Перейти к разделу.

Шиликова Зоя Васильевна
(1940 - 2013 гг.)


Шиликова З.В.Родилась в 1940 году в селе Сторожевск Корткеросского района Республики Коми. После окончания Коми пединститута работала в школе, учила детей любить и изучать свой родной язык. Заслуженный учитель Республики Коми, руководила клубом юных поэтов «Би кинь». Печатается с 1960 года. Писала стихи на коми языке, темы самые разнообразные.

Её стихи включены в различные учебники коми языка для учащихся 6-8 классов, для начальных классов, в методические пособия для детских садов, для школ, Стихи печатались и продолжают печататься в журналах «Арт», «Войвыв кодзув», «Би кинь», в газетах «Йöлöга», «Коми му», «Звезда». Включены в поэтические сборники самодеятельных авторов Корткеросского района: «Сьöлöм кудйысь» (1996 г.), «Край родной, ты дорог мне», «Исерга», «Видза олан, коми кыв», «Родничок» - эколого-краеведческий сборник. В 2010 году вышел сборник стихотворений «Килля – лыска пуяса чужанін» («Лесная родина моя»). Является автором слов Гимна Корткеросского района. Умерла в 2013 году.

"Чужан кывйыс сьöлöмсö бурмöдö" // Коми му. - № 100. - 2010. - 6 июля. - Пер. загл: Родной язык сердце радует

"Кöрткерос районса му": Гимн Корткеросского района

 

 

Кöрткерос районса му

Кöрткерöсса видзъяс, муяс,
Килля-лыска пашкар пуяс,
Варов-визув ёльяс, юяс,
Чукля-веськыд ордым-туйяс –
Тайö миян чужан му.

Осипов да Виктор Савин –
Кодзувъяс, ми тöдам ставöн.
Аддзис унаöс бур слава.
Казьтылöны сiйöс явö,
Нимöдö код чужан му.

Зiля уджалöй, ныв-пиян,
Шудсö тэчöй кужан киöн,
Сьöлöмныд мед öзйö биöн…
Кöрткерöс – юрсиктын миян,
Коми муным – чужан му.

(Из книги З. Шиликовой   Килля-лыска пуяса чужанін : Кывбуръяс. – Сыктывкар, 2010. – С. 8. – Пер. загл.:  Лесная родина моя)

Тöвся кыдзьяс

Войтöв эзысьтiс вугралысь кыдзьясöс,
Вöчис пуяссö чуймöдан мичаöн.
Шензя, вермасяд тöлыскöд кыдзи нö,
Йиа кöдзыдыс дыркодь оз личав öд.

Еджыд чöв-лöньын кыдзьясыс узьöны,
Найöс гартöма прöшвиа гыöрöн.
Тöлыд войвылад нюжалас кузя на:
Кыдзьяс лым сырйысь кöсаяс кыöны.

Венеч улö тi лöсьöдчад быттьöкö
Ковмас, öнi жö вичкоö мунанныд.
Кыдзьяс, гажöдад менсьым тi жытник дор.
Дивö-мичлунсö некор не вунöдны.

 

(Родничок : Эколого-краеведческий сборник. Вып. 7-д (дополнительный). – Корткерос, 2003. - С.114.)

Ой, олöм, коть кутшöм тэ, олöм...

Ой, олом, коть кутшом тэ, олом,
Пыр меным ёна жö муса,
Кор асывнас гöрд бана шондi
Чуксалö-садьмöдö мусö.
Кор жар луныс пöжöмöн шонтö
Став ловсö, вöрсö и юсö,
Кор сöдз рытö алöйгöрд кыа,
Мичаа пöртмасиг, кусö.
Кор шондiыс саялö лöня,
Шымыртö войыс вöр-пусö.
Ой, олöм, кöть кутшöм тэ, олöм,
Меным тэ дона да муса.

(Из книги З. Шиликовой   Килля-лыска пуяса чужанін : Кывбуръяс. – Сыктывкар, 2010. – С. 11. – Пер. загл.:  Лесная родина моя)

Öввö, öввö

Лэччö шондi вöртас сайö,
Мича вöтъяс войыс вайö.
Чачаяслöн локтö унмыс.
Дона пиук миян, унмовсь.
Öввö, öввö,
Пиук узь.
Муса шöвктуг,
Зарни тусь.
Кодзувъяслöн садьмöм бöрын
Петiс тöлысь енэж шöрö.
Локтiс шоныд гожся войыс
Шондi югöрсö оз кояв.
Öввö, öввö,
Пиук узь.
Гожся войыд
Абу кузь.
Небыд ошпи важöн узьö,
Каньпи нюжöдчöма кузя.
Синсö кунис мудзöм акань,
Дзолюк миян, узь тшöтш накöд.
Öввö, öввö,
Синтö кунь.
Шондiыскöд
Мунiс лун.

 

(Из книги З. Шиликовой   Килля-лыска пуяса чужанін : Кывбуръяс. – Сыктывкар, 2010. – С. 70. – Пер. загл.:  Лесная родина моя)

 

Виктор Савинлы

Коми мулöн югыд кодзув,
Нёбдiнсалöн зарни пи,
Ылöдз нималан пыр водзö,
Сявкъян гижöдъяслысь би.

Вöлi енбиыд зэв ыджыд,
Сöмын лöг кутöмыд эм,
Бырöдiсны мыжтöм мыжысь,
Вынöн дженьдöдiсны нэм.

Куйлан кöнкö ылi муын,
Гортад бöрсö эн и во.
Тöдмавтöм на, кöнi гуыд:
Сус пу дорад он тай вод.

Сьылысь-гижысь Виктор Савин,
Помтöг сьöлöмъясын ов.
Прöстит, ошкам öнi ставöн,
Казьтылам кор Тэнсьыд лов!

 

Из книги З. Шиликовой   Килля-лыска пуяса чужанін : Кывбуръяс. – Сыктывкар, 2010. -  С. 35.

 

 

 
 
Корткеросская Центральная библиотека им. М.Н. Лебедева. 2014 год.
Республика Коми, Корткеросский район, с. Корткерос, ул. Советская дом 187, lebedevlib@mail,ru
8(82136) 9-24-80. 9-98-16.