Джыдж  Ивö

Рисунок:
Подоровой Людмилы Евгеньевны

Ёна  важöн  Одыбын  овлöма  тöдысь  морт, кодöс  шуисны  Джыдж  Ивööн.  Сiйöс  шулiсны  тöдысьöн. Аслас  тöдöмлунöн  уна  йöзöс  керис-тшыкöдлiс. Джыдж  Ивö  Одыб  весьтын  вöлi  сыныштас  и  ва  пырыс    кывтö  Висер  вомö  вотöдз. Висер  вомтi  оз  вöлi  вермы  кывтны  сы  сöсна, мый  сэнi  вöлi  уна налим.

     Висер  вичко  дорын  вöлi  тöдысь  морт  жö  олö. Коркö  Джыдж  Ивö  да  Висер  вичко  дорса  тöдысь  усьöны  спорö. Джыдж  Ивö  аслас  тöдöмлунöн  Висер  вичко  дорса  тöдысьöс  вермас  и  косьтас  сылысь  кыкнан  кисö  и  коксö.    И  сiйö  кутас  корны  Джыдж  Ивöлысь  прöшша, мед  сiйöс  бöр  лечитiс.  Но  Джыдж  Ивö  сылы  шуö: «Меным   кö  тэ  восьтан  туй  Висер  вомöд  прöйдитны,  мед  налимъяс  эз  лоны, та  бöрти  ме  тэнö  верма  справитны». И  Висер  вичко  дорса  тöдысь   тайö  тор  вöчас  Джыдж  Ивöлы. Налим  бырöдас  Висер  вомысь. Сэсся  Ивö  справитас  сылысь  кисö  да  коксö.

    Коркö  Джыдж  Ивö  лэччас  празднуйтны  Висер  вичко  дорö  Одыбса  том  йöзкöд  Пречистая  кежлö. Пречистая  лунö  найö  юасны  вичко  дорын  вина  да  усясны  спорö  сэтчöс  том  йöзкöд.  Одыбсаöс  найö  кöсйöны  нöйтны. И  Джыдж  Ивö  дöзмас  да  шуас: «Танi  эм  из. Кодi  тайö  изсö  вермас  лэптыны, сэки  позяс  заводитны  тышкасьны».  Том  йöз  заводитласны  из  да  некод  оз  вермы. А  Джыдж  Ивö  дöзмас  да  изсö  юрсьыс  вылö  лэптыштлöмöн  ляскас  муас. Изйыс  пöшти  бердас  му  пытшкас. И  Висер  вичко  дорса  том  йöз  повзясны  да  оз  лысьтны  вöрзьöдны  Одыб  сиктса  том  йöзöс. И  тадзи  Одыбса  том  йöз  Висер  вичко  дорын  празднуйтасны, гöститасны  сур  да  винаöн  куим  лун  да  бöр  каясны  гортаныс.

    Джыдж  Ивöлöн  вöлi  кык  пи: Тима  да  Иван. Найö  вöлiны  зэв  ёнöсь  и  некодысь  вöлi  оз  повны. Коркö  куим  ая-пиа  мунасны  вöрасьны  арся  вöрö    тшымъя  ворöкö. И  вöрасиг  костi  Тималысь  понсö  тшыкöдас  изьва  йывса  вöрасьысь. Тима  висьталдас  батьыслы, мый  изьва  йывса  вöралысь  тшыкöдiс  сылысь  понсö. И  Джыдж  Ивö  мунö  тайö  вöрасьысьыс  дiнö  да  шуö  сылы: «Тэ  менам  пилысь  понсö  тшыкöдiн. Ковмас  тэныд  дзик  жö  пыр  сiйöс  справитны. А  пон  тшыкöдöмысь  тэныд  ковмас  сетны  став  прöмыстö, мый  вöралiн  öнiöдз.  Он  кö  тайöс  вöч, ме  тэнö  места  вылад  косьта  кувтöдзыд!» изьва  йывса  вöралысь  повзяс  да  сетас  Джыдж  Ивöлы  став  прöмыс. Та  бöрти  куим  ая-пиа  кыясны  куим  ош. Уна  прöмыс  гортас  петкöдас  и  чери-яй.

     Гортас  воöм  мысти  кык  недель  войдöр  висьталiс, мый  ме  пö  тöлысь  мысти  кула. И  тöлысь  тырöм  мысти  Джыдж  Ивö  вит  лун  висьöм  бöрын  кулö.

    Иван  Михайлович  Михайловлoн  казьтылoмъяс
Гижис  Надежда  Алексеевна  Митюшева

Иван

   Очень давно в  Нившере жил колдун  Джыдж  Ивo.  Он насылал на людей порчу.  Он мог нырнуть в Нившере  в реку и проплыть до самого устья Вишеры. По устью не мог плыть из-за того, что там водилось много налимов.
В Богородске возле церкви тоже жил колдун.  Однажды два колдуна поспорили. Джыдж Ивo оказался сильнее в своих познаниях, и он наслал порчу на   богородского  колдуна. У того отказали руки и ноги.  И вот просит колдун, чтобы Джыдж Ивo снял порчу.  Джыдж Ивo и говорит: «Если ты освободишь устье реки от налимов и освободишь мне путь, то я  сниму порчу». Богородский колдун сделал это, налимов в  устье не стало. А Ивo снял с него порчу.
Однажды Джыдж  Ивo поехал с нившерскими парнями праздновать Пречистую в Богородск. Там они выпили вина, и завязался спор с местными. Местные парни решили побить пришлых. Джыдж Ивo рассердился и сказал: «Здесь есть камень. Кто этот камень сможет поднять, с тем и буду бороться». Никто из молодых парней не смог сдвинуть камень. А Ивo поднял его над головой, а потом сбросил на землю. Камень почти целиком ушел в землю. Богородские парни испугались, и не смели тронуть нившерских.
У Джыдж Ивo было два сына: Тима и Иван. Они были очень сильными и никого не боялись. Как-то осенью все трое отправились на охоту.  Ижемский охотник наслал порчу на собаку Тимы, тот пожаловался отцу. Ивo пошел к  этому охотнику и сказал, если он не снимет порчу с собаки, то он, Ивo, нашлет порчу на него и у него отсохнут руки и ноги. И кроме этого он должен отдать всю добычу. Немного позднее отец с сыновьями добыли трех медведей. Много пушнины, рыбы и мяса  принесли домой.
Вернувшись домой, он сказал родным, что через месяц умрет. И ровно через месяц, проболев пять дней, он скончался.

    Из  воспоминаний Михайлова Ивана  Михайловича, жителя села Нившера .
Записала  Митюшева  Надежда  Алексеевна