Смелджыка, вокъясöй, ветлöй

Смелджыка, вокъясöй, ветлöй!

Кось вылын ëнмöдчим ми.

Вöлясö аддзис и босьтiс

Уджалысь войтырлöн ки.

Мырсьысьяс шöрысь ми петiм,

Мывкыдным абу нин нэр.

Öтувъя олöм да вöля –

Миянлы меддонатор.

Дыр нин ми сьöкыда олiм,

Тшыгъялiм, коньöръяс, дыр.

Колины кымöра лунъяс,

Воис зэв бур оландыр.

Вермасьны важыскöд колö.

Прöста мед некод оз ов.

Гöльлунысь, лëклунысь öнi

Уджалысь войтыр оз пов.

Врагыс кö зырöдны пондас,

Судзсяс на сы вылö вын.

Пыр миян ëнлунным содö,

Смеллунным некор оз чин.

Тэысь ми, враг, огö полöй,

Пиньястö жергöд кöть эн.

Тэ вöльнöй öтувтчöм йöзöс

Некор он повзьöд, он вен.

Смелджыка, вокъясöй, ветлöй!

Кось вылын ëнмöдчим ми.

Вöлясö чорыда кутö

Сöветса войтырлöн ки!

..К содержанию К началу раздела