Вöрса
олысь
|
Вöрса,
рочöн кö, «леший».
Вöрсаöн пыр шулiсны
кöзяин ловöс,
кодi вöрын вöлi
ыджыднас и педкöдчылiс уна
ногöн. Öтияслы – тöвнырöн, мöдъяслы –
дзик морт кодьöн, сöмын син
лысъясыс абуöсь да
синкымтöм, öткымынъяс
аддзылöмаöсь зэв ыджыд
тушаа мортöс.
Вöрса вермис лоны
и тыдавтöмöн, а
мукöддырйи сылöн эз
вöв вуджöрыс.
Уна кыйсьысь – вöралысь чайтлiсны
вöрсаöс ошкöн. Йöз эскисны, мый вöрса
вöчö лёк налы, кодъяс кужтöг
ветлöдлöны
вöрын, матькöны. Сэки
вöрсаыд дöзмö.
Ёна важöн йöзыд
зэв шаньöсь вöлöмаöсь, абу матькылöмаöсь да
сöткылöмасöь
öнiя моз. Но öтчыд
öти кыйсьысь зэв
ёна скöрмöма да
чорыда сöткыштöма,
кöть эськö бöрас
бипур дорын пукалiгöн ёна
жö и каитчöма таысь. Рытнас, водтöдзыс,
тайö лёк кывсö
шуöмысь Ен сьыланкывъяс сьылас, Енлысь прöща
корас. И кыськö виччысьтöг воасны
югыд кизяяс: морт кодьöсь, но
абу мортъяс, ки-кокаöсь жö-а. öтиыс на
пиысь шуас – кыскы пö
кокöдыс. «Ог вермы, киöс сотö»,- шуö мöдыс.
Дыр ноксьöмаöсь кизяясыд, но кыскыны
кыйсьысьтö абу и
вермöмаöсь. А
сэсся мунöмаöсь.
Öдя вежань шуö:
тайö пö вöрсаясыд волiсны
нуны сöткöм –
матькöмсьыд. Да эз вермыны
сы вöсна, мый
кыйсьысьыд удитöма Ен
сьыланкывъяс сьывны. Унаöн чайтлiсны, мый вöрса
гусявлö налысь вöв – мöссö, кодъяс ас
кежсьыс йирöдчöны вöрса
турунаинъясын. Вошан кö,
тшöтш жö шулiсны
вöрса вылö. Вöр керкаö пыртöдз быть
колö вöзйысьны,
мед вöрсаыд войнас
оз повзьöд.
Öтчыд тадзи и
лоöма. Каясны арнас кыйсьысьяс
вöравны да узьмöдчасны йöзлöн вöр
керкаö. А керкаас
пыртöдз оз вöзйысьны. Водöмаöсь узьны
да налы кутас
шы кывны, быттьö джодж
кузяыс порсь ветлöдлö да
руксö. Дядьöясыд
садьтöг
повзьöмаöсь,
чеччöмаöсь, дзузган би
öзтöмаöсь.
Видзöдласны
гöгöр – некöн
некод абу. Пукыштасны, сёйыштасны да
бара водасны. Сöмын
на унмыс кутас
личкыны, и бара порсь
руксöм кылö. Бырс
чеччыштасны повзьöмысла.
«Мыйкö, буракö, эгö
сiдз вöчöй» -
шуöны кыйсьысьясыд. И
дум вылас налы
усьöны Ен сьыланкывъяс. Сэсся петасны
ывлаö, кытшовтасны
керка гöгöр,
вöзйысясны узьны. Пырасны,
водасны да вöлисти бура
унмовсясны. Оз
радейт вöрса, кор кöзяинъяс ассьыныс
понсö видöны,
ыстöны лешöй дорö. Со мый
вермас лоны: Öдя вежаньлöн пöльыс
вöлöма зэв бур
кыйсьысь. Каясны öтчыд
понйыскöд вöравны.
Кыкнанныс ёна мудзасны, поводдяыс лёк
вöлöма да.
Нöшта и понйыс
тайö лунö абу прамöя
увтчöма. Скöрмöма
пöль сы вылö,
ёртчыштöмöн
кытчöкö ылö
ыстöма понтö. Здук абу
кольöма, гым-чард
быттьö шувгас-волас.
Коньöр понлысь кöзяин
сöмын тюв-тяв и
кылыштöма. Сы бöрын
пемöс
кытчöкö вошöма.
Куим лун сэсся
понйыс абу волöма, а кор
локтöма, кöзяиныс
весиг повзьöма понсö
аддзöм бöрын: гöныс
бонзьöма-вольмöма, быттьö тупльöдлöмаöсь няйт
ва пытшкын да
косьтöмаöсь. Пон
локтöма да оз
лысьт кöзяин дорас
матыстчыны - полö. Тайö
лоöмтор бöрас пöльö некор
нин абу видчылöма пон
вылас (дерт жö,
кöнкö, ачыс
вöрсаыс понсö новлöдлiс). |
|
Рисунок Подоровой
Людмилы Евгеньевны |
Евдокия Андреевна Михайловалöн
казьтылöмъяс,
гижис Анна Михайлова
Леший.
Лешим называли хозяина леса, который мог
предстать в разном облике. Одним - как ветер, другим – в облике человека,
только без бровей и ресниц. Некоторые видели великана. Он мог быть невидимым, у
него нет тени. Многие принимали его за медведя.
Люди
считали, что леший сердится на тех, кто не бережет лес, ругается в лесу.
Давным-давно люди были добрее и лучше, никто не ругался матом. Но вот один
охотник осерчал и сказал крепкое слово. Потом каялся, просил прощения у бога. Вдруг откуда-то появились
оборотни, с руками-ногами, но не люди.
Хотели утащить охотника, но не смогли, ушли обратно. Охотник раньше успел
молитву прочитать, вот и не утащили его оборотни.
Люди считали, что леший крадет их лошадей и
коров, которые паслись возле леса. Если
человек потеряется в лесу, тоже обвиняли лешего.
Перед тем, как зайти в лесную избушку, люди
просили, чтоб леший их не беспокоил ночью. Один раз охотники решили заночевать
в лесной избушке, а разрешения у лешего
забыли спросить. И вот им ночью кажется, будто по полу бегает кабан и
хрюкает. Охотники испугались, вскочили, зажгли лучину – никого нет. Только
легли, опять мерещится. Подумали, что что-то они не так сделали. Вспомнили
молитвы. Вышли на улицу, обошли дом, попросились у лешего на ночлег. Зашли,
легли и спокойно спали до утра.
Леший не любил, когда хозяева ругали своих
собак, отсылая их к лешему. Один охотник со своей собакой пошел поохотиться.
Погода была плохая, оба устали, да и собака плохо брала след. Охотник,
разозлившись, послал ее куда подальше. Вдруг начнется гроза, и собака
исчезнет. Она появилась только через три
дня: измученная, грязная. Боялась подойти к хозяину. После этого случая старый
охотник никогда не ругал собаку.
Из
воспомининий Михайловой Евдокии Андреевны
Записала
Михайлова Анна.
|
|
|
