Васа  олысь

Рисунок Л.Е. Подоровой

Уна  висьтъяс  позьö  кывлыны  васа  йылысь. Васа – рочöн  лоö  «водяной». Сiйö  пö  мычысьлывлö  йöз  водзö  кузь  тошка  пöльöн,  чери  кодь  бöжа  мортöн, либ   ыджыдсьыс-ыджыд  сирöн, но  унджыкысьсö  веж  лёзь  юрсиа  нывбабаöн.

       Тайö  неважöн  на  вöлöма, 1960-öд  воясö. Менам  Наталь  бабöй  уджалiс  скöт  картаын. Вöлöмаöсь  сылöн  некымын  мöс, кодъяс  унаысь узьмöдчылöмаöсь  кытчöкö юбокса  видзьяс  вылö. Öтчыд  мöсъяс  бара  оз  локны. Рытъя  идрасьöм  бöрын  бабö  оз  нин  мун  корськы  найöс. А  гожöмнад  öд  водз  югдö. Но  и  мöдöдчас  асывнас  öтнас  корсьны  узьлысь  мöсъястö  Лымва  ю  бокö. Öтилаö  пö  котöртла, мöдлаö, ачым  пö  вомгорулын  сьылышта, гажöда  ачымöс. Шондi  пö  заводитö  нин  мыччысьны-петны. Друг  аддзас  юбокса  мыльк  вылысь  пукалысь  нывбабаöс. Юрсиыс  пö  кузь, с мын  шарс-шарс  кылö-сынасьö, бара  пö  шарс-шарс. Бабö  сэсся  и  горöдас: тэ  пö  тай  кодкö  водз  олысь  жö! А  нывбабаыд  бузгысяс юад, лёк  ыджыд  гыяс  пö  сöмын  валъявны  кутiсны. Бабö  сэки  ёна  повзьöма, вунöдöма  весиг, мыйла  сэтчö  локтöма.

       Йöз  эскылiсны, мый  васа  скöрмö, кор  юö  либö  берег  вылö  шыблалöны  лöп-ёг, чери  кыйигöн  лёкысь  видчöны  да  горзöны. Чери  кыйысьяс  шыблавлöмаöсь  юö  нянь, кольк  да  мукöд  сёян, медым  бурмöдны  васалысь  сьöлöмсö. Та  бöрын  чери  шедлöма  бурджыка  да  унджык. Васа  вылö  ыстысисны  и  сэк, кор  пöдлiсны  ваын  йöз  да  скöт. И  тайö  збыль.

       Öдя  вежань  меным  висьтавлiс, одыбса  мöсъясöс  пö  вöлi  Тист  грездлань  колльöдлам  водз  асывнас. Найö  сэсся  мöдлапöлас  вуджöны. А  сэнi, Тист  весьтас, вöлöма  кöтшас  да  некымын  мöс  сэтчö  вöйлöмаöсь. Скöтыд  öд  зэв  лöсьыда  асьныс  и  вуджöны  ютö. А  найö, кодъяс  пöдлöмаöсь, лёкысь  пö  бергалöны, петны  оз  вермыны. Гашкö  пö  вабергач  да  сiйöн  пöдöны, - шуöны  сиктса  йöз.

       А  вежань  висьталö: öтчыд  пö  юас  бара  заводитöма  öти  мöскöс  бергöдлыны. Сэки  нывбабаяс  верöсъяссö  чукöстöмаöсь-горöдöмаöсь. Медся  смел  мортыс  коскас  кöрталас  гез  да  пыжсянь  суныштас  ваас  видзöдлыны, а  мукöд  мужикъяс  гез  помсö  кутöны, мед  оз  вöй. Сэсся  кор  петас  мужичöйыд  васьыд, бура  пö  и  страститчöма: васаыд  пö  мöскыдлысь  кык  коксö  кватитöма  да  зэв  öдйö  бергöдлö-кыскö  ва  пытшкас. А  аслас  пö  лёзьыс  паськалöма. Мöскыс  некыдз  оз  вермы  мынтöдчыны, - сэтшöм  ыджыд  сiдзкö  выныс  васалöн.

 Наталья Яковлевна Михайловалoн казьтылoмъяс,
гижис Анна  Михайлова                                       

Водяной.

   Много легенд можно услышать и про водяного. Он предстает перед людьми в образе старика с длинной бородой, человеком с рыбьим хвостом, большой-большой щукой, но чаще всего женщиной с лохматыми волосами. Это было недавно, в 1960-е годы. Моя бабушка Наталья работала на ферме. Несколько коров не вернулись вечером с пастбища. Наталья рано  утром пошла их искать. Видит возле реки сидит женщина и расчесывает длинные волосы. Она и крикнула ей,  что мол ты тоже рано встаешь. А женщина бухнулась в воду и только волны пошли. Моя бабушка очень испугалась.
Люди верили, что водяной сердится когда, засоряют воду и берега, когда рыбаки кричат и ругаются матом.  Рыбаки задабривали водяного хлебом, яйцом и другой пищей. Когда тонули люди и скотина, считали, что это  водяной их утащил.
Моя крестная рассказывала, как однажды коров переплавляли  через реку. Обычно коровы хорошо переплавлялись. Только на излучине реки обычно коровы попадали в водоворот и тонули. Вот и в этот раз одна корова начала тонуть. Один мужик, обвязавшись веревкой, нырнул с лодки в реку. Другие мужики веревку держат.  Когда мужик вынырнул, рассказал, что видел водяного, как тот за ноги тащит корову ко дну. Ну и силища у него, корова никак не могла освободиться.

Из воспоминаний Михайловой Натальи Яковлевны, жительницы села Нившера.
Записала Михайлова Анна