Перейти к разделу.
Панюков Александр Александрович
Родился в 1936 году в селе Макаркерос Корткеросского района Республики Коми. Окончил Кировский пединститут им. Ленина. После окончания института работал учителем истории, географии, биологии, химии. Был директором Керосской и Верхне - Лаборомской восьмилетних школ. Затем был переведён в аппарат РОНО. Заведовал районным методическим кабинетом и преподавал в Корткеросской средней школе, работал в центральной сберкассе. Много лет был внештатным корреспондентом районной газеты «Звезда».
Главным делом его жизни стало изучение истории родного коми края, жизни, быта и труда своих земляков, поиск, систематизация и сохранение реальных фактов, дат, событий. С 9 января 1989 года по апрель 2003 года Александр Александрович работал директором Корткеросского районного музея труда и быта (был его первым директором). За годы работы в музее А.А.Панюков проводил научно-исследовательскую работу по самым различным направлениям и темам: кустарные промыслы, история народного образования и здравоохранения, землеустройство в 1900 – 1914 годы, минеральные богатства бассейнов рек Вычегда, Локчим и Вишера, легенды коми края, биографии известных людей и многим другим.
Ещё более известен Александр Александрович в республике и в районе как публицист и автор художественных произведений. Он начал публиковаться с 1957 года. Им опубликованы статьи и очерки, рассказы и повести в Московских журналах «Начальная школа», «Школа и производство», «Рабоче-крестьянский корреспондент», «Деньги и кредит», на страницах районной газеты «Звезда» и в республиканских газетах и журналах: «Коми му», «Красное знамя», «Республика», «Йoлoга», «Войвыв кодзув». В том числе повести: «Рекрутo нуoны туй сувтiгoн», «Эжва йывсаяс», «Кoдзыд гожoм», «Керчомьяса бунт», «Тюрнинъяс», «Востым», «Малафей Яков Халаповлoн мыж» и другие. А.А.Панюков является также историком коми национальной литературы, автором статей о жизни и творчестве И. Куратова, В.Латкина, М.Лебедева, В. Савина, В.Чисталёва, А.Сухановой и других. В отдельных изданиях вышли: в 2000 году «Важкуваса Зимогоръяс», в 2002 году «М.Н.Лебедев: новое в творческой биографии» и «На земле Кoрт Айки», в 2006 году «Хранит былое старый дом». За годы своей работы объездил всю республику и не только её. В поисках материалов работал в архивах Вологды, Великого Устюга, Сыктывкара, музеях республики Коми, Кирова, Петрозаводска и Тюмени.
За свой труд Александр Александрович неоднократно был награждён Почётными грамотами РОНО, отдела культуры, администрации района, а также Почётной грамотой Президиума Коми обл. профсовета, Благодарственным письмом Главы РК за большой личный вклад в создание первого энциклопедического труда о Республике Коми – трёхтомной энциклопедии «Республика Коми» (2001 г.), Почётной грамотой Республики Коми (1995 г.). Сейчас Александр Александрович находится на заслуженном отдыхе, но продолжает заниматься любимым делом: изучением родного края, созданием произведений, основанных на документальных свидетельствах с целью сохранения их для будущих поколений.
Краевед, историк, публицист, писатель // Звезда. - 2006. – 22 августа
Ночка (висьт)
Кык лун сайын на Эжва кузя ветлöдлiсны теплоходъяс, мотора пыжъяс, а талун ю пасьталаыс кывтö наридз. Пöльтö войтöв. Керка стенмас зурасигас вöрöдö сы бокö öшöдöм зiб потшсö, тотшкöдö стенмас, быттьö чуксалö сэнi олысьясöс петавны ывлаас да видзöдлыны ю вывтi кывтысь йи пластъяс вылö. Тöвлöн увгöмыс, стен бердас зiблöн тотшкöдöмыс коставлö, и быд коставлiгöн Эжвалöн джуджыд кыр йылын сулалысь керкаöдз вайö выль пöлöс шыяс. Öти татшöм шы кыліс зэв гораа.
- Понлöн никсан сяма шыясыс, - шуис верöсыслы Светлана Васильевна.
Ань чеччис, кöмаліс гын сапöгсö, пельпомъяс вылас шлапкис ас киöн вурöм ыж ку пась, юр вылас - шоныд чышъян. Петіс ывлаас. Воськовтіс кыр йывланьыс да сувтіс. Эжва вомöныс пöльтысь кöдзыд тöлыс чепляліс ныр-вомсö, чужöмсö, пырис питшöгас. И сэки жö ас весьтланьысь кыліс понлысь жугыля никсöмсö. Косіс керка дорас. Таркнитіс öшиняс да чукöстіс верöссö.
Владимир Анатольевич пасьтасьöма нин да сулалöма öшинь дорас. Пыр и петіс. Эжваладорсянь пöльтысь тöв нырыс вайис ловъя ловлысь кевмысян шысö.
- Понпи никсö, - шуис Светланалы верöсыс. - Гашкö, синтöм кутюяссö кодкö шыбитöма Эжваас. Йи вылас, гашкö, кавшасьöмаöсь...
Владимир Анатольевич пыраліс керкаас, босьтіс электрическöй пöнар, кузь гöленя резина сапöг да кузь воропа багыр. Светлана Васильевна гöгöрвоис верöсыслысь мöвпсö, босьтіс пес чипас дорын сулалысь кöрт зыр.
Кöрткерöс сиктлöн асыв-войладорса кырйыс зэв джуджыд - пöшти сувтса. Веськыда восьлалöмöн юланьыс лэччыны он вермы. Медводдза воськовсö вöчигöн и джöмдан да тупыльтчан ю нöрысöдзыс, му пытшсьыс тыдовтчöм зэв ыджыд изйöдзыс. Гозъя лэччисны бок ногöн тувччалігтыр. Владимир Анатольевич багыр вылö, а Светлана Васильевна зыр вылö мыджсьöмöн.
Эжва берег дорсö сыв кык пасьта кымын дорöма нин йиöн. Ю вывтіыс кывтысь йи пластъясыс öта-мöд бердас инмалігтыр тшукöдчылöны берегдорса йиас. Гоз-мöд пласт крукасьöмаöсь. Понпилöн шога никсöмыс кыліс дзик нин орччöн. Владимир Анатольевич сувтчис берегдорса йи вылас, öзтіс пöнарсö да би югöрсö новлöдліс öтарö-мöдарö. Öти йи пласт вылын би югöр улас тыдовтчис ичöтик сьöд ёкмыль.
- Понпи! Синтöм кутю! Гöныс ставыс йизьöма, би улас югъялö, - шуаліс Владимир Анатольевич да содтіс: «Йиыс оз кут, гын сапöгöй кöтасис».
И сэки Светлана Васильевналы дум вылас усис И.С. Тургеневлöн «Му-му» висьтыс, мыйöн тöдмасьліс Пезмöгса школаын велöдчигöн на, а сэсся унаысь лыддьывліс юрсиктса челядьлöн библиотекаын уджалігöн. Сэки барынялöн тшöктöм серти Герасим лэччöдіс ичöтик понписö ю дорö. Пуксис пыжö, петіс ю шöрас да ловъя пемöссö вöйтіс джуджыд йирас. Светлана Васильевналöн лыддьöм бöрас синъясыс вазьылісны, доймыліс сьöлöмыс. Верöсыс радейтіс жö понъястö. Унаысь сійö лыддьывліс Мамин-Сибиряклысь «Студённой юдорса керка» висьт. Сэні висьтавсис, кыдзи пöрысь Елеська овлöма Петук да Музгарко нима понъяскöд ылі вöръяс пытшкö дзебсьöм ичöтик керкаын. Ёна и жалитлöма пемöсъяссö, а кор кулöма Музгаркоыс, шогысла бöрдöма.
Гозъя бура гöгöрвоисны öта-мöднысö. Владимир Анатольевич кайис ю нöрысас, пуксис из вылас. Пöрччис кöтасьöм гын сапöгсö, кöмаліс кузь гöленя резина сапöг, босьтіс батыр. Берегдорса йи пластсö жуглігтыр восьлаліс йи пластланьыс. Багырнас крукаліс сійöс, кыскис ас дорöдзыс. Босьтіс йи вывсьыс никсысь понписö да сюйис морöс бердас пась улас.
Понпилы колö шоныдін да пöтöса сёян. Гозъя паччöр вылö пуктісны картон кöрöб, вольсалісны ыж ку пасьтор. Сулеяö кисьтісны шоныд йöв да нёньöдісны сыысь. Войын сюрöм пемöссö нимтісны Ночкаöн.
Быдмис Ночка. Лои зэв шань да мича понйöн. Олö горт дінас. Ме тшöкыда кежавлывла Эжвалöн кыр йылö. Сэні сулалысь керка дорö воигöн меным паныд петö смоль сьöд гöна, еджыд морöса да сэтшöм жö лапаяса пон. Бöжсö легöдігтыр мунö ме бöрся Эжва нöрысын куйлысь ыджыд из дорöдз. Ме пукся из вылас, а Ночка водö кок дорö. Кынанным видзöдам Эжва вылас. Сылы ме висьтала «Студённöй юдорса керкаын» висьтысь Музгарко пон йылысь, казьтышта арся кöдзыд войö сійöс мездöм, а сідзжö сійöс видзысь шань да бур сьöлöма гозъя Светлана да Владимир Кирушевъяс йылысь. Ночка сюся кывзö менö, еджыд гöна лапаяссö сетö меным киö, быттьö шуö, мый сійö зэв бура гöгöрвоö менсьым висьталöмöс, сюркнялö пельяс саяс и кöсйö висьтавны тайö лоöмтор йывсьыс аслас пияныслы, кодъясöс регыд чужтас.
Войвыв кодзув.-2009.-№7.- С. 16-80.
Звезда. -2009.-21 апр.- С.3.
Совла ветлöм (очерк)
Важ йöзлöн висьталöм серти и лои воыс: уна лымъя да турöбъяса тöв бöрын му кушмöмсяньыс пöльтiсны ыркыд тöвъяс, усис зэр сора лым. Васöд, ыркыд поводдя вöсна нюжалiс гöра-кöдза, шондöдiс сöмын Вöзнесенньö бöрын. Сы вöсна жö дыр эз артмы Ерем Öстап Артип Вась Педöр пиянлöн Усольеö совла мунöмыс. Сöмын шондöдöм бöрас Öньö, Ярö, Иван, Як да Тима вокъяс кутiсны дасьтысьны туйö. Чорыд сера дöраысь вурöм нопъясö тэчисны косьтöм нянь, ид пызь, зöр шыдöс, сэсся ставсö сюялiсны ыджыд пестеръясö да вевта чуманъясö. Ичöтик туисö пуктiсны тöпитöм мöс вый. Дöратор кöртöдъясö гартыштiсны мунöм вылö видъяс -проходнöй свидетельство. Кöртöдъяссö сюйисны кучикысь вурöм ичöтик вотлукъясö да бара на топыда кöрталiсны, медым, весиг ваö кö веськавласны, документъясыс оз кöтасьны. Дасьтiсны пыж, пелыс-öпаснöйяс. Содтöд на кык лопта пелысъяс босьтiсны. Бöжавны кутас Öньö, вокъяс пиысь медся ыджыдыс, отставкаын салдат. А сынны — вежласьöмöн: кыкöн сынöны, кыкöн шойччöны.
Петiсны туйö Трöича лунö. Войясыс югыдöсь - позьö лун и вой кывтны-катны, кыснанöн чери кыйны. Сувтлöны сöмын бипур öзтывны, пуны пызя либö зöр шыдöса рок да пузьöдлыны чай... И бара водзö.
Эжва абу на ёна ямöма: öдйö визувтö, муткыртö, джуджыд йиръясын семдöмöн бергалö. Сöмын и виччысь, мед ю пыдöсас пыжнад оз сюй ли берегас оз швачкы.
Войясыс кöть и ыркыдöсь на, но сынысьяслöн пöсьныс шорöн визувтö чужöм вывтiныс, кöтöдö шаоуръяссö. Кор нин пыдзыртмöн кöтасясны, сынысьяс вежсьöны, водöны шойччыны пыжас вольсалöм идзас вылö.
Канавасянь кывтiсны ва ньылыд. Лун Кöтйöм горув юыс ачыс кылöдiс пыжсö, сынны эз ков, сöмын вежласьöмöн бöжалiсны.
Сов заводö воисны рытъявылыс нин. Пыжсö лэптiсны берегö да кымыньтiсны мукöд пыжъяскöд орччöн. Пышйöдöмысь эз повны: берег дорсö кытшалiс ёсьтöм пöвъясысь вартöм, ваöдзыс лэччысь потшöс. Ю нöрысас решёткаа кык öшиня керка, орччöн визя сюръя. Сэнi сулалö кокардаа шапкаа, бокас шашкаа да револьвера страж. Быд пыж вылын торъя, ас лас лыдпас. Артип Вась Педöр вокъяс матыстчисны визя сюръя дорас, петкöдлiсны документъяссö стражниклы да пырисны керкаас, мынтiсны пыжсö видзöмысь сьöм. Казённöй паськöма, югыд кизьяса чиновниккöд ветлiсны пыж дорас, клеитiсны асланыс пыж вылö лыдпаса бумага.
- Ньöбöм совнад пыраланныд жö, пошлина мынтанныд, - велöдiс Педöрлысь пиянсö казеннöй паськöма мортыд. - Сiдзкö, став сьöмтö сов вылад энö видзöй...
* * *
Усольеö сов ньöбны локтысьясöс овмöдлiсны канторасяньыс неылын сулалысь ичöтик öшиньяса ляпкыдик баракö. Быд жырйын вöлi пызан, лабич, узьлан наръяс. Рыт-войнас жырсö югзьöдлiс карасина лампа. Барак öтар помас, торъя жырйын, пусян пач. Пыранiнас, торъя жырйын жö, ыджыд самöвар. Барак бöрся видзöдысьыс, Варыш Микул, пузьöдлiс чай васö быд рыт-асыв. Олöмсьыс мынтылiсны квайт да джын урöн лун да нöшта öти урöн пöсь ваöн могмöдöмысь.
Варыш Микул - ыджыд тушаа-тэчаса, гырнич ыджда кабыра, зыр кодь паськыд тошка ар нелямына мужичöй. Совла локтысьяс аддзылiсны нин сiйöс кантора дорсьыс: пукалiс öдзöсдорса лабич вылын, сюся видзöдiс быд пырысь вылö. Колö кö, сувтöдлiс да вöтлывлiс бöр. Кодi эз кывзысьлы, шошаöдыс тойлавлiс ывлаö либö нуöдлiс сов заводбердса полицейскöй участокö.
- Луннас ме кантораын, рыт-войнас да асывнас баракын, - шуалiс совла локтысьяслы Варыш Микул. - Его благородиеясöс лёк йöзысь видза. Быдсямаыс öд волывлöны. Солыд сiйö зэв дона вузöс, ньöбысьыс уна жö... Полиция менö таысь ошкö, а канторасаяс мыччöны штоп. И сёя - луннас дас пунт нянь оз тырмы. Ыж туша джынйöдз сёйлывлi öтпырысьöн. Яйсö сов ньöбысьяс жö вайöны... Торйöн нин черемисъяс да татара...
Барак видзысь Варыш Микул вокъяслы узянiнсö индiс аскöдыс орчча жырйö, карасина дзузган пыдди öзтiс сись.
- Тi, гашкö, карасиннас онö и кужöй вöдитчыны да бараксö соттаныд, - посйысис сiйö.
- Кужам жö эськö да, - ас кежаныс шуасисны Артип Вась Педöр вокъяс, но Варыш Микуллы, мед нин оз дöзмы, паныд эз мунны.
Сiйö öд паныд шуысьтö регыд велöдас. Кольöм во пö тай öти мыйкö паныд шуöма, а Варыш Микулыд босьтöма дядьöтö шошаöдыс, лэптыштлöма пöтöлöкöдзыс да стен бердас ляскöма. Мöдыс пыр и öвсьöма.
Та вöсна вокъяс олiсны чöв, водалiсны лöня.
- Аски сов ньöбам, пошлина мынтам и гортö, - водiгмозыс вокъясыслы индöд сетiс Артип Вась Педöр Оньö. - Бура шойччöй, совтö мешöкъясöн ковмас пыжöдз лэччöдлыны, а сэсся — кузь туй...
Лун шöр бöрын кыпалöм тöв рытланьыс нöшта на ёнмис. Енэжсö вевттисны сьöд кымöръяс. Тöв шутьлялiс, увгис, таркöдiс öшиньясö. Асъявылыс нин тöв увгöм шы дiнö содiс горзöм-ёрччöм, пинясьöм. Кодъяскö грыма-йирка ветлöдлiсны барак кузя, таркöдiсны жыр öдзöсъясö.
- Открывайте, полиция!
Вокъяс садьмисны, чеччалiсы наръяс вывсьыс, öзтiсны сись. Кор вештiсны пыранiн пыкысь зорсö, мöдарладорсяньыс кодкö чорыда тойтыштiс öдзöссö. Öдзöсыс дзуртыштiс, ратшмунi, чеччыштiс дзиръяс вывсьыс да крапкысис-усис джоджас
- Полиция, жандармерия! Всем предъявить виды! - лёк гöлöсöн горзiс кокардаа шапкаа чиновник. - Кто тут у вас старшой?
- Ми пять душ-лов, Ваше Благородие! - вочавидзис Педöр Öньö.— Родные братья Панюковы. Совла... За солем на лодке приекали. Вот наши виды.
Жандарм пуксис пызан сайö, пасъялiс ним-овъяснысö быдöнöс ас дорас корлöмöн...
- Зыряне! Всем оставаться в бараке! В контору и соляной склад не ходить! Когда можно будет, смотритель барака оповестит...
Та бöрын, дерт, эз нин узьсьы. Ломтiсны пач, да кор баракын шыясыс лöнисны, Педöр Öньö босьтiс туис да петалiс пöсь вала.
- Öне, эн юав Варыш Микулыслысь, мый лоöма?
- Войнас канторасьыс сьöм тыра кöрт ящик по гусялöмаöсь. Канторасö öзтöмаöсь, стöрöжсö виöмаöсь. Лун вит-квайт пö танi миянлы ковмас овны, - ышловзис Педöр Öньö.
Петыр лун бöрын Макар-Керöс весьтö сувтiс сов тыра пыж. Ректiсны ыджыд пестеръяс, туисъяс да чуманъяс, катлiсны нöрыс вылас сулалысь вуж доддьö. Вокъяс пиысь медтомыс, Педöр Тима, кодлöн керкаыс вöлi Эжвасянь медся матын, ветлiс вöвла.
Локтан гожöмнас вокъяс бара на кывтлiсны Усольеöдз. Варыш Микулöс абу нин аддзылöмаöсь. Виöмаöсь пö морттö, мешöкö сюйöмаöсь да юас шыбитöмаöсь. Водзöс пö косöдöмаöсь лекалöмсьыс.
Бöрыннас Панюков вокъяс совла мунны лöсьöдчысьясöс быд пöрйö велöдлiсны нин:
- Туй вылад сюсьджыкöн лоöй. Лёк йöз ветлöны. Совтö на мырддьыны вермасны, непöштö сьöмтö...
Войвыв кодзув. – 2009. - № 9. – С.76-78.
отдельные издания:
Важкуваса Зимогоръяс (PDF); (3D)
На земле Кoрт Айки (PDF); (3D)
Хранит былое старый дом (PDF); (3D)
Холопов Малафей (PDF); (3D)
Вологодская Печора (PDF); (3D)
