Тулыс

Гажа тулыс воис,

Гöгöр жургö шор.

Шондi лымсö сëйис,

Ловзис пулöн кор.

Ю кузя йи кывтö –

Тувсов ва оз узь.

Югыд енэж вывтi

Лэбзьö дзодзöг, юсь.

Гожöм абу ылын.

Эжа лои веж.

Челядь ва дор вылын

Ворсöны лун чöж.

Ва дорын бур нывъяс

Сьылöны быд вой;

Мусукъяслöн кывъяс

Лоöны зэв збой…

Кодлы колö кöдзны –

Лöсьöдöны гöр.

Весьшöрö оз жöдзны,

Виччысьöны зэр.

Пöрысь пöль мый керö?

Сирöн мавтö пыж.

Шондi улын вöрö,

Копыртöма мыш.

Тулыс мортлы шуис:

«Гажöдчы, бур вок!»

Ылö-ылö нуис

Сiйö йöзлысь шог.

..К содержанию К началу раздела

---