Чужан сикт
Дзоридзав жö Ыджыдвидзöй,
Еджыд льöм дзоридзъясöн,
Водзö кыпав, чужан сиктöй,
Нималана йöзъясöн.
Озыр жö нин миян сиктным
Гудöкасьысь-сьылысьöн,
Нимкодясьö Ыджыдвидзным
Кывбур-висьтъяс гижысьöн.
Гижö ассьыс Семö каньöс,
Кывбур тэчысь Петыр Саньö.
Джиян Геня ворсö-сьылö,
Сюмöдысь пестеръяс кыö.
Гудöкöн со ворсны дась,
Шмоньяс гижысь кино Вась.
Ок и йöктö жö нин мича,
Зулöб грездысь Бурдин Миша.
Макарсиктын чужлöм морт,
Пьеса гижысь Попов ерт.
Быдöн тöдö Öлексейтö,
Коми гижысь – драматургтö.
Чужан сиктöй, Ыджыдвидзöй,
Дзоридзав на дыр.
Гижысь-сьылысьясöн водзö,
Медым сöвман пыр. |
Челядьдыр
Сьöлöм вылад долыд, кыпыд,
Казьтылан кор челядьдыр.
Гажа жö нин чужан сиктыд.
Пыр мед вöлiн шудöн тыр.
Челядьдыр некор ог вунöд,
Гажа овлiм гожöмын.
Чужан сиктса ныаёртъяскöд
Тшак-вотöс вотлiм вöрын.
Кутшöм гажа нöрыс йылын,
Быд рыт «лаптаысь» ворслiм.
Шойччан лунö школа дорын
Мач кокъясöн чужъявлiм.
Öнi асьным версттьö йöз нин,
Коли сöмын казьтывны,
Челядьясным быдмисны нин,
Найö нин со оз ворсны.
Уна нывъерт олö карын,
Меным муса Ыджыдвидз,
Тöв-тулысын, гожöм-арын,
Быд кад сылöн аслас мич. |
Победа лун
Война кусöсяньыд коли
Квайтымын куим нин во.
Кымын том зон юрсö пуктіс,
Сиктö бöрсö сэк эз во.
Пеж врагтöд батьясным тышын,
Уна кисьтісны и вир.
Нывбаба уджаліс тылын,
Чужöм тыр лои чукыр.
Миян батьным тшöтш тышкасис,
Враглы сійö эз сетчи,
Öтар коксö кöть и воштіс,
Бöрланьö эз бöрыньтчи.
Война кусöм бöрад мамкöд,
Квайт ныв – пиöс быдтісны.
Медым бур вöлі Миянкöд
Кувтöдзныс пыр кевмисны.
Дас куим во нин со лоö,
Батьным абу миянкöд.
Сизимöд во нин тшöтш мамö,
Öтлаын куйлö сыкöд.
Некор ми огö вунöдöй
Мам – батьнымлысь бурлунсö.
На пыдди ми казьтыламöй
Война кусöмлысь лунсö. |
Родилась 29 мая 1956 года в селе Большелуг Корткеросского района Республики Коми. Закончила Сыктывкарское педучилище, дошкольное отделение по профессии воспитатель. Работает специалистом срочной социальной помощи ГУ РК «Центр социального обслуживания населения». 