Туруна видз вывтi муна
Дзоридз чукöр вотi уна.
Купальнича-катшасин,
Кöнi менам чужанiн?
Сöстöм сынöд пожöмъяг
Козъя-пувъя верöтя.
Зарни рöма мырпом нюр,
Муса коми му.
Ёль пöлöн сук вöрöд муна
Тшакъяс вотi уна бура,
Ельдöг-ягсер пестерын,
Кöнi менам чужанiн?
Коляозъя козъя вöр,
Исергаа кыддза рас,
Вердысь удысь Эжва ю
Муса коми му. |
Коми аньяс
Мусаöсь мем мелi
Авъя коми аньяс,
Олöманас налöн
Тшупöдъясыс шаньöсь,
Сöстöмöсь да ельса ва кодь
сöдзöсь
Шоныдöсь да гожся лун кодь
пöсьöсь.
Татшöм аньлöн керка
Зумыд верöс киын
Öшинь улыс маöн öвтысь
дзоридз пиынэ
Керка пытшкöс майбыр
Абу бара дурк,
Идралöма сöстöм
Гöгöр дзим да дзурк.
Пызан сайын челядь
Пукалöны шаньöсь
Кывзысьöны, пыдди пуктöны
бать-мамöс.
Лудын йирсьö сюрук,
Эм и посни скöт
Сiдзкö пызан вылысь
Оз быр яй-вый-нöк.
Ныртö кöрö пачысь петöм
Пöсь нянь дук.
Аньлöн радлö сьöлöм,
Олöм лада тшук |
