Лымва
Иван
|
Олiсны-вылiсны öсип
Петыр гозъя. Налöн вöлi кык пи
да öти ныв. Медыджыд писö
шуисны Иванöн, дзöля писö
Степанöн. Иван да Степан
1845-öд воö арнас
кайисны чери кыбны. Иванлы зэв
ёна сьöлöм вылас
воис Лымва ю бокысь гöристöй места, Одыбсянь лоö
ветымын верст сайын.
Кор найо бöр
воисны чери кыбанiнысь, Иван батьыслы
шуис: «Ме гöтрася да
кая овны Лымва
ю бокö, кытысь аддзи
зэв мича места». Иван
мöд вонас,
1846-öд воö гöтрасис да
кайис овны Лымва ю
бокö, гажа местаö.
Сылöн вöлi куим
пи да кык
ныв. Öти писö шуисны
Лымва Иван öньööн, мöдсö – Лымва Иван
Степанöн, коймöдсö – Лымва Иван
Кирööн. Кутiсны
овны зэв бура. Нянь
вöлi бура воö,
пöткаяс, зверъяс да чери
ёна вöлi кыйö. Лымва Иван
вöлi зэв ён
мортöн, багатырöн. Коркö Лымва
Иван пыжöн каяс
Висер вомöдз чери
кыбны. А Висер вичко
дорын вöлi сулалö
Тюрö Митрей, кодi первойöн овмöдчылöма Висер
вичко дорас. И Тюрö
Митрей аддзас, мый войнас
Одыб ю кузя
катö чери кыйысь кыбöда
биöн. Митрей пыжö пуксяс
да заводитас суöдны
Лымва Иванöс сы
вöсна, мый сiйö кыбö
чери йöз юын. Но
Лымва Иванöс Тюрö
Митрей оз су. Иван
гортас воас югыдысь
войдöр. А Тюрö Митрей
воас Иван ордö
кöкъямыс час асылын
и кутаскы споруйтны. Лымва Иван
дöзмас да шуö: «Улын Лымва
ю кузя, куим километра
гортсянь, менам эм мельнича. Мельнича дорын
эм из. Изсö кö
верман вайны менам
öшинь улö, сэки ме
лоа тэныд медбур
другöн и ньöтчыд ог
волы тэнад юö
чери кыйны». Кыкöн лэччасны
мельнича дорö. Тюрö Митрей
заводитö кыпöдны из. Но
из пидзöсöдзыс кындзи
эз кыпты. И сiйö
эновтчас. А Лымва Иван
дöзмас, изсö пельпом
вылас босьтас да
некутшöм
шойччывтöг
катöдас öшинь улас
да ляскас муас. Из
вöйö муас джынйöдзыс. Изйыс вöлi
комын пудъя кымын. И
та бöрын Тюрö
Митрей повзяс Лымва
Иванысь да шуас: «Ме
тэнö суöдi вины, но
эг су. Öнi ме тэныд
лоа дзоля вокöн». И Митрей
бöр лэччас гортас, Висерö. Иван Михайлович
Михайловлöн
казьтылöмъяс Гижис Надежда
Алексеевна Митюшева |
|
Рисунок Подоровой Людмилы Евгеньевны |
Иван с Лымвы.
В одной семье было трое детей: два сына и
дочка. Старшего сына звали Иван, младшего – Степан. Осенью 1845 года братья
поехали на лодке рыбу лучить. Ивану очень понравились места на реке Лымва, в
пятидесяти километрах от Нившеры. Через
год, женившись, он уехал туда жить. У него было три сына и две дочки. Выращивали хлеб, дичи и рыбы было много в
лесу. Иван слыл очень сильным человеком, богатырем.
Однажды Иван отправился на устье Вишеры рыбу
лучить. Его увидел богородский Тюрö
Митрей. Ему не понравилось, что чужой человек на реке. Решил догнать Ивана на лодке, но не догнал.
Тогда приехал к Ивану домой, они начали спорить. Иван и говорит Митрею: « В
трех километрах отсюда у меня есть мельница, возле нее лежит камень. Если принесешь его сюда, будешь мне первым
другом, и я не буду на вашей реке рыбу лучить». Вместе пошли к мельнице. Митрей
взялся поднимать камень, но не смог выше колен поднять. Иван же взял камень, и
на плечах принес его к дому, бросил на землю. Камень наполовину ушел в землю.
Он был весом около 30 пудов. Митрей испуганно сказал Ивану: «Я хотел тебя
убить, но не догнал. Теперь я тебе буду младшим братом».
Из
воспоминаний Михайлова Ивана
Михайловича.
Записала
Митюшева Надежда Алексеевна
|
|
© Нившерский филиал им. Ф.Ф. Павленкова МУ
«Корткеросская ЦБС» 2010 Республика Коми,
Корткеросский район, с. Нившера, м. Дiвыв, д.728 E-mail: lebedevlib@mail.ru |
