пырала, кӧні пӧкмелитыштасны эськӧ?
ВАСЬ: Меститчас кӧ телевизорӧй, куим тӧлысь сы вылӧ красуйтча, а сэсся лисички петас, тшак-вотӧс, бара на олам...
Занавес воссьӧ, Нина аслас керкаын мыйкӧ зэв ёна корсьысьӧ.
НИНА: Но вот, кӧні помадаыс? Во сайын ньӧблі, ӧтчыд мавтчылі, сэсся син улӧ эз на усьлы. Дзик бара Мишук класса нывкаясыслы нуис. Бать кодьыс жӧ бабник. (Пуксьӧ, шогсьӧ). Ойя да ойя! Дас вит во верӧс сайын, а век на шогся, оз-ӧ кодкӧ менсьым Микайлӧӧс вашйӧдлы? Сідз и кажитчӧ, мый быд паныдасьысь бабаыс сійӧс и кыйӧдӧ... чуньыштны. Гӧгӧр том да мича нывбабаяс тювкъялӧны. И удж вылас дзик баба чукӧр пиын! Сійӧ менам тракторист, а став бригадирыс, весь контораыс баба. Весиг механикыс ныв! (Матыстчӧ рӧмпӧштан дорӧ). А ме пӧрысьма и пӧрысьма. Паськала и паськала (сюся дзоргӧ асьсӧ, пырӧ мамыс). О... мам... мыйкӧ... идрасян колошисӧ кӧмавлін?
СЕМЁНОВНА: Пысавлі рытнас ва пыртігӧн.
НИНА: А мый сэсся места вылас абу пуктӧмыд? Асывбыд корси.
СЕМЁНОВНА: Но, рӧмпӧштансьыс колошитӧ сэтшӧма видзӧдін? Челядь абуӧсь нин?
НИНА: Мунісны. Ок. мамӧ, мамӧ (тупкӧ чужӧмсӧ кияснас).
СЕМЁНОВНА: Мый, Нинук, лои, аминь-аминь...
НИНА: Петыр Сане бара нин локтӧма.
СЕМЁНОВНА: А мый сэсся, кыдз локтіс, сідз и мунас... Тэ нӧ мый, бара Микайлӧтӧ вежӧгтан? Он-ӧ думайт, мый 40 арӧса куим челядя мужик важ пӧдругасӧ шогалӧ?
НИНА: Абу 40, а 35\ Абу важ пӧдруга, а ыджыд любов налӧн вӧлі.
СЕМЁНОВНА: Ыджыд любов? Том дырйиыд мый он йӧйтавны да. Ме тай... (Другӧн пырӧ Вась).
ВАСЬ: Миш эз волы?
НИНА: Эз, эз. (Вась петӧ). Мыйкӧ тайӧ коймӧдысь нин талун тювкнитліс.
СЕМЁНОВНА: А мый сэсся тайӧ господин безработ- нӧйыс вӧчас? Век на ӧмӧй ӧтка... эсійӧ катшаыс?
НИНА: Ме ог тӧд, ӧтнас тай пӧ локтӧма-а. Паныдасис тӧрыт да шпыньмуніс. Вот мыйла, прамӧй морт кӧ, шпыньявны? Ачыс тшап, ветки пыж кодь вӧсни да дзибрӧс... А ме со бӧчка кодь куті лоны...
СЕМЁНОВНА: Тэ, нылук, менам, енсыкӧдӧн, абу бӧчка, а воӧм кукуруза кодь гӧгрӧс, шань да мича...
НИНА: А ме уджалан паськӧмӧс ог эштыв вежлыны. Асывнас кукъяс дорӧ котӧрта, локта да гортын бергала, уджыс юр вывті бызгыльтӧ... Видзӧда, да бара нин колӧ картаӧ котӧртны...
СЕМЁНОВНА: Вывтіджык нин нярган, Нинук, лоӧма тай дображина - Микайлӧ!
НИНА: Да, а оз кӧ пӧрысьмы? Век важ кодьыс мича да лада, а ме (бӧрддзӧ збыльысь). Да и книга серти оз ло миян олӧм водзӧ... Тэ нинӧм он тӧд, мам. Со тӧрыт Злима Лиза сетіс меным книга, кӧні ставсӧ гижӧма, коді да мый да. Со... (перйӧ кызсьыс-кыз книга). Вот тэ 1929 воын чужлӧмыд, тэ лоан Зьмей, а ме...
СЕМЁНОВНА: Ме зьмей!? Но пасибӧ, нылукӧй, быдті да верді, кӧмӧді да пасьтӧді, отсася лун и вой, сэсся зьмей лои тэныд! Первой рузя колоши вӧсна тайкӧ няман, сэсся нимтчан... (мунӧ ӧдзӧслань).
НИНА: Мам, энлы тэ аслад колошинад...
СЕМЁНОВНА: Тэ тай пырӧмӧн тшӧтш колоши да колоши, колоши да колоши...
НИНА: Лок, видзӧдлы... Со тані гижӧма, коді кутшӧм воӧ чужӧма, сійӧ волӧн и нимыс. Тэ Зьмей воӧ чужлӧмыд, сідзкӧ, Зьмей.
СЕМЁНОВНА: Ноко... А тэ?
НИНА: А ме - Ыж.
СЕМЁНОВНА: А ыж и эм. Батьыд кодь жӧ раминик да шань, да мича. А Мишыд?
НИНА: Бычӧ.
СЕМЁНОВНА: А, бычӧ и эм. Мукӧддырйи рытывбыд кывсӧ меным оз сетлы, сӧмын и бугжыльтлӧ. А эсійӧ... кос катшаыс?
НИНА: Сійӧ Крыса. (Пырӧ Миш). Ой, Миша локтіс, мися порсь дорӧ бара крыса пӧвадитчӧма да (тірӧ-порӧ ваялӧ пызан вылӧ сёян).
МИША: (мыссис, пуксьӧ пызан сайӧ, тьӧщаыс сюся сы вылӧ видзӧдлӧ да бара). Мый, тьӧща, зятьыд сьӧд чужӧма? Ог ӧд преник лыддьы, трактор гӧгӧр бергала.
СЕМЁНОВНА: Со... бара люкыштіс... и видзӧдлыны сы вылӧ оз позь... (вешйӧ).
Пырӧ Вась.
ВАСЬ: Мый талун дыр?
МИША: Ме век тадзи вола-сёйны.
НИНА: Пыр тадзи волӧ.
ВАСЬ: Но петалам, Сойныд виччысьӧ. ,
МИША: Эн гора... Но инӧсь петалам. Ме ог дыр (петӧны).
НИНА: Кывлін? Санеыд пӧ виччысьӧ? Мый чуймин - Петыр Санеыс талы воча чой! Ойя жӧ нин да ойя!
СЕМЁНОВНА: Чӧв! Лун шӧра лунӧ сьвиданньӧ? Ог эскы! А мый он вӧтчыв на бӧрся?
НИНА: Вӧтчыв!? О-о! Ачыд жӧ шуин, ёна оз сёрнит, мыйкӧ кӧ не сы ног. Сідз видзӧдлас, мый тшӧкмунан... Коньӧр, ме коньӧр! Прӧста тані абу гижӧма.
СЕМЁНОВНА: Но, мыйкӧ дзикӧдз росклеитчин, нылӧ. Оз вермы лоны, мый... мый бычлы ковмас крыса. Картаад гусясьӧ, а ыжыдкӧд бычыд ӧти картаын олӧ да должен лӧсявны...
Пырӧ Панте.
ПАНТЕ: Чолӧм-здорово, суседъяс!
СЕМЁНОВНА: О, лешакӧ, тэд нӧ мый татысь ковмис?
ПАНТЕ: А, мися, праздник кузя оз-ӧ Нина Степановна кисьтышт...
СЕМЁНОВНА: Кутшӧм праздник тэныд лои? Горштӧ паськӧдлы ёнджыка...
ПАНТЕ: А некымын лун сайын на Армия да Плӧт лун вӧлі?
СЕМЁНОВНА: А тэ воюйтлін жӧ али мый?
ПАНТЕ: А гӧтыркӧд кымын во вермаси-ташкаси? Да меным уна оз и ков. Ур кудз мында кӧ кисьтад и...
НИНА: Уна-ӧ урыс кудзалӧ, Пантелей Иванович?
ПАНТЕ: Муртса ыджыд стӧкан! (Нина пырӧ пыдӧ) Библия али мый лыддяд?
СЕМЁНОВНА: Абу Библия, а зэв сюсь книга тайӧ, гижӧма тэнӧ и менӧ, став олӧмтӧ. Вот тэ кутшӧм воӧ чужлін, тӧдан он?
ПАНТЕ: Кыдзи ог? Войнаӧдз 9 во водз.
НИНА: Сідзкӧ, 1932, тэ ӧбеззяна.
ПАНТЕ: Ме ӧблезяна? Ме пьянник, ладнӧ, но абу ӧблезяна, сідз он жӧ сьмекайт...
СЕМЁНОВНА: ӧблезяна воӧ кӧ чужин, ӧблезяна нин. Ме тай со зьмей пӧ да ог лӧгась, терпита, коньӧр...
ПАНТЕ: Но... колӧкӧ да. А мый сэні менӧ гижӧмаӧсь... то есь ӧблезяна йылысь?
СЕМЁНОВНА: Сэк костті и тойӧссин?
НИНА: Со, ӧбеззяна зэв сибыд морт, век йӧз чукӧрын, пыдди пуктӧны ставныс.
ПАНТЕ: Сё збыль тай ме йылысь! Менӧ ставыс пуктӧны морт пыдди, кытчӧ ог пыр, сэні и кисьтыштасны ур кудз мында.
СЕМЁНОВНА: Энлы тэ аслад ур кудзнад, кывзы водзӧ.
НИНА: Быдторйӧн интересуйтчӧ, сюсь вежӧра... бур паметя...
ПАНТЕ: Вот сё дивӧ, ме тайӧ и эм!
НИНА: Ас олӧмас шуд абу...
ПАНТЕ: Да! ӧтчыд гӧтрасьлі, а нэм каитча, оз вунлы.
НИНА: Унджык ӧбеззянаыс шыш, кузь киаӧсь (повзьӧ). Но абу ставыс.
ПАНТЕ: Но абу ставныс! Да!
НИНА: Но ылӧдчӧны дзик ставныс!
ПАНТЕ: Но... коланінад и... лукавитлан...
НИНА: ӧбеззяналы оз позь сёйны яй!
ПАНТЕ: А ме ог и сёйлы яйтӧ, пенсияӧй ичӧт да оз шедлы.
НИНА: Оз лӧсяв сылы мырпом, арбуз...
ПАНТЕ: Вот ставсӧ збыль гижӧма да! Арбузтӧ ме мыйлакӧ ёна ог и варзайтлыв! Но тайӧ нигатӧ, дерт, ыджыд профессор гижис, ставыс збыль! Быттьӧ менӧ тӧдӧ!
НИНА: Оз позь ӧбеззяналы юны конняк, водка, чорыд гӧрд вина, позьӧ гежӧдика сур...
ПАНТЕ: Кутшӧм йӧй тайӧс сӧрӧма? Оз позь вина весиг юыштны? Мый нӧ сэсся, менам олӧмас порсьлы моз коли сӧмын гыжъясьны? Шыбит бергӧдлӧмӧн тайӧ лӧпсӧ, мед бур йӧзыс оз аддзывны! Но и суседъяс менам, стопка эськӧ эз нин кисьтны да ещӧ на и нимтісны (петӧ скӧрысь).
СЕМЁНОВНА: А муніс жӧ тай, мися, оз нин татысь ушумгайтлы-а. Ноко, видзӧдлы бурджыка ассьыд бычтӧ... (пырӧ Миша) мися, мися... петала лавкаӧ, колоши эм абу, а то дзикӧдз киссис (петӧ).
НИНА: Мый, договоритчыд помӧдз?
МИША: Да, ставыс лоӧ бур.
НИНА: Санеыд важ кодьыс на?
МИША: Сонеыд Соне и эм... А тэ кысь тӧдан?
НИНА: Абу ӧд пельтӧм, абу синтӧм!
МИША: И мый тэ шуан?
НИНА: Яндысьтӧм син! Кӧть эськӧ первой челядьтӧ быдтін! (бӧрддзӧ).
МИША: Но, кыдзкӧ-мыйкӧ быдтам... А тэ тай бӧрддзин? Мый лоин, Нина?
НИНА: Миянӧс Сане вылӧ вежан?
МИША: Да тэ видзӧдлы, кутшӧм сійӧ ыджыд, мича, уна рӧма... Час вая инӧсь татчӧ, (петӧ пасьтасьтӧг, Нина шайпаймунӧ).
НИНА: Татчӧ вайӧда? Менам гортӧ? А мый нӧ тайӧ сэсся лои? Коньӧрӧй ме, коньӧрӧй... Шудтӧмӧй ме, шудтӧмӧй (катласьӧмӧн лывкйӧдлӧ). Да кыдзи ме кута овны, Мишукӧй да сьӧлӧмшӧрӧй... (пырӧны Семёновна да Мишук).
МИШУК: Мам, Катерина Павловна висьмӧма да миян кык урок вӧлі сӧмын.
СЕМЁНОВНА: Да, везитіс жӧ нин тіянлы!
МИШУК: Мам, ме французскӧй урок вылын вензи велӧдысьыскӧд да, дерт, 2 пуктас.
НИНА: Велӧдысьыскӧд мый вензян?
Батьтӧ эн аддзыв?
МИШУК: Эг. А мый сійӧ шуӧ, французскӧйнад вӧлыд пӧ лоӧ швань! Ыджыд мам, вӧлыд ӧд абу швань?
СЕМЁНОВНА: Аминь, аминь, вӧлыд абу жӧ швань. А мӧскыс кыдзи на ног?
МИШУК: Мӧскыд ноӧ ваш.
СЕМЁНОВНА: О, абу на тай пранцузыд дзик йӧй. Мӧснад, майбыр, вашъяв да ов!
МИШУК: Мам, тэ тай юавнін, кыдзи французъяс ногыд ноӧ нюбов? Ме юані. Лямур!
НИНА: (яндысьӧ) Ме нюбов эг жӧ юась, мый тэ? (Зэв зіня вежсьӧ, пасьтанӧ мича пнаттьӧ).
МИШУК: Мам, ме мый висьтана. Миян каньыд ӧд Мурка? Мурка! Ми сійӧс ставӧн нюбитам? Любитам! Вай кутам сійӧс шуны Лямуркаӧн! Сы вӧсна, мый француз- скӧйнад пюбовыс ноӧ пямур!
СЕМЁНОВНА: Мишук, эн жӧ бара некодпы висьтав, мый мамыд нюбовъяс юасьӧ. Чай юсис, котӧрт ывпа вынӧ. (Мишук петӧ). Мый, Нина, тшапитчыны думыштін? Регыд идрасьны мунны.
НИНА: (восьтӧ книгасӧ) Со, мам, видзӧдлы... Бычӧ зэв ёна лӧсянӧ Крысакӧд, ставсӧ сыпы прӧститӧ... Шудаа онӧны кузь нэм чӧж. А со водзӧ... Бычӧ ньӧти оз пӧсяв Ыжкӧд, сёрӧн-бӧрӧн век жӧ торйӧдчӧны... (бӧрддзӧ ырӧстӧмӧн).
СЕМЁНОВНА: Аминь-аминь! Вот мисьтӧм чужӧмыд!
НИНА: А ӧні со петіс Мишӧ, вайӧда пӧ татчӧ Санесӧ! Сэсся ме коньӧр моз ротозей паськӧмӧн тані кута сулавны? Ог! И ме кута тшапитчыны да шпыннявны сылы чужӧмас! Вай вӧньсӧ зэлӧд... ёнджык, ёнджык, супоньӧс моз... Аттӧ, эз и сюр помадаӧй! И чужӧмӧй дон, пуд- раӧй абу...
СЕМЁНОВНА: А пачтӧ ӧні на мавтлін?
НИНА: Збыль ӧд... (мавтӧ пач дорын бандзибъяссӧ).
СЕМЁНОВНА: Роч акань кодь тэ, дитяй менам... но бычӧ (пэптынӧ кабырсӧ).
Воссьӧ ӧдзӧс, Вась да Миш пыртӧны зэв ыджыд телевизор, накӧд и Мишук.
МИШУК: Мам, миян телевизор “Сони” лои!
СЕМЁНОВНА: Бнаслӧ Кристос!
НИНА: Мый тайӧ?
МИША: Нина, эн скӧрав, диван вылад тай чукӧртім сьӧмтӧ, сэтчӧ содтам менсьым кык вося отпускнӧйтӧ да шедас! Микол донтӧмджыкысь сетӧ!
НИНА да СЕМЁНОВНА: (ӧтлаӧн) Сони?
МИША: Кӧсйи Март 8 нуи кежлӧ сюрприз вӧчны, а ті тӧдлӧмныд нин. Со и вайи талун. Асным окота видзӧдны уна рӧмасӧ. Терпенньӧӧй ӧдва жӧ нин тырмӧ вӧпі.
МИШУК: Папӧ, ёна жӧ ми тэнӧ нямуритам!
ПАНТЕ: (пырӧ) Мися, бур суседъяскӧд лоӧ тшӧтш пыравны, телевизортӧ кыскыны. Потомушто мыськавны колӧ, мед бура петкӧдлас.
ВАСЬ: Дерт, пожйыштны колӧ.
Семёновна да Нина чукӧртӧны пызан.
МИША: Но вай лэптам выль телевизор вӧсна!
ПАНТЕ:Мед дыр да мичаа петкӧдлас!
НИНА: Мый ыджда шог быри лов вылысь!
МИША: Тэ телевизор вӧсна жӧ вӧлі шогсян, Нинук?
НИНА: Дерт, телевизор вӧсна, мый вӧсна сэсся ме верма шогсьыны! (Кутлӧ Мишӧс).
СЕМЁНОВНА: Зятьӧ, сюра чӧрт! (Кутлӧ мӧдарсяньыс).
НИНА: Ставыс бур!
МИШУК: И ставлы лямур!
СТАВӦН: Праздникӧн, ёртъяс!
Нёбдін сикт.
Звезда. - 2000. - № 133. - 9 ноября. - С.3
