Алимент частушкаяс
Öтчыд окалi ме зонмöс
Садьтöг повзис
коньöр-зон.
Тайö окалöмсьыд,
шуö,
Кага кöрым перъян он?
Муса Васюк, мыйла пышъян?
Мыйла аскодьтö он
чайт?
Васюк шуö: ог ко
пышйы,
Лоас сетны уна шайт!
Шондiбанöй Петрованöй,
Дона Петюк, муса зон,
Регыд кага тэныд вая.
Ассьыд питö вердан он?
Ванюк окасигас кайтлiс:
Тэтöг öти лун ог
ов.
Нöксö куртыштiс
да шуис:
Мем пö татшöмыд
оз ков!
Öкмыс тöлысь бöрын мусук
Менам вежсис, лои мöд.
Кага кöрым кутi корны,
-
Ме пö тэнö ог и
тöд!
Войдöр нывъяс дiнö мунны
Зонлöн тэрыб вöлi
кок.
Öнi мырдöн
сiйöс коран,
Судысь полö да оз лок.
Эн на, зонмö, ëна серав.
Сöвет власьтлöн
эм на суд.
Мый ме кора, регыд сетан:
Татшöм öнi тэнад
шуд!
Зонкöд суд водзö ми пуксим.
Зонлöн чужöмъясыс
гöрд.
Судлöн шуöм
сэтшöм лои:
Ассьыд кагатö пö
верд!
Мыйла соссян, муса Пашук?
Судыс аддзас, кодi бать.
Коркö иславлiн тэ
бура,
Öнi кыскав сэсся дадь!
Медся ыджыд судын делö:
Кага кöрым корсьны
мем.
Вай жö, судöй,
öдйö судит
Кага вердöм вылö
сьöм!
Ыджыд дивö судын лои:
Öти кага – куим бать.
Куим пытшкас кыдзкö
сюри
Ыджыд тоша Спира дядь.
Пальто вурöм вылö Якö
Деньга чукöртiс дзонь
во.
Кага кöрым сэсся
мынтiс.
Пальто вурöмъяс эз ло.
Ассьыс овсö Ëгор вежис:
Ме пö абу öнi ме.
Марья шуö: кага
кöрым
Зэв на бура мынтан тэ!
Дзескыдiнö Гриша пуксис,
Кага вердны эз кö куж.
Кодi судлысь кыв оз кывзы,
Сылы петкöдласны пуж!
Прокурор дiнö ме локтi.
Отсав меным, прокурор!
Прокурор мем лючки шуис:
Став законыс кага дор!
Тэ, милиция, мый узян,
Ассьыд службатö он
тöд?
Корсь зэв öдйö
кага батьтö,
Дыр оз пышъяв сiйö
мед!
Тэкöд, муса алиментöй,
Нывлы воис оландыр.
Мед жö тайö
алиментыс
Некор му вылысь оз быр!
..К содержанию К началу раздела